ditsem website banner no 1 2017

Glybanier

-►Nog twee plaasaanvalle: Potch en Hoopstad -►Trump weier om ooreenkoms met Iran te sertifiseer -►R800 miljoen van Transnet-pensioenfonds deur Guptas gegaps -►Krieket: Proteas maak maalvleis van Bangladesjies -►Oostenryk nasionalistiese party met 31 jarige leier wen verkiesing -►Zuma 283 aanklagte: NVG gooi jakkalsdraaie -►Zuma-hofsaak: Schabir Shaik bereid om vir staat getuig -►Curriebeker: Haaie, Bulle, Leeus en WP maak halfeindstryd -►Tennis: Federer en Sharapova bo in twee Chinese toernooi -►OBK pensioenfondse van R1,3 miljard: Gigaba loods ondersoek
Swak verbruikersbesteding en 'n vlaag van nuwe winkelsentrums wat landwyd opgeskiet het, laat die omset van winkelsentrums daal. Dit blyk uit syfers wat twee van die land se grootste winkelsentrum-eienaars, Growthpoint en Hyprop, onlangs bekend gemaak het. Hyprop se gemiddelde groei in handelsdigtheid (omset per vierkante meter) het in die ses maande tot einde Desember tot 3,4% afgeneem van 5,2% in die vorige ses maande. Die maatskappy besit onder meer die Rosebank Mall en Hyde Park Corner in Johannesburg, Canal Walk in Kaapstad en die Somerset Mall op Somerset-Wes. Pieter Prinsloo, uitvoerende hoof van Hyprop, sê die syfers weerspieël die druk waaronder verbruikers verkeer en dat hulle meer as ooit tevore winskopies najaag. Hy sê Suid-Afrikaanse modekleinhandelaars word ook geraak deur mededingende modereuse uit die buiteland wat vinniger nuwe modeneigings op die rakke kan kry. Norbert Sasse, uitvoerende hoof van Growthpoint, sê handelstoestande in die kleinhandelomgewing is moeilik, veral in die sentrums waar nuwe ontwikkelings opgeskiet het in bestaande sentrums se primêre opvanggebied. Growthpoint se gemiddelde groei in handelsdigtheid was in die ses maande tot einde Desember slegs 1,45%. Sasse sê die nuwe Mall of Africa het ‘n impak op Growthpoint se Woodmead en Festival Mall, terwyl die uitgebreide Menlynpark-winkelsentrum en Menlyn on Main die Brooklynsentrum raak. SA het ‘n verbysterende meer as 23 miljoen m2 se formele winkelsentrumruimte.
Gradeer die artikel
(0 stemme)

Lewer kommentaar

Vul al die vereiste velde in (*)

Ora betonwerke proef Sept 2017

Artistia Food

Renosterberg lodge