ditsem website banner no 1 2017

Glybanier

-►Ditsem Nuus webwerf www.ditsem.net handhaaf tans sowat 21 000 besoekers per maand -►Matjila van OBK sê nou SAA mag moontlik geld leen -►Beweerde renosterstroper David Mahlobo nou Minister van Energie -►Internasionale besoekers aan Kaapstad groei 27% in eerste semester 2017 -►Adj-pres. Ramaphosa blykbaar moontlik volgende vir Zuma-valbyl

Wydverspreide bedenkinge word in politieke en mediakringe geopper oor die wat die werklike bedoeling van Minister van Finansies Malusi Gigaba kan wees met die R1,87 triljard wat deur die Openbare Beleggingskorporasie (OBK) as pensioenfondse in trust gehou word. Die bedenkinge spruit uit die forensiese ondersoek wat Gigaba namens die Tesourie pas aangevra het na die bestuursake van die OBK en spesifiek die gedrag van die hoofuitvoerende beampte dr. Dan Matjila.

Die bedenkinge is veral n.a.v. die beweerde onreëlmatighede van die uitvoerende hoof van die OBK, dr. Dan Matjila, as sou hy 'n onreëlmatige lening van R100 miljoen vir Mosambiek goedgekeur het, asook 'n guns wat hy na bewering vir 'n “romantiese kontak” laat toekom het. Dit is bekend dat Matjila vroeër 'n versoek van Gigaba geweier het om fondse uit die OBK vir die sinkende SAL toe te staan.

Dit is wat die Appèlhof in Bloemfontein verlede Vrydag in essensie gesê het met die uitspraak in die negejaarlange hofstryd oor die 283 kriminele aanklagte teen pres. Jacob Zuma. Destyds het die Nasionale Vervolgingsgesag beslis dat daar nie gronde is om Zuma op die aanklagte teen hom te vervolg nie en is die saak laat vaar.

Die DA het egter vasgeskop en 'n hofaansoek gebring dat die beslissing herroep moet word. Dit het tot die uitgerekte hofstryd gelei, met Zuma en sy regsverteenwoordigers wat elke regsvertragende truuk in die boek gebruik het in 'n poging om die saak te laat skipbreuk lei.

In 2016 het die Noord-Gautengse hooggeregshof egter bevind dat die 2008-beslissing ongegrond was en het beveel dat die aanklagte teen Zuma in verhoor moet gaan. Zuma het teen hierdie uitspraak geappèlleer, maar nou het die Appèlhof in Bloemfontein die appèl verwerp en beveel dat die 283 aanklagte verhoor moet word.

Dit is 'n oorwinning vir die oppergesag van die reg in SA, vir reg en geregtigheid en vir die DA. Dit is egter 'n tragedie dat Zuma die nege jaar misbruik het om die land in die afgrond in te mislei en om SA in staatskaping uit te verkoop aan buitelandse skurke soos nog nooit tevore in die geskiedenis nie. Daarby kom sowat R30 miljoen onnodige regskoste wat die saak die belastingbetaler tot dusver gekos het.

Inmiddels het die voormalige korrupte sakevennoot van Zuma en veroordeelde Schabir Shaik gesê hy is bereid om as staatsgetuie te getuig in die moontlike komende hofsaak teen Zuma en dat dit objektief en feitelik sal wees en nie om byltjies te slyp nie. Dit wil egter voorkom of die NVG onder adv. Shaun Abrahams regstegniese redes opper waarom vervolging teen Zuma nie summier ingestel kan word nie. Aan die ander kant het adv. Gerrie Nel van AfriForum Regsdienste aangedui dat private vervolging van Zuma beoog word indien die NVG nie bevredigend optree nie.

Leier van die DA Mmusi Maimane het aangekondig dat Kaapstadse burgemeester Patricia de Lille en 'n lid van die Kaapstadse Burgemeesterskomitee JP Smith tydelik uit alle DA-aktiwiteite geskors is. Hulle gaan egter normaalweg met hul amptelike pligte voort. Hul skorsing beïnvloed egter nie hul kandidatuur by enige verkiesing van DA-besture nie. Die skorsing is hangende 'n ondersoek wat skynbaar verband hou met 'n sekuriteitsheining en ander verbeterings wat by die private woning van De Lille aangebring is, hoewel in die media bespiegel word dat die dieperliggende rede gekoppel is aan faksiestryde binne die DA. Volgens die amptelike DA mediaverklaring doen die party ondersoek na die “politieke bestuurs- en regeringsituasie in die Stad van Kaapstad”. Hierdie skorsings volg op die debakel rondom die skorsing van Wes-Kaapse premier Helen Zille vroeër vanjaar en wat 'n ernstige skadu oor die DA gegooi het as 'n party met veelrassige harmonie. As gevolg daarvan was daar duidelike tekens van vervreemding van blankes jeens die DA.

