ditsem website banner no 1 2017

Glybanier

-►Ditsem Nuus webwerf www.ditsem.net handhaaf tans sowat 21 000 besoekers per maand -►Matjila van OBK sê nou SAA mag moontlik geld leen -►Beweerde renosterstroper David Mahlobo nou Minister van Energie -►Internasionale besoekers aan Kaapstad groei 27% in eerste semester 2017 -►Adj-pres. Ramaphosa blykbaar moontlik volgende vir Zuma-valbyl

Veel stof en rook word opgeskop rondom die kampusrewolusie in SA en die aandrang van anargistiese swart studente dat universiteite in die land “gedekolonialiseer” moet word en vervang word met sg. Afrosentriese universiteite. Wat egter is die worteloorsaak van hierdie rewolusionêre aandrang?

In ‘n onderhoud gepubliseer in Volksblad het skrywer en dosent in Afrikaans aan die UV, Francois Smith, dit só raakgevat: “Dit begin by die studente wat glad nie toegerus is om op universiteit te wees nie. Dit begin by skoolonderrig. Kinders kry plein swak onderrig, met swak onderwysers en swak strukture.

“Voorts is daar die aandrang om so gou moontlik moedertaalonderrig te verlaat. Dit verswak ‘n hele generasie skoolkinders vir wie hul onderrig daarna ‘n stryd met taal is – hulle kry nooit die geleentheid om vakinhoud konseptueel baas te raak nie, want dis ‘n stryd om in Engels te verstaan.

“My ervaring op die Kovsie-kampus is dat op universiteit veels te veel studente is wat nie daar hoort nie. Dis ook as gevolg van die afskaffing van kolleges. Ons sit by ons departement met onderwysstudente wat nie op universteit hoort nie. Dis vir hulle net so frustrerend.

“Politici, SR-lede en politici van buite buit arm, sukkelende studente se frustrasie op ‘n absoluut siniese manier uit. Dan brand biblioteke en geboue.

“Daar is egter ook die teenpool van die biblioteekafbranders. Studente wat in groepies die biblioteek vol sit omdat hulle nie by hul huis, of waar ookal hulle loseer, geskikte studieruimtes het nie. Hulle sit en leer en met boeke voor hulle oop, tree hulle in debat met mekaar. Hulle werk hard.”

By hierdie siening kan aangesluit word deur te sê daar is ‘n geslag swart jongmense wat vanuit ‘n swak skoolstelsel en dikwels uit ‘n verbrokkelde gesinstruktuur geen gesag kan aanvaar nie en reken dat hulle op alles geregtig is en dit boonop gratis moet kry. Dit is dus ‘n diepgewortelde maatskaplike probleem, wat gespesialiseerde en langdurige remediëring of berading benodig – ‘n kapasiteit waaroor die land tans ooglopend nie beskik nie.

Daarteenoor wys die feite eenvoudig dat met goedfunksionerende voormalige sogenaamde Model C-skole met toegewyde blanke onderwysers blanke kinders veel beter toegerus word vir loopbaangerigte tersiêre opleiding. Dit is ook so dat die blanke gesinstruktuur tot ‘n groot mate meer stabiel is en ‘n beter grondslag daarstel vir emosioneel-gebalanseerde kinders. Dit kom dus neer op dikwels twee verskillende leefwêrelde of kulture – ‘n dilemma waarvoor daar ‘n oplossing gevind moet word.   

Die diepgewortelde maatskaplike probleem word tans verder gekompliseer deurdat die anargie op die kampusse goedbedoelende en vreedsame studente verhoed om hul akademiese jaar suksesvol te voltooi en sodoende ‘n terugslag ervaar – loopbaangewys, finansieel en emosioneel. Daarby dien in gedagte gehou te word dat die nie-amptelike druipsyfer vir eerstejaarstudente in SA op 49% gestel word.

Dit is dan wat betref die jong geslag wat veronderstel is om die leiers van môre van hierdie land te wees.   

