ditsem website banner no 1 2017

Glybanier

-►Ditsem Nuus webwerf www.ditsem.net handhaaf tans sowat 21 000 besoekers per maand -►Matjila van OBK sê nou SAA mag moontlik geld leen -►Beweerde renosterstroper David Mahlobo nou Minister van Energie -►Internasionale besoekers aan Kaapstad groei 27% in eerste semester 2017 -►Adj-pres. Ramaphosa blykbaar moontlik volgende vir Zuma-valbyl

Moord en Verkragting (20)

In wat na raming die 4 001ste plaasaanval in Suid-Afrika is sedert 1994, is mnr. IW van der Merwe op sy plaas in die distrik Ceres in die Koue Bokkeveld aangeval en 20 keer met 'n mes gesteek, sy hare afgeknip, 'n plastieksak oor sy kop getrek, sy hande en voete met kabelbinders vasgemaak en hom vir dood gelos. Hy het wonderbaarlik oorleef, maar is in 'n ernstige toestand in die hospitaal opgeneem.

Die vermoede bestaan dat Van der Merwe deur ʼn groep seisoenale werkers van Lesotho aangeval is en dat hulle na die aanval gevlug het. Die Polisie is nog besig met opsporing en ondersoek.

Sedertdien die afgelope naweek is 'n 69-jarige boer naby Vyfhoek in die Potchefstroom distrik Vrydagnag in 'n worsteling met aanvallers met 'n haelgeweer in die bors doodgeskiet, terwyl dieselfde nag die pa van twee dogtertjies in sy plaashuis naby Philadelphia, noordoos van Melkbosstrand in die Wes-Kaap deur vier aanvallers doodgeskiet is. Ten tye van die uitgawe van hierdie nuusbrief was die name van die slagoffers nog nie bekend nie.

Inmiddels het Minister van Polisie Fikile Mbalula gesê die huidige stappe om boere op plase te beskerm, is voldoende en dat geen spesialiseenhede vir landelike beveiliging beplan word nie.

 

Plaasaanvalle met hul kenmerkende doodslag, ernstige beserings en diep trauma duur onverpoosd voort met in die Vrystaat die 53ste plaasaanval vanjaar toe Johnny Muller van die plaas Kimberley in die Frankfort distrik Sondagnag, 24 September 2017, in die kop en in die nek geskiet is en ernstig verwond is. Hy en sy vrou en twee kinders het teruggekom nadat hulle by vriende op die dorp geëet het en hy buite die huis deur twee aanvallers oorval is.

Nadat die gesin aangehou is en van 'n vuurwapen en ander besitting beroof is, het die aanvallers met Muller se bakkie ontvlug. Laasgenoemde is steeds in die intensiewe eenheid van 'n hospitaal in Bloemfontein.

Intussen is twee verdagtes aangekeer i.v.m. die gru-aanval verlede maand op die bejaarde Cooks-egpaar naby Potchefstroom, wat in die aanval kaal uitgetrek en aangerand is en met kookwater en warm olie gebrand is. Twee selfone, 'n rewolwer, 'n diamant- en pêrelring en ongeveer R300 kontant is tydens die voorval geroof.

Cyril Cooks, seun van die egpaar vertel: “Die aanvallers het water gekook, olie op die stoof warm gemaak en my pa daarmee gebrand. Hulle het o.m. die olie op sy gesig en rug uitgegiet en dit het diep blase gebrand. Hulle het ook plastiek gesmelt en dit oor my ma se borste en maag gedrup.” Cooks snr. is later in die hospitaal aan sy beserings oorlede.

Voorts is dr. Mariëtte Emslie, wat verlede week saam met haar man en dogter op 'n plaas naby Ellisras oorval is, steeds in die hospitaal met veelvuldige wonde. Haar lewer het geskeur toe die aanvallers haar geskiet het. Haar man, dr. Werner Emslie is in die aanval doodgeskiet. Hul dogter Barbara, wat agt onderskeidings in Matriek gehad het, is so in die aanval getraumatiseer dat sy sukkel met haar studies op universiteit.

Pas is dr. Werner Emslie (55) en sy vrou Mariëtte (ook 'n mediese dokter) op die stoep van hul plaas Goede Hoop in die Afguns-omgewing in die Ellisras-distrik (nou bekend as Lephalale) deur aanvallers oorval en Werner doodgeskiet met Mariëtte ernstig gewond. Die gewonde Mariëtte, wat ook verskeie meswonde opgedoen het, is vermoedelik deur die huis gesleep op soek na waardevolle items.

