ditsem website banner no 1 2017

-►Adendorff Machinery Mart verhuis na groter perseel – nou h/v Harveyweg, Kerkstr. en Monumentweg -►Malu Pork open amptelik nuwe doelontwerpte aanleg in Kimdustria, Kimberley -►ANC wys diktatuur met heksejag teen LP’s wat teen staatskaping en korrupsie stem -►Mugabe, “Moordenaars van wit boere nie vervolg nie” -►Carro Private Skoolgroep nou 47 000 leerlinge in totaal en jaarlikse omset van R1 miljard -►Brandstofpryse styg 6 September, meeste nog vanjaar -►Buitelander – Otis Gibson – dalk nuwe Protea Krieketafrigter?

As boorling van die Petrusville-distrik, het ek omstreeks 1964 met Vanderkloof kennis gemaak toe ons met die grondpaadjie daarheen gery het tussen die doringbome en spruite deur. Min het ek geweet dat ek in 1973 by Vanderkloof Laerskool sou begin skoolhou.
Dit was dieselfde jaar waarin bouwerk aan die dam 'n aanvang geneem het en ek as jong getroude onderwyser met groot verwagtinge op die dorpie begin het. My vrou, Annemarie en ons pasgebore babadogter het aanvanklik eers agtergebly in die Paarl. Die skoolhoof, mnr. Hannes Coetzee, het my ontvang en na die huis geneem wat aan ons toegeken is. Dit was nie wat ons verwag het nie, maar ons het die opslaanhuisie aanvaar en mettertyd iets daarvan gemaak. Dit is vandag deel van die Rhino Manor Gastehuis-kompleks.
Ons het onsself ingeburger en die personeel van die skool het 'n besondere band met die gemeenskap opgebou. So het die hoofingenieur van Waterwese ons as personeel genooi om die aanvang van die bou van die damwal, wat die kofferwalle ingesluit het, met 'n braai te vier waar die wal sou kom.
Vir twee jaar het ons die miernes van bedrywighede, wat dag en nag plaasgevind het, met belangstelling gevolg en gefotografeer. Onvergeetlik was toe ons met 'n voertuig in een van die Vrystaat-tonnels gery het en so die ondergrondse tonnels en uitgrawings kon besoek. In later jare het ons saam met 'n toergroep die voltooide projek besigtig en die volle impak van die projek in verwondering aanskou.
Daar was ook die dag toe die kabelspoor-ankertoring aan die Vrystaat-kant ineengestort het. Die personeel was met teepouse in die personeelkamer toe 'n oorverdowende slag van iewers kom. Geskok het ons opgespring en 'n reuse stofwolk deur die venster gesien aan die Vrystaat-kant.
Kort voor die ryvlak op die wal aangebring is, het ek en my gesin na Bloemfontein verhuis en sou ek vir oulaas my fiksheid toets deur van die dorpie se hoogte bo die riviervlak af te “draf“ van klip na klip tot onder by die rivier en weer terug. Nooit sou dit egter weer kon gebeur nie, want die instromende water sou die kloof opvul.

Gradeer die artikel
(0 stemme)

Lewer kommentaar

Vul al die vereiste velde in (*)

Barnard Bouers

wow kitsblits