‘n “Onafhanklike ondersoekspan” van die Universiteit van die Vrystaat het ‘n verslag uitgebring oor die “Shimlapark-voorval en verwante gebeure op die kampus in Februarie 2016” waarin die skuld feitlik vierkantig op die skouers van blanke studente geplaas word. Tydens die betrokke gebeure is o.a. die standbeeld van oud pres. CR Swart afgebreek en in ‘n visdam gegooi, terwyl gewelddadige botsings tussen wit en swart studente plaasgevind het. Die ondersoekspan is gelei deur regter Johann van der Westhuizen bygestaan deur ‘n paneel van drie, waarvan twee swart is. In die verslag, getiteld “People not stones”, word die optrede van blanke toeskouers teenoor swart betogers wat die Varsity Cup wedstryd op Shimlapark gewelddadig ontwrig het, as “rassisties en barbaars” beskryf, terwyl die optrede van die swart studente wat die CR Swart-standbeeld gevandaliseer het, as verskoonbaar bestempel word, omdat dit “hulle die geleentheid gegee het om af te koel”. Uitlatings deur SR-voorsitter Lindokuhle Ntuli soos “white bastards” op Facebook was in die konteks aanvaarbaar, maar die optrede van vroulike studentelede van AfriForum word as verdag voorgestel. Die omstrede Reitz-voorval van jare gelede word ook weer bygesleep en word die opvolgerkoshuis Heimat, wat nou buite die kampus is, aan “volkstaat en Nazïsme” gekoppel. In reaksie op die verslag het die UV Raad dit as “’n goeie aanduiding” bevind en die UV-bestuur versoek om ‘n bloudruk vir transformasie en uitwissing van rassisme op te stel.

Veel stof en rook word opgeskop rondom die kampusrewolusie in SA en die aandrang van anargistiese swart studente dat universiteite in die land “gedekolonialiseer” moet word en vervang word met sg. Afrosentriese universiteite. Wat egter is die worteloorsaak van hierdie rewolusionêre aandrang?

In ‘n onderhoud gepubliseer in Volksblad het skrywer en dosent in Afrikaans aan die UV, Francois Smith, dit só raakgevat: “Dit begin by die studente wat glad nie toegerus is om op universiteit te wees nie. Dit begin by skoolonderrig. Kinders kry plein swak onderrig, met swak onderwysers en swak strukture.

“Voorts is daar die aandrang om so gou moontlik moedertaalonderrig te verlaat. Dit verswak ‘n hele generasie skoolkinders vir wie hul onderrig daarna ‘n stryd met taal is – hulle kry nooit die geleentheid om vakinhoud konseptueel baas te raak nie, want dis ‘n stryd om in Engels te verstaan.

“My ervaring op die Kovsie-kampus is dat op universiteit veels te veel studente is wat nie daar hoort nie. Dis ook as gevolg van die afskaffing van kolleges. Ons sit by ons departement met onderwysstudente wat nie op universteit hoort nie. Dis vir hulle net so frustrerend.

“Politici, SR-lede en politici van buite buit arm, sukkelende studente se frustrasie op ‘n absoluut siniese manier uit. Dan brand biblioteke en geboue.

“Daar is egter ook die teenpool van die biblioteekafbranders. Studente wat in groepies die biblioteek vol sit omdat hulle nie by hul huis, of waar ookal hulle loseer, geskikte studieruimtes het nie. Hulle sit en leer en met boeke voor hulle oop, tree hulle in debat met mekaar. Hulle werk hard.”

By hierdie siening kan aangesluit word deur te sê daar is ‘n geslag swart jongmense wat vanuit ‘n swak skoolstelsel en dikwels uit ‘n verbrokkelde gesinstruktuur geen gesag kan aanvaar nie en reken dat hulle op alles geregtig is en dit boonop gratis moet kry. Dit is dus ‘n diepgewortelde maatskaplike probleem, wat gespesialiseerde en langdurige remediëring of berading benodig – ‘n kapasiteit waaroor die land tans ooglopend nie beskik nie.

Daarteenoor wys die feite eenvoudig dat met goedfunksionerende voormalige sogenaamde Model C-skole met toegewyde blanke onderwysers blanke kinders veel beter toegerus word vir loopbaangerigte tersiêre opleiding. Dit is ook so dat die blanke gesinstruktuur tot ‘n groot mate meer stabiel is en ‘n beter grondslag daarstel vir emosioneel-gebalanseerde kinders. Dit kom dus neer op dikwels twee verskillende leefwêrelde of kulture – ‘n dilemma waarvoor daar ‘n oplossing gevind moet word.   

