ditsem website banner no 1 2017

-►Gesoek vir aanranding in SA – Grace Mugabe -►Zim-boere begin internasionale eiseproses oor hul gesteelde grond -►Pierre Spies groet rugby – wil werk vir minderbevoorregtes -►All Blacks legende Colin “Pinetree” Meads sterf op 81 -►Toestande in blanke plakkerskamp by Munsieville, Krugersdorp, uiters haglik -►Steve Hofmeyr sing Die Stem nogmaals in Bloem

In wat gesien word as ‘n reuse stap in die proses om Aros as ten volle privaat Christelike hoër onderwysinstelling in SA en internasionaal te posisioneer, het Aros volle registrasie verkry by die Dept. van Hoër Onderwys en Opleiding. Dit beteken dat die instelling voldoen aan al die vereistes van die Raad op Hoër Onderwys (RHO / CHE) en die Dept. van Hoër Onderwys en Opleiding (DHET) om geakkrediteerde grade en ander kwalifikasies aan te bied.

Aros bied geleentheid vir onderwyskwalifikasies wat voldoen aan nie net nasionale maar ook internasionale standaarde en het bv. vroeër vanjaar ‘n buitlandse skakeltoer onderneem met die oog op wêreldklas navorsing en programontwikkeling.

Vir meer besonderhede besoek www.aros.ac.za of kontak Stephné du Toit by 084 587 9933.

'n Plan om die agteruitgang van Afrikaanse skole in die land te bekamp, is aangekondig deur die voorsitter van die Solidariteit beweging Flip Buys. Dit volg nadat Minister van Basiese Onderwys Angie Motshekga in die Parlement aangedui het dat die aanvraag na Afrikaanse onderrig afgeneem het en dat daar daarom ʼn afname in Afrikaanse skole is.


Buys sê in 'n mediaverklaring: “Die getal Afrikaanse skole krimp wel, maar hulle is groter en Afrikaanse wêreldklasonderrig is steeds moontlik. ʼn Groot rede vir die afname in die getal skole lê daarin opgesluit dat daar nie nuwe skole gebou word nie en talle van die bestaande skole verwaarloos en in onbruik verval het. Migrasie tussen skole a.g.v. meer dubbelmediumskole het egter groter en sterker Afrikaanse skole tot gevolg gehad.


“Solidariteit is in gesprek met verskeie rolspelers in die Afrikaanse onderwysomgewing om na oplossings vir die toekoms van Afrikaanse onderrig te soek, met klem op die volgende aspekte:

  • Opleiding van meer Afrikaanse onderwysers – Aros is reeds besig om 1 000 Afrikaanse laerskoolonderwysers op te lei
  • Die Rapport-onderwysfonds
  • Voortgesette ontwikkeling van onderwysers deur Helpende Hand se Skoleondersteuningsentrum
  • Maatskaplike bystand aan kinders – die Helpende Hand voedingskema bereik 5 000 kleuters per dag
  • Voorsiening van skryfbehoeftes deur Helpende Hand
  • Metodes om outonomie van openbare skole te beskerm
  • Finansiële selfstandigheid van skole
  • Beter samewerking tussen rolspelers in die onderwysomgewing
  • Waar nodig die uitvoerbaarheid van Afrikaanse privaatskole te ondersoek
  • Die moontlikheid word ondersoek om tegnologie soortgelyk aan dié van Akademia te gebruik.”

'n Mediaverklaring van die VF Plus lui soos volg: “Enkelmedium-Afrikaanse skole het onder die ANC-regering sedert 2002 met byna ʼn derde verminder, wat as bewys dien dat die aanslag teen Afrikaans ook op basiese onderwysvlak hewig is. In antwoord op ʼn parlementêre vraag het Minister van Basiese Onderwys Angie Motshekga gesê sy het nie syfers sedert 1994 tot haar beskikking nie, maar dat die aantal Afrikaanse skole afgeneem het vanaf 1 814 in 2002 tot slegs 1 234 in 2016.

“As rede voer sy aan ʼn ‘groter aanvraag’ van leerlinge na Engels en ʼn ‘afname’ in die aantal Afrikaanse leerlinge by skole. Hierdie antwoord is verstommend aangesien daar allermins ʼn afname in die aantal Afrikaanse leerders is en dat daar inderwaarheid eerder ʼn doelbewuste uitwissing van Afrikaans in skole plaasvind.

