Tinus Nortje Eiendomme proef April 2017.jpg

Die vakbond Solidariteit het ʼn reusevergoeding namens twee van sy lede in die Dept. van Korrektiewe Dienste (DKD) bekom nadat hulle oor die hoof gesien is vir betrekkings weens die DKD se regstellende aksie-beleid. Mnre. Marren en Twala het elkeen bykans R 200 000 as vergoeding ontvang weens onregmatige diskriminasie teen hulle. Hierdie reusebedrag is meer as die norm en Solidariteit is verheug oor die sukses. Nie een van die twee het die kortlys vir die poste gehaal waarvoor hulle aansoek gedoen het nie, ten spyte van die feit dat hulle die mees geskikte kandidate vir die vakante poste was.

In 'n boek The lie of Apartheid and other true stories from South Africa deur Arthur Kemp en reeds in 1988 gepubliseer, word verstommende feite gegee oor wat die destydse blanke regering gedoen het om Suid-Afrika as 'n staat te ontwikkel en spesifiek hoeveel gespandeer is op die ontwikkeling van swart mense. Dit geld veral ontwikkeling van onderwys, hospitale, sportgeriewe, infrastruktuur, ens. vir swartmense. Dan word daar nog nie eens gepraat van die miljarde wat ingesteek is in die ontwikkeling van swart tuislande nie. Vir meer besonderhede oor die boek, kiek hier. Die feite in die boek sal natuurlik betwis word, maar die vraag is of dit verkeerd bewys kan word. Die boek toon die infame leuen van sg. kriminalisering van sg. apartheid, wat in elk geval 'n wanbegrip is.

Volgens Hans Britz, DA-raadslid en eens finansiële hoof van Mangaung Metro Munisipaliteit, beloop die uitstaande dienstegeld verskuldig aan die metro sowat R4 miljard – met geen aanduiding dat vordering met invordering gemaak word nie. Terselfdertyd beloop die onbetaalde rekening van die metro by Bloem Water as die waterverskaffer aan die munisipaliteit sowat R350 miljoen. Inmiddels, volgens Britz, soos aangehaal in Volksblad, staan 'n multimiljoenrand ontwikkeling – die grootste nóg in Bloemfontein – wat in die Bram Fischer Lughawegebied beplan word en duisende werksgeleenthede moet skep, doodstil. Geen verstaanbare kommentaar oor hierdie toedrag van sake kon nog van enige senior ampsdraer van die metro verkry word nie.

Volgens erkenning van 'n woordvoerder van die Vrystaatse Dept. van Openbare Werke en Infrastruktuur is reeds sowat R36 miljoen vrugteloos gespandeer om die ou Ramkraaltronkgebou in Batho, Bloemfontein voor te berei vir omskepping in 'n nuwe gebou vir die Vrystaatse Wetgewer. Verbeteringe op die perseel is gevandaliseer, terwyl miljoene tevergeefs op konsultante en beplanners bestee is. Volgens die woordvoerder moet honderde miljoene rand nog deur die Vrystaatse regering bekom word om die nuwe gebou tot stand te bring. Hy weerlê gerugte onder regerings- en sakelui dat die uitgawes tot nou reeds meer as R150 miljoen beloop. Die provinsiale regering werk nou saam met verskeie vennote om geld vir die bouery bymekaar te maak. Dié besluit om die gebou by Ramkraal te bou, staan steeds, aldus die woordvoerder.

Die SA Raad van kerke (SARK) het 'n verslag van hul eie oor staatskaping vrygestel, wat grootliks dieselfde lyn volg as die verslag van die voormalige OB Thuli Madonsela verlede jaar. By die bekendstellingsgeleentheid in Soweto het die sekretaris-generaal van die SARK, biskop Malusi Mpumlwana, o.m. gesê (in Afrikaans vertaal): Ons het nou vasgestel dit wat na chaos en onstabiliteit in ons regering lyk, is eintlik 'n sistemiese ontwerp van waansin wat ons regeringsomgewing siek maak – 'n chaotiese ontwerp. Ons doen 'n beroep op die ANC as die regerende party om selfondersoek in te stel en dié maner van regeer stop te sit voordat dit te laat is. In die versigtige ontleding van ons verslag word tendense uitgelig van onvanpaste beheer oor staatstelsels deur 'n magselite wat draai om die president wat die staat se bates stelselmatig opsuig.”

