Tinus Nortje Eiendomme proef April 2017.jpg

In 'n boek The lie of Apartheid and other true stories from South Africa deur Arthur Kemp en reeds in 1988 gepubliseer, word verstommende feite gegee oor wat die destydse blanke regering gedoen het om Suid-Afrika as 'n staat te ontwikkel en spesifiek hoeveel gespandeer is op die ontwikkeling van swart mense. Dit geld veral ontwikkeling van onderwys, hospitale, sportgeriewe, infrastruktuur, ens. vir swartmense. Dan word daar nog nie eens gepraat van die miljarde wat ingesteek is in die ontwikkeling van swart tuislande nie. Vir meer besonderhede oor die boek, kiek hier. Die feite in die boek sal natuurlik betwis word, maar die vraag is of dit verkeerd bewys kan word. Die boek toon die infame leuen van sg. kriminalisering van sg. apartheid, wat in elk geval 'n wanbegrip is.

Volgens Hans Britz, DA-raadslid en eens finansiële hoof van Mangaung Metro Munisipaliteit, beloop die uitstaande dienstegeld verskuldig aan die metro sowat R4 miljard – met geen aanduiding dat vordering met invordering gemaak word nie. Terselfdertyd beloop die onbetaalde rekening van die metro by Bloem Water as die waterverskaffer aan die munisipaliteit sowat R350 miljoen. Inmiddels, volgens Britz, soos aangehaal in Volksblad, staan 'n multimiljoenrand ontwikkeling – die grootste nóg in Bloemfontein – wat in die Bram Fischer Lughawegebied beplan word en duisende werksgeleenthede moet skep, doodstil. Geen verstaanbare kommentaar oor hierdie toedrag van sake kon nog van enige senior ampsdraer van die metro verkry word nie.

Volgens erkenning van 'n woordvoerder van die Vrystaatse Dept. van Openbare Werke en Infrastruktuur is reeds sowat R36 miljoen vrugteloos gespandeer om die ou Ramkraaltronkgebou in Batho, Bloemfontein voor te berei vir omskepping in 'n nuwe gebou vir die Vrystaatse Wetgewer. Verbeteringe op die perseel is gevandaliseer, terwyl miljoene tevergeefs op konsultante en beplanners bestee is. Volgens die woordvoerder moet honderde miljoene rand nog deur die Vrystaatse regering bekom word om die nuwe gebou tot stand te bring. Hy weerlê gerugte onder regerings- en sakelui dat die uitgawes tot nou reeds meer as R150 miljoen beloop. Die provinsiale regering werk nou saam met verskeie vennote om geld vir die bouery bymekaar te maak. Dié besluit om die gebou by Ramkraal te bou, staan steeds, aldus die woordvoerder.

'n Protestants-Christelike kerk met 'n 80 m hoë toring is pas in Changsha, China voltooi, ironies genoeg die stad waar Mao Zedong in die dertigerjare sy Kommunistiese veldtog begin het en waar later Christen-kerke feitlik uitgewis is. In onlangse jare het Protestants-Christelike kerke egter weer begin floreer en is tans 'n golf van Christelike bekerings besig om deur China te spoel. Die kerk in Changsha is twee keer so hoog as die grootste standbeeld vir Mao in China, wat slegs enkele kilometer vanaf die kerk staan.

In 'n videogreep wat op Facebook geplaas is, wys die oud-Protea krieketspeler Pat Symcox hoe die fisiese grens tussen SA en Zimbabwe op 'n plek by Musina lyk en dat daar geen grens of grensbeheer is nie. Volg hierdie skakel: https://www.thesouthafrican.com/watch-the-shocking-state-of-the-sa-zim-border-fence-video/

Die oë van die wêreld is tans op die Franse presidentsverkiesing gerig, veral omdat een van die voorlopers Marine Le Pen van die Front National ten gunste is van Frexit vir Frankryk en sou dit realiseer, sal dit 'n slag vir die Europese Unie en die planne van die Nuwe Wêreldorde (NWO) wees. Dit is so veral in die lig van die implikasies van Brexit en daarom werp die voorstaanders van NWO agter die skerms alles in die stryd om Le Pen van die finale nominasie te ontsê. Aanvanklik was daar 11 kandidate vir die Franse presidensiële verkiesing, maar uiteindelik het slegs vyf kandidate nog gestaan in die eerste rondte van die verkiesing op 23 April. Hieruit het die 29-jarige Emmanuel Macron van die party En Marche! (“Voorwaarts!”) 23,9% van die stemme gekry en Le Pen 21,4% en sal hulle sake uitspook in die tweede rondte komende Sondag. Macron het vanjaar van feitlik nêrens op die politieke toneel verskyn en homself sentristies geposisioneer – gematig, liberaal-kapitalisties en pro-EU. Le Pen aan die ander kant wil Frankryk so ver moontlik skoonmaak van Moslems en is vriendelik teenoor pres. Vladimir Putin van Rusland.  

Tridor.jpg

Fabricia proef Maart web 2017.jpg

Die potensiële skadelikheid van die voorgestelde Wetsontwerp op die Regulering van Landbougrondbesit word in 'n... http://fb.me/6u2XvqRsc     https://www.facebook.com/KimPrint-General-Printers-990694727706008/?fref=ts … http://fb.me/38IJKAb0D     Franse Ope: Maria Sharapova nie gekeur nie; Roger Federer onttrek t.w.v. Wimbledon    Paarl Boys High sit Grey Bloemfontein ore aan en bly beste skoolrugbyspan in die land    Naspers betaal R5,6 miljard vir aandeel in Duitse aanlyn kosbestellingsdiens Delivery Hero    Discovery Health in 2016 eiesestyging van 10,4% tot R36,6 miljard, maar premie-inkomste R54 miljard    Die boek The Republic of Gupta – A Story of State Capture gooi meer lig op Guptas in SA en verhouding met Tabo Mbeki    Trump onder skoot van NWO oor vriendelikheid jeens Rusland, met Putin skynbaar ook anti-NWO       DAG 3 @afriforum in hof #GodsdiensInSkole hofsaak @solidariteit @fedsas1 @Jaco_Deacon @SolidariDirk #religioninschoolspic.twitter.com/yfnjwdDAVi    Mei uitgawe van Ditsem Nuus is uiteindelik hier!! Laai die PDF hieronder af, of gaan na ons webwerf... http://fb.me/8BUPW3t9P              Blitsbokke wen Sewes Wêreldkroon 2017!    Ditsem Nuus druk nou 5 000 koerante maandeliks plus aanlynpublikasie    Voorbidding gevra vir saak Christelikheid in skole – Mei 2017 in Suid-Gautengse hooggeregshof    Met oorwinning oor Haaie wys Kings hulle moet in Super-reeks bly    Venezuela in wanorde teen gevolge van “radical economic transformation”    Pro-EU Macron nuwe Franse president; nasionalistiese Le Pen uitgeknikker

ATKV