“Daar is ʼn aggressiewe houding teenoor Afrikaans waar skole gedwing word om andertalige leerlinge in te neem waarna die proses van dubbelmedium en later totale verengelsing vinnig volg. ʼn Groot rede hiervoor is omdat daar nie nuwe skole gebou word nie en baie bestaande skole verwaarloos en in onbruik verval het. Die ongenaakbare stryd teen Afrikaanse skole van Gauteng se LUR van Onderwys Panyaza Lesufi dien as bewys hiervan.

“Daar behoort eerder 'n objektiewe en wetenskaplike studie oor die aangeleentheid gedoen te word.”

'n Ipsos-meningsopname vandeesmaand met die oog op Jeugdag het weereens aan die lig gebring dat SA wat betref swart en bruin jeug op 'n tydbom sit. Volgens die opname is sowat 18,5% van die bevolking onder 19 jaar; 66% is onder 35; werk slegs 20% van die groep tussen 15 en 24 jaar heeltyds of deeltyds; is 41% werkloos; het 1% opgegee om werk te soek; is die res in tersiêre instellings betrokke; en in die groep 19 tot 24 jaar het slegs 2% grade; 45% van 15- tot 17-jariges en 34% van 18- tot 24-jariges dink die SA ekonomie gaan nie herstel nie; en ongeveer 66% van die jeug onder 25 jaar dink Suid-Afrika is polities op die verkeerde pad. Afgesien van die resultate van hierdie opname word berig dat in baie skole is minder as die helfte van die kurrikulum teen die einde van die jaar gedek; het slegs 32% van Wiskunde-onderwysers die wenslike vlak van kennis vir die gr. 6-kurrikulum bereik; en in baie skole is kinders teen gr. 9 steeds ongeletterd. Dit beteken dat die ANC-beheerde onderwysstelsel grootliks halfgeskoolde leerders in die grootmenswêreld instoot. Drie feite wat ook in die prentjie kom, is, eerstens, dat sowat 23 000 skoolmeisies jaarliks in SA swanger raak en dus vir 'n groot gros buite-egtelike kinders binne verbrokkelde gesinstrukture verantwoordelik is. Tweedens a.g.v. HIV-Vigs en talle ander faktore word 'n massa kinders in hoofsaaklik die swart en bruin gemeenskappe in “afwesige vader”-gesinne groot, wat 'n enorme maatskaplike probleem veroorsaak. Derdens, oorskry die getal welsynsontvangers nou in SA die getal salarisverdieners, wat 'n onhoudbare maatskaplike en ekonomiese situasie skep. Daarom is dit duidelik dat SA op 'n jeugtydbom sit.
In die tragiese stap-vir-stap uitskakeling van Afrikaans as onderrigmedium op universiteitsvlak het die Appèlhof op 28 Maart 2017 ten gunste van die nuwe taalbeleid van die Universiteit van die Vrystaat uitspraak gegee teen AfriForum en Solidariteit as appellante. Daarmee is die veldtog van laasgenoemde vir behoud van Afrikaans by die UV en indirek ook by die UP 'n ernstige terugslag toegedien. Daar word tans oorweeg om die Grondwethof te nader, veral aangesien daar uit die uitspraak van die Appèlhof uiteenlopende standpunte gehuldig word oor die betekenis van Artikel 29 van die Grondwet, wat handel oor o.m. die reg tot onderrig in die taal van keuse van die student, onderhewig aan praktiese uitvoerbaarheid. In hul uitspraak het die appèlregters erken dat die uitfasering van ‘n taal soos Afrikaans uit ‘n tersiêre taalbeleid die taal en diegene in die land wat dit besig, tot nadeel strek. Die enigste ander universiteit in die land waar Afrikaans nog 'n regmatige plek het, is die Noordwes Potch-kampus. Op die mediumtermyn sal dit interessant wees om te sien of die doemprofesie van dr. Theuns Eloff van die FW de Klerk Stigting gaan realiseer dat “die langste wat Afrikaans nog vir moedertaalonderrig by universiteite sal bestaan, is agt jaar.”