'n Protestants-Christelike kerk met 'n 80 m hoë toring is pas in Changsha, China voltooi, ironies genoeg die stad waar Mao Zedong in die dertigerjare sy Kommunistiese veldtog begin het en waar later Christen-kerke feitlik uitgewis is. In onlangse jare het Protestants-Christelike kerke egter weer begin floreer en is tans 'n golf van Christelike bekerings besig om deur China te spoel. Die kerk in Changsha is twee keer so hoog as die grootste standbeeld vir Mao in China, wat slegs enkele kilometer vanaf die kerk staan.

Die SA regering is oor sy diskriminerende praktyke met regstellende aksie en swart ekonomiese bemagtiging deur Solidariteit formeel aangekla by die Internasionale Arbeidsorganisasie (IAO), ander liggame van die VN in Genève, die Internasionale Menseregtekommissie en die VN Komitee vir die Uitwissing van Alle Vorme van Rassediskriminasie (CERD). In 'n verklaring sê Solidariteit: “Ons is almal moeg vir ras en die dubbele standaarde wat geld by die hantering daarvan. Die tyd om daaroor stil te bly, is verby. Ons mag nie toelaat dat minderhede, en spesifiek wit mense, deurlopend gekriminaliseer word nie. Dubbele standaarde in die hantering van ras is nie net verkeerd nie; dit is boonop gevaarlik. Die doel van ons veldtog is om te wys dat die keiser kaal is sodat die situasie genormaliseer kan word. Die regering se stelsel van rassekwotas bevorder nie nie-rassigheid soos vereis deur die Grondwet nie, maar het eerder nuwe rassisme tot gevolg. Dit het niks met regstelling te doen nie, maar alles met ras en dit lei tot geïnstitusionaliseerde rassisme.”

Die Vereniging van Regslui vir Afrikaans (VRA) het 'n veldtog van stapel gestuur om te veg vir die gebruik van Afrikaans en al die ander inheemse tale in howe ten einde te voorkom dat slegs Engels gebruik word. Dit volg na die onlangse kennisgewing van regter-president Hlope aan die Kaapse Balieraad dat alle howe in die Wes-Kaap met onmiddellike effek slegs Engels as taal van rekord moet gebruik. Dit blyk daar was geen konsultasie met belanghebbende regslui soos die VRA nie en ook nie met die Afrikaanse gemeenskap nie. In effek beteken dit dat Afrikaans en die ander inheemse tale deur hierdie tipe besluite heeltemal uit die howe gedwing en word Engels in die kele van die publiek afgedruk. Inmiddels wat slegs die Wes-Kaap betref, verkies ʼn groot persentasie advokate by die Kaapse Balie verkies om eerder hul hofstukke in Afrikaans op te stel. Regslui wat die VRA in hul veldtog wil steun, kan die nodige vorm by www.vra.co.za voltooi. Vir meer besonderhede, kontak Tiaan van Dyk, voorsitter van die VRA, by 082 825 8876.

Die vlamme is besig om letterlik uit te slaan oor die ANC in die Vrystaat met sy berugte premier en stoere Zuma-lojalis Ace Magashule, met aanhoudende bloedige betogings by die Glaspaleis in Bloemfontein as hoofsetel van die Mangaung Metro Munisipaliteit en met gewelddadige betogings oor gebrekkige of geen munisipale dienslewering op talle Vrystaatse dorpe. Te Frankfort het die Mafube Plaaslike Munisipaliteit, wat ook die dorpe Cornelia, Villiers en Tweeling bedien, platgeval en is die kantore gesluit. Daar is nie meer geld vir salarisse vir amptenare of vir dienslewering nie. Te Cornelia is die ANC kantore afgebrand. Die Masilonyana Plaaslike Munisipaliteit met hoofkantoor te Theunissen en wat ook Winburg en Brandfort bedien, funksioneer feitlik nie meer nie en word munisipale toerusting op 'n eksekusieveiling verkoop om skulddelging te doen. In feitlik alle ander munisipaliteite in die provinsie lyk die droewige prentjie ongeveer dieselfde, met bv. die Kopanong Plaaslike Munisipaliteit te Trompsburg wat ook die dorpe Gariepdam, Springfontein, Bethulie, Philippolis, Jagersfontein, Fauresmith, Edenburg en Reddersburg bedien, wat so diep in die skuld is by Bloem Water en Eskom dat van die dorpe soms vir tot 'n maand sonder water is. Inmiddels het Thabo Manyoni, uitgeskopte Mangaung-burgemeester, as LP bedank en gesê hy keer terug na die Vrystaat om die ANC sg. te versterk. Dit is bekend dat Manyoni en Magashule nie om dieselfde vuur sit nie.    