Die afgelope paar dae was president Donald Trump op opspraakwekkende wyse deurmekaar met twee verskillende Midde-Oosterse lande, nl. Turkye en Iran.

Wat Turkye betref het Trump uit vergelding omdat 'n Turkse beampte in diens van 'n Amerikaanse konsulaat in Turkye deur die veiligheidsdiens gearresteer en ondervra is vir beweerde anti-regeringsoptrede, visumdienste by Amerikaanse konsulêre en diplomatieke kantore in Turkye opgeskort. Dit beteken in effek Turke kan nie meer vryelik na die VSA reis nie.

Betrekkinge tussen die twee lande is tans op 'n laagtepunt en is verder verswaar deur 'n opmerking van Trump dat “it looks as if Turkey is on the side of ISIS.” Baie Amerikaners meen Trump het daarmee 'n lang versweë waarheid blootgelê.

Sover dit Iran aangaan, het Trump in 'n beleidstoespraak by die Withuis sterk standpunt ingeneem teen die wat hy noem diktatuur in Iran en gesê dat die veelparty ooreenkoms wat verlede jaar met Iran gesluit is oor sy kernprogram, die “worst deal is America has ever entered into”. Hy het verklaar dat hy weier om die ooreenkoms namens die VSA te sertifiseer, hoewel hy kort gestop het om die ooreenkoms heeltemal op te sê.

Terwyl meer as 90% van stemme uitgebring in die Kataloniese referendum ten gunste was van afstigting van Spanje en onafhanklikheid, word ongelooflike druk op Kataloniërs geplaas om nie op hul eie te gaan nie. Eers het die Spaanse polisie ongekende geweld toegepas op vreedsame kiesers, hul stemlokale gesluit en stembusse gekonfiskeer en daarna het die Spaanse regering gedreig om die outonome status van Katalonië op te hef, sou hul leiers eensydige onafhanklikheid uitroep, wat hulle egter tot dusver nog nie gedoen het nie.

Katalonië met sy 7,5 miljoen inwoners en eie geskiedenis en kultuur, is die rykste provinsie van Spanje met 'n bydrae van 20% tot die BNP.

In verdere druk op Kataloniërs, het Frankryk en die Europese Unie gesê hulle sal nie onafhanklikheid vir Katalonië erken nie, terwyl 'n Spaanse regeringswoordvoerder gesinspeel het dat in geval van onafhanklikheidsverklaring die Kataloniese leier Carles Puigdemont vermoor kan word. Dit is duidelik dat hierdie uitdrukking van vreedsame nasionalisme deur die mense van Katalonië ten alle koste deur die Nuwe Wêreldorde (NWO) met hul strewe na wêreldbeheersing teengestaan word.

Volgens die World Nuclear Assosiation (WNA) stel, benewens Suid-Afrika, die volgende lande in Sub-Sahara Afrika aktief belang om kernkrag vir hul energiebehoeftes aan te skaf: Ghana, Kenia, Namibië, Nigerië, Senegal, Tanzanië, Uganda en Zambië. Van hierdie lande is reeds deur die Internasionale Atoomenergie-agentskap (IAEA) geïnspekteer ten einde vas te stel of hul infrastruktuur geskik is vir die vestiging van kernkragsentrales.

Van die ander verwikkelinge in hierdie verband is dat die Russiese kernkragagentskap Rosatom beoog om 'n Sentrum vir Kernwetenskap en -tegnologie in Zambië te vestig, terwyl Kenia ten doel het om 'n 1 000 MW kernkragsentrale gevestig te hê teen 2027. Die oorhoofse doel is om d.m.v. kernkrag die opwekking van elektrisiteit af te bring na 'n lae koolstofenergievlak.

Ora betonwerke proef Sept 2017

Artistia Food

Renosterberg lodge