In 'n mediaverklaring sê Solidariteit Helpende Hand dit gaan vanjaar “die onderwysers van behoeftige skole regoor die land bystaan met die implementering van ’n spesiale kis vol onderwyshulpmiddels. Die projek, bekend as Juffrou se Skatkis, is daarop gemik om al die grondslagfase-klasse van skole te bevorder.
Die tekort aan die nodige Afrikaanse hulpmiddels is ’n groot probleem vir baie onderwysers in staatskole en daarom is onderwysers dikwels genoodsaak om hulpmiddels uit eie sak aan te skaf. Die Juffrou se Skatkis wil graag hierdie probleem uit die weg ruim deur toe te sien dat die regte hulpmiddels beskikbaar is vir elke klaskamer in die land. Die skatkis bevat skryfbehoeftes, pragtige Afrikaanse plakkate, legkaarte, blokkies en ’n springtou, asook ’n verskeidenheid handleidings.
Die hoogtepunt van die skatkis is egter die opvoedkundige hulpmiddels soos die Skillie Skilpad-reeks, ’n hulpprogram vir Afrikaans wat op KABV-kurrikulum gerig is.
Die reeks ontwikkel die leerders se ouditiewe taalontwikkeling deur rympies, liedjies, stories, vrae en geluide. Die WriteRight-reeks is ook in die kis om met behulp van helderkleurige houtprodukte die skryfvaardighede van die leerders te verbeter. Vir meer inligting oor die projek, kontak Marianda Schlebusch by 012 644 4390 of Hierdie e-posadres word van Spambotte beskerm. Jy moet JavaScript ontsper om dit te lees..">Hierdie e-posadres word van Spambotte beskerm. Jy moet JavaScript ontsper om dit te lees..

Met die afskaffing en afskaling van Afrikaans by universiteite en die streng toepassing van raskwotas teen blanke student as dit by kursustoelatings en beurse kom, wend al meer voornemende Afrikaanse studente hulle tot die Solidariteit Helpende Hand Studiefondssentrum vir beurse en studiegeleenthede.Laasgenoemde berig dat hulle vanjaar oorval is met ʼn rekordgetal aansoeke vir studiehulp, in so ʼn mate dat tot 5 000 voornemende studente nie met befondsing gehelp kon word nie.
Hierdie situasie het ontstaan ten spyte van die feit dat die studiefonds ’n rekordgetal van 1 500 studente in 2017 met studies gaan help ten totale beursbedrag van R40 miljoen - die grootste bedrag wat hierdie studiefonds nog uitbetaal het. Duisende oproepe van voornemende studente stroom steeds in en van dié wat nie gehelp kan word nie, word rekord van gehou met die oog op moontlike hulp later op ’n individuele grondslag.
Van die aansoeke wat ontvang is, is van studente wat talle onderskeidings behaal het, soos van twee susters wat saam 15 onderskeidings behaal het, maar finansiële ondersteuning nodig het om hulself onderskeidelik as ’n dokter en arbeidsterapeut te kan bekwaam. Maatskappye en individue wat skenkings aan die Helpende Hand Studiefondse maak, ontvang ’n groot belastingvoordeel en wil borg of ’n bydrae wil maak, kan dit doen deur te epos aan Stefan Pieterse by Hierdie e-posadres word van Spambotte beskerm. Jy moet JavaScript ontsper om dit te lees. of die Studiefondssentrum by 012 644 4428 te kontak of www.helpendehand.co.za/studiefonds/ te besoek.
Een van die tallose voorbeelde van hoe daar teen blanke studente gediskrimineer word as dit kom by studiebeurse, blyk uit die beskikbaarstelling deur die SA Instituut vir Geoktrooieerde Rekenmeesters (SAIGR) van meer as 300 beurse vir Matrieks wat vir geoktrooieerde rekenmeester wil gaan studeer. Aansoeke vir die Thuthuka Bursary Fund is oop tot 30 April 2017, maar dit geld slegs vir swart en bruin aansoekers.

Veel stof en rook word opgeskop rondom die kampusrewolusie in SA en die aandrang van anargistiese swart studente dat universiteite in die land “gedekolonialiseer” moet word en vervang word met sg. Afrosentriese universiteite. Wat egter is die worteloorsaak van hierdie rewolusionêre aandrang?