In 'n betekenisvolle skuif van siening van grondgebied vir die Boere-Afrikanervolk, sê die Boere-Afrikaner Volksraad in 'n kennisgewing: “Terwyl Suid-Afrika (die erkende swart gebiede uitgesluit) histories aan die witman behoort en geen ander volk ‘n aanspraak daarop het nie, toon demografiese feite en projeksies dat blankes binne afsienbare tyd ‘n onbenullige minderheid van die SA bevolking sal uitmaak. Menslik gesproke is daar geen manier waarop die blankes weer die politieke mag oor SA kan herwin nie - in elk geval nie vreedsaam nie. Bowendien wiI ons nie weer oor andervolkiges regeer nie. In die teenswoordige omstandighede is terugkeer na die oorspronklike Voortrekkerideaal van ‘n eie republiek waar ons onsself onder 'n Christelike grondwet regeer, ‘n Iewensnoodsaaklike voorwaarde vir ons voortbestaan as volk. Die alternatief is versweIging deur die swart massa. Wanneer vryheid vir ons volk op dié basis deel word van die praktiese politieke agenda, sal
nuwe grense getrek word om op die vaderlandse bodem wat ons dan vir onsself afbaken, ‘n ware tuiste vir ons volk te bied, vry van vreemde oorheersing.”

Bladsy 1 van 12

Tridor.jpg

Fabricia proef Maart web 2017.jpg

Die potensiële skadelikheid van die voorgestelde Wetsontwerp op die Regulering van Landbougrondbesit word in 'n... http://fb.me/6u2XvqRsc     https://www.facebook.com/KimPrint-General-Printers-990694727706008/?fref=ts … http://fb.me/38IJKAb0D     Franse Ope: Maria Sharapova nie gekeur nie; Roger Federer onttrek t.w.v. Wimbledon    Paarl Boys High sit Grey Bloemfontein ore aan en bly beste skoolrugbyspan in die land    Naspers betaal R5,6 miljard vir aandeel in Duitse aanlyn kosbestellingsdiens Delivery Hero    Discovery Health in 2016 eiesestyging van 10,4% tot R36,6 miljard, maar premie-inkomste R54 miljard    Die boek The Republic of Gupta – A Story of State Capture gooi meer lig op Guptas in SA en verhouding met Tabo Mbeki    Trump onder skoot van NWO oor vriendelikheid jeens Rusland, met Putin skynbaar ook anti-NWO       DAG 3 @afriforum in hof #GodsdiensInSkole hofsaak @solidariteit @fedsas1 @Jaco_Deacon @SolidariDirk #religioninschoolspic.twitter.com/yfnjwdDAVi    Mei uitgawe van Ditsem Nuus is uiteindelik hier!! Laai die PDF hieronder af, of gaan na ons webwerf... http://fb.me/8BUPW3t9P              Blitsbokke wen Sewes Wêreldkroon 2017!    Ditsem Nuus druk nou 5 000 koerante maandeliks plus aanlynpublikasie    Voorbidding gevra vir saak Christelikheid in skole – Mei 2017 in Suid-Gautengse hooggeregshof    Met oorwinning oor Haaie wys Kings hulle moet in Super-reeks bly    Venezuela in wanorde teen gevolge van “radical economic transformation”    Pro-EU Macron nuwe Franse president; nasionalistiese Le Pen uitgeknikker

ATKV