Die diepgewortelde maatskaplike probleem word tans verder gekompliseer deurdat die anargie op die kampusse goedbedoelende en vreedsame studente verhoed om hul akademiese jaar suksesvol te voltooi en sodoende ‘n terugslag ervaar – loopbaangewys, finansieel en emosioneel. Daarby dien in gedagte gehou te word dat die nie-amptelike druipsyfer vir eerstejaarstudente in SA op 49% gestel word.

Dit is dan wat betref die jong geslag wat veronderstel is om die leiers van môre van hierdie land te wees.   

Volgens die jongste verslag van die Ouditeur-generaal oor die Vrystaatse Dept. van Onderwys vir 2015/16 is die departement R640 miljoen oortrokke op sy bankrekening, terwyl die departement terselfdertyd R139,4 miljoen nie gespandeer het nie en wat terugbetaal sal moet word aan die Nasionale Tesourie. Voorts het die departement R380 miljoen in toevallings, terwyl dit aan die ander kant daartoe verbind is om meer as R1 miljard uit te betaal. Ongemagtigde uitgawes in die departement vir die onderhawige jaar beloop sowat R157 miljoen, R163 miljoen vir onreëlmatige uitgawes en vrugtelose uitgawes R2,2 miljoen.  

Dit is ‘n praktiese waarneming dat die landswye #FeesMustFall-veldtog lank nie meer bloot oor klasgelde gaan nie. Veral op Wits, maar ook by die KZN-kampusse, Ikeys en historiese swart universiteite gaan dit oor omverwerping van die bestaande wet, orde en beproefde wetenskap. Dit gaan spesifiek oor sg. “dekolonalisering” wat die mooi term is vir “Weg met wittes.”Retoriek oor luidsprekers en op plakate en T-hemde is openlik anti-blank.

Dit gaan voorts oor maksimale uittarting van die Polisie, sodat, in die woorde van die anargiste, “’n tweede Marikana” geskep kan word, ten einde te dien as verdere vonk in die kruitvat. Tekenend is ook ‘n brief van Kovsie-opstokers op sosiale media (onder vals name) dat betogende studente die geweld verder moet voer na skole soos Grey Kollege en HTS Louis Botha, terwyl die Waterfront en Mimosa winkelsentra “gevandaliseer”moet word. Hierdie is nuusgebeure dat dit gaan oor veel meer as gratis universiteitsonderrig.

Volgens syfers pas deur StatsSA vrygestel, is sowat 1 uit 3 jongmense in die land tussen die ouderdomme van 15 en 24 jaar sonder werk en ontvang ook nie enige opleiding nie. Dit verteenwoordig ‘n totaal van sowat 3,1 miljoen mense

Die wyse waarop studente-onluste op oorwegend swart universiteitskampusse die afgelope twee weke handuit geruk het, toon duidelik dat dit die beginstadium van ‘n rewolusie in SA is. Sodanige tekens is o.m.: Die grootskaalse vernietiging van eiendom en infrastruktuur, nie net op kampusse nie maar ook in aangrensende stedelike gebiede / Die klakkelose verontagsaming van die gesag van universiteitsowerhede, asook die uiterse uittarting van die SA Polisiediens onder groot druk om wet en orde te handhaaf / Die aandrang van militante studente dat universiteite “gedekolonialiseer” moet word en omsekep moet word in Afrosentriese universiteite / Die eis dat nie net universiteite radikaal getransformeer moet word nie, maar ook alle skole vanaf kleuter tot matriek / Die aansluiting van Cosatu landswyd by die #FeesMustFall veldtog, wat op hul beurt ‘n beroep gedoen het op die Internasionale Vereniging van Vakbonde om die rewolusie te steun / Die goedgeorganiseerde en beplande aard van die betogings, bv. voorrade petrolbomme wat opgepot word / Vertrapping van die regte van studente wat met hul studies wil aangaan en wil kwalifiseer, asook van dosente wat wil voortgaan met klasse en van universiteitsbesture wat om finansiële redes die akademiese jaar vanjaar moet voltooi / Getuienis dat onder die voorbokke van die  betogings ook persone is wat nie ingeskrewe studente is nie / Duidelike tekens dat die betogende studente bykans 100% swart en gekleurd is, terwyl daar talle pront uitsprake is dat die veldtog primêr anti-wit gerig is. Ingeligte waarnemers meen dat daar wel ‘n derde mag en buitelandse agitasie, komende ook van Westerse intelligensiedienste, agter die studente-opstande sit.