In ‘n onderhoud gepubliseer in Volksblad het skrywer en dosent in Afrikaans aan die UV, Francois Smith, dit só raakgevat: “Dit begin by die studente wat glad nie toegerus is om op universiteit te wees nie. Dit begin by skoolonderrig. Kinders kry plein swak onderrig, met swak onderwysers en swak strukture.

“Voorts is daar die aandrang om so gou moontlik moedertaalonderrig te verlaat. Dit verswak ‘n hele generasie skoolkinders vir wie hul onderrig daarna ‘n stryd met taal is – hulle kry nooit die geleentheid om vakinhoud konseptueel baas te raak nie, want dis ‘n stryd om in Engels te verstaan.

“My ervaring op die Kovsie-kampus is dat op universiteit veels te veel studente is wat nie daar hoort nie. Dis ook as gevolg van die afskaffing van kolleges. Ons sit by ons departement met onderwysstudente wat nie op universteit hoort nie. Dis vir hulle net so frustrerend.

“Politici, SR-lede en politici van buite buit arm, sukkelende studente se frustrasie op ‘n absoluut siniese manier uit. Dan brand biblioteke en geboue.

“Daar is egter ook die teenpool van die biblioteekafbranders. Studente wat in groepies die biblioteek vol sit omdat hulle nie by hul huis, of waar ookal hulle loseer, geskikte studieruimtes het nie. Hulle sit en leer en met boeke voor hulle oop, tree hulle in debat met mekaar. Hulle werk hard.”

By hierdie siening kan aangesluit word deur te sê daar is ‘n geslag swart jongmense wat vanuit ‘n swak skoolstelsel en dikwels uit ‘n verbrokkelde gesinstruktuur geen gesag kan aanvaar nie en reken dat hulle op alles geregtig is en dit boonop gratis moet kry. Dit is dus ‘n diepgewortelde maatskaplike probleem, wat gespesialiseerde en langdurige remediëring of berading benodig – ‘n kapasiteit waaroor die land tans ooglopend nie beskik nie.

Daarteenoor wys die feite eenvoudig dat met goedfunksionerende voormalige sogenaamde Model C-skole met toegewyde blanke onderwysers blanke kinders veel beter toegerus word vir loopbaangerigte tersiêre opleiding. Dit is ook so dat die blanke gesinstruktuur tot ‘n groot mate meer stabiel is en ‘n beter grondslag daarstel vir emosioneel-gebalanseerde kinders. Dit kom dus neer op dikwels twee verskillende leefwêrelde of kulture – ‘n dilemma waarvoor daar ‘n oplossing gevind moet word.   

Die diepgewortelde maatskaplike probleem word tans verder gekompliseer deurdat die anargie op die kampusse goedbedoelende en vreedsame studente verhoed om hul akademiese jaar suksesvol te voltooi en sodoende ‘n terugslag ervaar – loopbaangewys, finansieel en emosioneel. Daarby dien in gedagte gehou te word dat die nie-amptelike druipsyfer vir eerstejaarstudente in SA op 49% gestel word.

Dit is dan wat betref die jong geslag wat veronderstel is om die leiers van môre van hierdie land te wees.   

Veel stof en rook word opgeskop rondom die kampusrewolusie in SA en die aandrang van anargistiese swart studente dat universiteite in die land “gedekolonialiseer” moet word en vervang word met sg. Afrosentriese universiteite. Wat egter is die worteloorsaak van hierdie rewolusionêre aandrang?

In ‘n onderhoud gepubliseer in Volksblad het skrywer en dosent in Afrikaans aan die UV, Francois Smith, dit só raakgevat: “Dit begin by die studente wat glad nie toegerus is om op universiteit te wees nie. Dit begin by skoolonderrig. Kinders kry plein swak onderrig, met swak onderwysers en swak strukture.

“Voorts is daar die aandrang om so gou moontlik moedertaalonderrig te verlaat. Dit verswak ‘n hele generasie skoolkinders vir wie hul onderrig daarna ‘n stryd met taal is – hulle kry nooit die geleentheid om vakinhoud konseptueel baas te raak nie, want dis ‘n stryd om in Engels te verstaan.

