Tinus Nortje Eiendomme proef April 2017.jpg

Moord en Verkragting (8)

Te Bulwer in KZN is 'n boer in sy sestigerjare deur aanvallers op die plaas Tatoon oorval terwyl hy laatmiddag op sy stoep gesit het. Hulle het hom die huis ingesleep en aan die brand gesteek. Sy lyk is onherkenbaar verkool. Sy vrou was nie tuis nie om bystand te verleen by 'n fietsren en het met haar terugkeer op die grusame moordtoneel afgekom. Dit volg op die moord in Februarie van jaar toe Gavin Carter (47) doodgeskiet is in die Underberg-distrik en Trevor Rees in dieselfde week op sy plaas in die distrik Himeville twee dae lank gemartel is en geskiet is en later in die hospitaal oorlede is.

Vier mense is wreed vermoor in drie plaasaanvalle in die Vrystaat die afgelope ses dae. Te Parys is 'n 87-jarige boer met 'n hamer doodgeslaan. Te Wepener is Piet van den Berg en ’n werker van die plaas Pharoosfontein vasgebind en doodgeskiet aangetref. Te Ladybrand is Dirk du Randt van die plaas Elim ook vasgebind en doodgeskiet aangetref. Die vorige week is Peet van Es (54) op sy plaas in die Barberton-distrik in Mpumalanga letterlik doodgeslaan, sy vrou Arine ernstig aangerand en hul huis gestroop.
In die moordverhoor van Martie Bester (66) van die plaas Erfbloem in die Theunissen-distrik het een van die twee beskuldigdes Motelekoa Mothibedi in die Vrystaatse hooggeregshof getuig hy het kos in haar kombuis voorberei terwyl die ander beskuldigde Lekgotla Matatiele die slagoffer in haar slaapkamer vasgebind, verkrag en gemartel het. Matatiele het dit gedoen terwyl hy whisky van die slagoffer gedrink het. Daarna het hulle goedere geroof en die huis bo-op die slagoffer aan die brand gesteek.

Die jongste in die klaarblyklike onophoudelike stroom van plaasmoorde het plaasgevind toe 'n boer van die Wepener-distrik en sy huiswerker doodgeskiet op die plaas sowat 30 km buite die dorp aangetref is. Met die ter perse gaan van hierdie berig was die name van die oorledenes nog nie bekend nie, omdat al hul naasbestaandes nog nie in kennis gestel is nie. Die lyk van die boer (49) het in die sitkamer gelê met sy bene vasgebind, terwyl die lyk van die huiswerker in een van die kamers gevind is met haar oë toegebind en haar voete ook vasgebind. Die binnekant van die huis was omgekeer terwyl van die kluise in die huis ook oopgebreek was.

Elke dag sterf blankes in SA aan die hand van swart mense – dit is 'n feit, met verreweg die meeste gevalle wat nie eens in die media gerapporteer word nie. Daarby kom gevalle van verkragting van blanke vroue deur swart mans ook al hoe meer voor – weereens suiwer feite. In teenstelling hiermee vind geen gevalle van swart mense wat sterf aan die hand van blankes voor nie en dieselfde geld verkragting van swart vroue deur blanke mans. Slegs enkele van die jongste gevalle is 'n UV student Sean Kroon (18) wat in 'n gewapende roof op 'n studentehuis in Universitas, Bloemfontein doodgeskiet is; 'n 71-jarige oujongnooi van Griekwastad wat in haar huis oorrompel, besteel en herhaaldelik verkrag is; die omgewingskenner Dave Pepler en 'n student Handré Basson (20) wat op 'n staproete buite Stellenbosch oorval, ernstig aangerand en beroof is; 'n boer Edwin Mapstone (53) van Thornville, KZN, en sy vrou Jean is op 31 Maart in hul slaapkamer oorval, hy doodgeskiet en sy ernstig met meswonde beseer; nog 'n boer is by Shaka’s Kraal aan die KZN Noordkus aangeval en ernstig gewond; op 21 Maart is Eddie McQuire (79) dood verwurg aangetref op 'n hoewe by Broederstroom. so gaan die lys aan – Google self of volg hierdie skakel: https://southafricatoday.net/tag/farm-attack/

Die stroom van gewelddadige aanvalle, deur die bank van swart op wit, duur landswyd onverpoosd voort. Hoewel dit meesal gekenmerk word deur buitengewone wreedheid en brutaliteit, kom “haat” as element nooit in die hoofstroommedia ter sprake nie. Terwyl nog gesidder word oor gevalle soos die 21-jarige Alice Maree van Theunissen wat oorlede is nadat sy herhaaldelik verkrag is, die 60-jarige Nicci Simpson van Westonaria wat met 'n elektriese boor gemartel is en Ronel Claassens (46) van Parys wat met 'n plastieksak oor haar kop versmoor is, is 'n jong boer CT Steyn van Warden-distrik in sy slaap oorval en herhaaldelik met 'n mes gesteek, is Nicky Haddad op sy plaas in die Clocolan-distrik in die linker armholte en regterbeen geskiet en is 'n 70-jarige oujongnooi van Griekwastad in haar huis herhaaldelik aangerand, verkrag en besteel.