Akademia, as die Afrikaanse universiteit deur Solidariteit gestig, is in die proses om nuwe studiesentrums te Bloemfontein, Paarl en George te vestig met die oog op implementering begin 2017. Dit kom naas die hoofkampus te Centurion en bestaande sentrums in Gauteng en te Kaapstad, wat die totale aantal sentrums vir 2017 op 11 te staan bring. Studente by Akademia studeer d.m.v. kontaksessies in hoëtegnologie-sentrums, met lesings regstreeks aangebied en danksy optiese veselnetwerke sien, hoor en kommunikeer studente en dosente in tot ses studiesentrums tegelyk met mekaar. Piet le Roux, akademiese hoof van Akademia sê: “Ons studente moet die beste uit die wêreld na Afrikaans bring, maar ook die beste uit Afrikaans na die wêreld neem.” Akademia aanvaar tans inskrywings vir die volgende programme in 2017: B.Com Ondernemingsbestuur / B.Com Bestuursrekeningkunde / B.Com Ekonomie en Regte / B.Com Finansiële Beplanning / Gevorderde Diploma in Projekbestuur / Hoër sertifikaat in Rekeningkunde / Hoër sertifikaat in Kantooradministrasie. Vir meer inligting, besoek www.akademia.ac.za

 

In die #FeesMustFall-veldtog het studente - meer as 95% swart en gekleurd - vandeesweek ‘n aantal universiteitskampusse d.m.v. gewelddadige betogings laat sluit. Studente - meer as 85% blank - wat normaalweg met klasse en toetse wil aangaan, is met geweld verhoed om dit te doen. In talle gevalle is toetslokale binnegestorm, toetsskrywende studente uitgejaag en vraestelle opgeskeur. Sodanige gevalle het o.a. voorgekom te Universiteit van Pretoria (UP), Wits, Universiteit van die Vrystaat (UV) en Universiteit van Stellenbosch (US). Die kampus van Wits is vir alle praktiese doeleindes in ‘n staat van militêre beleg, terwyl groot skade aan geboue en infrastruktuur aangerig is. Dieselfde geld die Mahikeng-kampus van die NWU, die KZN Universiteit te Pietermaritzburg en sommige universiteite vir tegnologie. By die UP is die Hatfield-kampus gesluit ondanks versekerings deur rektor prof. Cheryl de la Rey dat betogings en geweld nie geduld sou word nie. ANC sekretaris-generaal Gwede Mantashe het gesê dat as hy die Minister van Hoër Opvoeding was, sou hy die universiteite vir ses maande gesluit het en die koshuise vir ‘n verdere ses maande, sodat studente tot hul sinne kan kom. Inmiddels kan interessante, growwe maar op die punt af video-kommentaar van ‘n jong bruin inwoner van Touwsrivier by hierdie skakel op Facebook gesien word. Intussen blyk dit volgens onbevestigde syfers dat skade van sowat R500 miljoen reeds aan universiteitskampusse aangerig is, terwyl nagenoeg die helfte van alle eerstejaarstudente in SA druip.  

Volgens die DG van Basiese Onderwys Hubert Mweli is die personeel van voormalige Model C-skole te wit en moet dit getransformeer word. Volgens hom het die leerlingbevolkings van hierdie skole werklik getransformeer tot 70%-80% swart leerlinge, maar dit reflekteer nie in die uitslae van skole nie, waar die toppresteerders meesal blank is. Mweli sê voorts dat hoewel basiese onderwys steeds die grootste deel van die nasionale begroting ontvang, weerspieël die gehalte van uitslae nie hierdie belegging nie. In reaksie op hierdie uitlatinge sê Chris Klopper van SAOU die beste dingf wat die departement kan doen is om presterende skole uit te los, want dit is ‘n feit dat wanfunksionele skole tussen 60% en 80% van die skole uitmaak. Hy sê “dele van die onderwysstelsel is van wêreldgehalte en as ‘n skool ‘n slaagsyfer van 98% het, wat wil jy hulle dan vertel van skoolhou?” Alana Bailey van AfriForum sê: “Die DG se aanval skep die indruk dat die departement gehalte-onderrig ondergeskik stel aan ʼn rasagenda. Die eerste prioriteit moet die prestasie van skole wees, nié die rassesamestelling van hulle personeel nie.”

Bladsy 2 van 3

Ora betonwerke proef Sept 2017

Artistia Food

Renosterberg lodge