“My ervaring op die Kovsie-kampus is dat op universiteit veels te veel studente is wat nie daar hoort nie. Dis ook as gevolg van die afskaffing van kolleges. Ons sit by ons departement met onderwysstudente wat nie op universteit hoort nie. Dis vir hulle net so frustrerend.

“Politici, SR-lede en politici van buite buit arm, sukkelende studente se frustrasie op ‘n absoluut siniese manier uit. Dan brand biblioteke en geboue.

“Daar is egter ook die teenpool van die biblioteekafbranders. Studente wat in groepies die biblioteek vol sit omdat hulle nie by hul huis, of waar ookal hulle loseer, geskikte studieruimtes het nie. Hulle sit en leer en met boeke voor hulle oop, tree hulle in debat met mekaar. Hulle werk hard.”

By hierdie siening kan aangesluit word deur te sê daar is ‘n geslag swart jongmense wat vanuit ‘n swak skoolstelsel en dikwels uit ‘n verbrokkelde gesinstruktuur geen gesag kan aanvaar nie en reken dat hulle op alles geregtig is en dit boonop gratis moet kry. Dit is dus ‘n diepgewortelde maatskaplike probleem, wat gespesialiseerde en langdurige remediëring of berading benodig – ‘n kapasiteit waaroor die land tans ooglopend nie beskik nie.

Daarteenoor wys die feite eenvoudig dat met goedfunksionerende voormalige sogenaamde Model C-skole met toegewyde blanke onderwysers blanke kinders veel beter toegerus word vir loopbaangerigte tersiêre opleiding. Dit is ook so dat die blanke gesinstruktuur tot ‘n groot mate meer stabiel is en ‘n beter grondslag daarstel vir emosioneel-gebalanseerde kinders. Dit kom dus neer op dikwels twee verskillende leefwêrelde of kulture – ‘n dilemma waarvoor daar ‘n oplossing gevind moet word.   

Die diepgewortelde maatskaplike probleem word tans verder gekompliseer deurdat die anargie op die kampusse goedbedoelende en vreedsame studente verhoed om hul akademiese jaar suksesvol te voltooi en sodoende ‘n terugslag ervaar – loopbaangewys, finansieel en emosioneel. Daarby dien in gedagte gehou te word dat die nie-amptelike druipsyfer vir eerstejaarstudente in SA op 49% gestel word.

Dit is dan wat betref die jong geslag wat veronderstel is om die leiers van môre van hierdie land te wees.   

‘n “Onafhanklike ondersoekspan” van die Universiteit van die Vrystaat het ‘n verslag uitgebring oor die “Shimlapark-voorval en verwante gebeure op die kampus in Februarie 2016” waarin die skuld feitlik vierkantig op die skouers van blanke studente geplaas word. Tydens die betrokke gebeure is o.a. die standbeeld van oud pres. CR Swart afgebreek en in ‘n visdam gegooi, terwyl gewelddadige botsings tussen wit en swart studente plaasgevind het. Die ondersoekspan is gelei deur regter Johann van der Westhuizen bygestaan deur ‘n paneel van drie, waarvan twee swart is. In die verslag, getiteld “People not stones”, word die optrede van blanke toeskouers teenoor swart betogers wat die Varsity Cup wedstryd op Shimlapark gewelddadig ontwrig het, as “rassisties en barbaars” beskryf, terwyl die optrede van die swart studente wat die CR Swart-standbeeld gevandaliseer het, as verskoonbaar bestempel word, omdat dit “hulle die geleentheid gegee het om af te koel”. Uitlatings deur SR-voorsitter Lindokuhle Ntuli soos “white bastards” op Facebook was in die konteks aanvaarbaar, maar die optrede van vroulike studentelede van AfriForum word as verdag voorgestel. Die omstrede Reitz-voorval van jare gelede word ook weer bygesleep en word die opvolgerkoshuis Heimat, wat nou buite die kampus is, aan “volkstaat en Nazïsme” gekoppel. In reaksie op die verslag het die UV Raad dit as “’n goeie aanduiding” bevind en die UV-bestuur versoek om ‘n bloudruk vir transformasie en uitwissing van rassisme op te stel.

Bladsy 1 van 3

Barnard Bouers

wow kitsblits