Positiewe sowel as negatiewe aspekte het uitgekom uit die debat oor plaasmoorde wat gister vir die eerste keer in die Parlement gehou is. Die debat was op aandrang van VF Plus leier Pieter Groenewald, wat dit ingelui het deur daarop te wys dat “waar die wêreld se gemiddelde moordsyfer 7 per 100 000 van die bevolking is, is dit in Suid-Afrika 33 per 100 000.
Wat Polisielede aanbetref is die syfer 54, terwyl 133 boere per 100 000 van die bevolking vermoor word. Syfers wat ek van die polisie self gekry het, wys dat daar sedert 1991 altesame 2 393 moorde en 14 589 aanvalle op plase was. Baie van die aanvalle is so buitengewoon wreed dat daar nie gesê kan word dit is slegs gewone misdaad nie.”
Die DA het by monde van hul skadu-minister van Landbou Annette Steyn sterk uitgekom teen plaasaanvalle en die wreedaardigheid daarvan, terwyl Cope-leier Mosiuoa Lekota die leier van die EFF Julius Malema, wat nie teenwoordig was nie, sterk veroordeel het vir sy rassistiese en opruiende uitsprake jeens blankes.
Lekota het ook gesê pres. Jacob Zuma vererger die situasie in SA as hy voorsing “Bring my masjiengeweer”. Sprekers namens die ANC was gematig t.o.v. die onderwerp, maar aan die negatiewe kant het ‘n ANC-lid oor boere uitgeroep: “Bury them alive!” Voorts het vroulike spreker van die EFF geen simpatie gehad en blanke boere veroordeel vir hul “rassistiese optrede jeens swart werkers”.
Die spreker van die UDM het ook blanke boere vir hul gesindheid en optrede verkwalik. Dit was opvallend dat baie ANC-Parlementslede afwesig was tydens die debat en dat twee Parlementêre komitees afsonderlik voortgegaan het met hul vergaderings terwyl die debat oor plaasmoorde aan die gang was. UDM-leier Bantu Holomisa, IVP-leier Mangosuthu Buthelezi en ACDP-leier Kenneth Meshoe het nie eens self tydens die debat gepraat nie.
Speaker Baleka Mbete was ook nie teenwoordig nie en was 'n junior beampte voorsitter van die vergadering.

‘n Bekende Vrystaatse vrou wat haar lewe aan liefdadigheid gewy het, Annatjie du Preez (89) van Heilbron, is vermoor in haar huis aangetref. Twee kluissleutels, ‘n bankkaart en die huurgeld wat sy onlangs vir ‘n plaas naby Senekal ontvang het, is vermis. Du Preez is vermoedelik dood aan verwurging en daar was kneusings aan haar gesig en agterkop.

Sy was die weduwee van Tienie du Preez, voormalige direkteur van onderwys in die Noord-Vrystaat en burgemeester van Heilbron, wat in 2008 oorlede is. Annatjie du Preez was 58 jaar ‘n bestuurslid van die OVV (later die VVA) en het 40 jaar in die hoofbestuur gedien. Sy het onlangs gehelp om die Hervormde kerk in die dorp te restoureer en was ‘n ondersteuner van Die Voortrekkers. 

Tridor.jpg

Fabricia proef Maart web 2017.jpg

Plan met staatsdienspensioene vir SAL... http://fb.me/204dbBDY0     Raubex gee honderde miljoene vir SEB... http://fb.me/27JlwMQ62     Spesiale Ekonomiese Sone by Harrismith bol wind... http://fb.me/1v6TBHWIW     Stryd teen Trump en Putin... http://fb.me/1qPQAXM2Z     Trump op eerste buitelandse besoek... http://fb.me/29uFJWorW     Beoordeling van huidige situasie in SA... http://fb.me/1mziRmcXx     Energieprogram kan ontwikkeling in Bo-Karoo bepaal... http://fb.me/1md92br6Y     Reuse Christen-kerk in China gebou... http://fb.me/6CbG18UeH     Harde woorde van SARK vir Zuma... http://fb.me/26Csh1mjx     Sowat R36 miljoen vrugteloos op nuwe Vrystaatse Wetgewergebou... http://fb.me/3dQ5VLAF4        Reusevergoeding oor regstellende aksie... http://fb.me/1oH5zCik6     Beleggingsgeleenthede Gannabos Behuising, Orania... http://fb.me/8K0LjgaQm     Dohne Merinos produksieveiling... http://fb.me/5AXDqt4F4     Beleggingsgeleenthede Gannabos Behuising, Orania... http://fb.me/8Yv7VuYYg     Beleggingsgeleenthede Gannabos Behuising, Orania... http://fb.me/8EceuW9s8     Kursus in Pekan verbouing... http://fb.me/1XPGKXl1x     Vlamme oor ANC in Vrystaat... http://fb.me/1kpQEiQEq     Vlamme oor ANC in Vrystaat... http://fb.me/7X058faaC     Stryd om Afrikaans as hoftaal... http://fb.me/8scZR8kMs 

ATKV