In die proses het die drie aanvallers ook op die egpaar se dogter Barbara (18) afgekom. Hoewel sy erg rondgestamp is, is sy nie ernstig beseer nie. Barbara was verlede jaar die hoofmeisie van Hoërskool Ellisras en met 8 A’s een van die top presteerders in Limpopo.

Met die vlaag van landswye plaasmoorde en -aanvalle, veral die afgelope paar weke, wys die statistiek dat vanjaar die bloedigste nog vir plaasmoorde is. Luidens statistiek van TLU SA was daar vandeesmaand al 23 aanvalle waarin ses mense gesterf het, terwyl in 277 aanvalle tot dusver vanjaar 55 mense vermoor is. Binne 48 uur is Piet en Tilla van Zyl naby Immerpan in Limpopo vermoor, Arno Niehaus naby Maanhaarrand in Noordwes en Anton Smuts by Kinross in Mpumalanga. Sedertdien is verdere berigte ontvang van plaasaanvalle soos Richard Lemmer van Bergville in KZN wat in die rug geskiet is en per helikopter na 'n hospitaal in Pietermaritzburg afgevoer is. In reaksie het die uitvoerende hoof van Agri Limpopo Willem van Jaarsveld o.m. gesê: “'n Nuwe strategie is te bespeur onder die aanvallers. Is dit moordbendes wat aan die werk is? Ons sien deesdae dat aanvallers bestaan uit sowel plaaslike mense as sg. gehuurde mense wat van elders kom, soos uit die stede.”
Op 17 Augustus 2017 is Vic (75) en Gwen (74) Cooks op hul hoewe in die Haaskraal omgewing naby Potchefstroom oorval, kaal uitgetrek, gemartel en verhitte water en olie oor hulle uitgegooi. Albei het ernstige brandwonde opgedoen, terwyl Vic ook met 'n mes in die hand gesteek is. Die aanvallers was twee jong mans wat 'n rewolwer en vermoedelik 'n selfoon gesteel het en toe op die vlug geslaan het. Die egpaar is in die hospitaal op Potchefstroom opgeneem. Hulle word beskryf as rustige mense wat meer as 40 jaar op die hoewe gewoon het. Geen woord wat betref rassisme word êrens omtrent die voorval gerep nie.

Voorkoms en aard van plaasaanvalle vanjaar toon dat die stroom in hierdie opsig besig is om toe te neem, bv. volgens TLU SA was daar vanjaar reeds 246 aanvalle waarin 47 mense vermoor is. In een van die jongste aanvalle is Bob Gawler (88) en sy 74-jarige vrou op hul plaas by Glendale Heights ongeveer 30 km vanaf Ballito deur drie inbrekers oorval. Sy is met kabelbinders vasgebind, terwyl Gawler gedwing is om die kluis oop te sluit. Daarop is 'n haelgeweer en rewolwer geroof, Gawler doodgeskiet en die aanvallers met hul bakkie ontvlug het. Mev. Gawler het deur die nag vasgebind gelê en is eers die volgende oggend omstreeks 09:00 gekry.

In 'n aanval op die plaas Belito van Johan Botha in die Clocolan-distrik in die Oos-Vrystaat het ses aanvallers vanuit Lesotho plaaswerkers oorval, hulle vasgebind en toe die plaashuis gestroop. Nadat hulle vir hulself kos gemaak het, het hulle hul buit op 'n trekker en sleepwa gelaai en tot by die Caledonrivier daarmee gery. Botha was besig om mielies te stroop en het blykbaar sodoende die aanval vrygespring. Voordat die aanvallers die grens oorgesteek het, het hulle die veld van die plaas aan die brand gesteek.

Met haar deelname aan die projek The Freedom Challenge vestig Lize Winckler aandag op die toenemende verskynsel van mensehandel in die wêreld sowel as in Suid-Afrika. Dit blyk dat daar tans nagenoeg 46 miljoen mense wêreldwyd vasgevang is in mensehandel as die moderne vorm van slawerny.

Sowat 80% hiervan is vroue, terwyl nagenoeg 50% van hierdie mense tussen 5 en 15 jaar oud is, met die meeste meisies tussen 12 en 15 jaar. Van hierdie totaal word slegs 2% ooit gered, terwyl navorsing ook die jammerlike feit toon dat tot 96% van persone in mensehandel weer daarna terugkeer omdat hulle nie beter vooruitsigte sien nie.

In Suid-Afrika is daar ongeveer 248 000 mense vasgevang in een of ander vorm van mensehandel. Winckler doen 'n beroep op Suid-Afrikaners om absoluut wakker en paraat te wees teen enige manifestasie van mensehandel wat t.o.v. jou kinders mag kop uitsteek, bv. bedenklike verhoudinge, kontak met vreemdelinge, Internet-verhoudings, gedrag te midde van verbrokkelde gesinne, die effek van vaderlose huishoudings, ens. Sy sê effektiewe tweerigting kommunikasie tussen ouers en tienerkinders is 'n voorvereiste.

In Bloemfontein was bv. onlangs die geval van 'n tienermeisie wat deur 'n groep Nigeriese dwelmsmouse verkrag is omdat sy nie die koste van haar dwelms betyds kon betaal nie. Hulle het haar ook gevange gehou en ‘n losprys van haar pa geëis. Laasgenoemde het die Polisie gekontak, wat op die sindikaat toegeslaan het en die meisie bevry het.  

Vir meer besonderhede oor mensehandel, besoek www.thefreedomchallengeafrica.com of besoek die Facebookblad van Traffick Wise. Winckler kan gekontak word by Hierdie e-posadres word van Spambotte beskerm. Jy moet JavaScript ontsper om dit te lees..

In onophoudelike rooftogte het talle blankes die afgelope tyd gesterf / is blatant vermoor. Die grootste tragedie is dat die voorvalle so alledaags geword het dat talle daarvan nie meer in die media gerapporteer word nie. Van die waaroor wel in die jongste verlede berig is, is die volgende enkele gevalle:

  • Op Sondag, 2 Julie 2017, is die naakte lyk van Elsa Erasmus (74) op haar beesplaas Newcastle in die Amalia-omgewing, Noordwes, aangetref, met haar hande agter haar rug vasgebind.
  • Op 4 Julie is Dries Botha op sy plaas in die Brits-distrik vyf keer geskiet en is hy enkele dae daarna oorlede. Sewe verdagte aanvallers is gearresteer.
  • In die distrik Machadodorp is 'n boer die afgelope 10 dae vermoor, besonderhede waarvan nie eers op Google opgespoor kan word nie.
  • Johan Klopper (40), finansiële hoof van GWK op Douglas, oorlede na selfoonroof en val op Jeffreysbaai tydens vakansie.
Hoeveel in die duisende trek die moorde op plaasboere nou met die jongste gevalle. Op Vrydag, 30 Junie 2017, het 'n swart boer Patrick Itumeng (68) in 'n plaasaanval gesterf toe hy en sy vrou op hul plaas Friesland in die distrik Vryburg deur vyf rowers oorval is. Meer besonderhede is nie op hierdie stadium bekend nie. Op Sondag, 2 Julie 2017, is die naakte lyk van Elsa Erasmus (74) op haar beesplaas Newcastle in die Amalia-omgewing, Noordwes, aangetref. Haar hande was agter haar rug vasgebind, sy is vermoedelik verwurg met 'n das of serp van haar oorlede man en sy is klaarblyklik deur 'n groep mans in haar huis oorval. Kort tevore het sy blomme op haar man se graf gaan sit en daarna 'n draai by haar beeste gemaak op die plaas waar sy vrou-alleen geboer het. Erasmus se vuurwapens en bakkie is geroof. Wreder as dit kan dit nie juis nie.
Indringende vrae word gevra oor die motief agter die nagtelike aanval op die Koffiefontein Polisiestasie waarin konstabels Obert Mekoa en Mzonani Manjo, albei 32, koelbloedig doodgeskiet is. Hulle is deur hul kollegas dood aangetref in die Polisiekantoor. Daar word gevra wie dit kon gedoen het en om watter rede. Vorm dit deel van 'n groter patroon in die land? Intussen ondersoek 'n spesiale taakspan o.l.v. die Valke die saak en waarvan kapt. Francois Laux, waarskynlik die suksesvolste speurder in die geskiedenis van die Vrystaat, deel vorm. Vir enige inligting i.v.m. die saak kan Laux by 082 854 7530 geskakel word.
Bladsy 1 van 2

Ora betonwerke proef Sept 2017

Artistia Food

Renosterberg lodge