ditsem website banner no 1 2017

Glybanier

-►Ditsem Nuus webwerf www.ditsem.net handhaaf tans sowat 21 000 besoekers per maand -►Matjila van OBK sê nou SAA mag moontlik geld leen -►Beweerde renosterstroper David Mahlobo nou Minister van Energie -►Internasionale besoekers aan Kaapstad groei 27% in eerste semester 2017 -►Adj-pres. Ramaphosa blykbaar moontlik volgende vir Zuma-valbyl

Dit word beweer deur die publikasie Daily Maverick dat 'n Britse openbare betrekkingefirma Bell Pottinger verantwoordelik is vir die formulering van propaganda teen blankes in Suid-Afrika. Volgens die beweringe is Bell Pottinger deur die Guptas en die ANC / pres. Jacob Zuma gekry om 'n effektiewe strategie te ontwerp vir rasseverdeeldheid in SA en het in hierdie verband Duduzane Zuma, seun van die president en Fana Hlongwane, omstrede internasionale wapenagent, as tussengangers gedien, met die fooi vir Bell Pottinger na bewering sowat R24 miljoen.

Dit wil voorkom of die firma terminologie soos “anti-colonialism”, “radical economic transformation” en “white monopoly capital” gemunt het en wat gonswoorde in die SA politieke debat geword het. Met die teenkanting in SA teen staatskaping en die Guptas het die temperatuur na bewering vir Bell Pottinger te warm geraak en is die dienskontrak met die Guptas beëindig. Die beweringe in hierdie verband geskied teen 'n baie grys politieke agtergrond en is dit moeilik om altyd feite van fiksie te onderskei, maar nietemin lyk dit of geloofwaardigheid aan die ondersoeke en beriggewing van Daily Maverick geheg kan word. Vir meer besonderhede, volg hierdie skakel. 

'n “Keelvolbrief” oor plaasmoorde is op 26 April 2017 deur AfriForum aan 'n verteenwoordiger van die kantoor van pres. Jacob Zuma by die Uniegebou oorhandig. In die brief word gemeld dat daar die afgelope boekjaar 357 plaasaanvalle in SA was waarin 74 mense gedood is en waar gemiddeld vier aanvallers per aanval betrokke was. Die brief van AfriForum is deur 175 000 mense onderteken, terwyl Steve Hofmeyr ook teenwoordig was met die oorhandiging. In die brief is ook genoem dat in 62% van die aanvalle was die slagoffers 51 jaar en ouer, terwyl die meeste aanvalle (17,6%) op 'n Saterdag plaasgevind het, gevolg deur Sondae (15,9%). 36% van die aanvalle was tussen 18:00 en middernag met 34% tussen middernag en 06:00.  

Nuwe Minister van Finansies Malusi Gigaba het as finansiële raadgewer prof. Chris Malikane aangestel, wat in 'n artikel in die Sunday Times homself ten gunste van nasionalisering van die banke, die myne en die versekeringsbedryf uitgespreek het. Toe Gigaba daaroor uitgevra is, op die vooraand van sy huidige besoek aan die VSA, het hy Malikane sterk gerepudieer en gesê laasgenoemde is “oningelig”, dat hy “ingekatrol” is en aangesê is om “stil te bly”. Nou wys die DA in 'n mediaverklaring daarop dat Malikane vir Gigaba op sy VSA-besoek vergesel en oral saam met hom is waar hy met die IMF en die Wêreldbank vergader.

Wat meer is, Malikane gaan lustig voort om allerlei radikale uitsprake te maak, soos oor SAFM en Cape Talk radio waarin hy graderingsagentskappe verkleineer, die Sowetan waarin hy die Nasionale Ontwikkelingsplan afskiet en Rapport waar hy praat van “coming civil war.” Toe Malikane tydens die VSA-besoek gevra is of die minister hom gemuilband het, het hy geantwoord: “No, no, no, no. People’s inference of what the minister said is wrong. There is no way the minister can tell a fellow South African to keep his mouth shut. I am an academic, I work with ideas. I have to challenge public opinions that mislead the nation. When the minister said he reined me in, he meant we should no longer focus on talking, but on doing – action that will transform the economy.”

Hierop lewer die VF Plus in 'n mediaverklaring soos volg kommentaar: “Feit is dat die onervare tog selfversekerde Gigaba nie kan insien dat daar regdeur hom gesien word nie. Daar is min mense in die wêreld so gevaarlik soos iemand wat vol gewaande selfvertroue is, maar in werklikheid nie 'n idee het wat hy doen nie. Gigaba is presies net so. Daarom sal Gigaba, sy professor en hul president persoonlik moet verantwoordelikheid neem indien die finale kredietafgradering plaasvind. Elkeen wat sy werk verloor, elkeen wat honger ly, elkeen wat dakloos is, elkeen wat op 'n wyse benadeel is, sal dan die koppe van Zuma, Gigaba en Malikane moet eis.”

Die nuutaangestelde raadgewer van nuwe Minister van Finansies Malusi Gigaba, prof Chris Malikane, het in 'n artikel in die Sunday Times hom uitgespreek ten gunste van die nasionalisering van banke, myne en versekeringsmaatskappye. Hy stel ook voor dat 'n staatsbank gestig word wat alle finansiële instellings in staatsbesit kombineer en dat die Reserwebank met sy private aandeelhouers ook genasionaliseer word, terwyl hy ook 'n voorstaander is van onteiening van grond sonder vergoeding. Later het Gigaba op die vooraand van sy besoek aan die VSA Malikane gerepudieer en gesê Malikane is “oningelig”.

Vrae word gevra oor wat deesdae 'n algemene gesig by hoëprofiel ANC-byeenkomste is in die vorm van jeugdiges in gevegsmondering van uMkhonto we Sizwe (MK) Veterane, of altans so word hulle genoem. Hulle gaan onder die vaandel van die Veterane van die gewapende vleuel van die ANC, maar hulle is bloedjonk, terwyl die bejaarde Veterane, wat as organisasie anti-Zuma is sê hulle ken hulle nie. Die jeugdiges paradeer met wapens en het ook verklaar dat hulle enige aanlag op Luthuli Huis met geweld sal teenstaan. As sodanig is hulle duidelik militêr opgelei. Nou word vrae gevra oor die wettigheid van hierdie paramilitêre organisasie en ook waar en deur wie hulle militêr opgelei is. Die DA is besig om die saak op te neem.

Amerika is militêr en op nog gebiede die sterkste land in die wêreld met 'n militêre begroting groter as die volgende ses sterkste lande saam en met meer as 900 buitelandse militêre basisse en ongeveer 200 000 troepe deur die wêreld gestasioneer. Ten spyte daarvan is Amerika kwesbaar en balanseer op 'n mespunt wat die volgende betref: Dit is (1) wêreldvrede, (2) sy geldstelsel en ekonomie, (3) sy baie brose kragnet en (4) sy bevolkingsamestelling.

Die onassimileerbare "minderhede" in Amerika se aanwastempo is klaar vinniger as die blanke meerderheid sin. Die 12 miljoen Jode wat Amerika beheer, hoop om Amerika te gebruik om vir hulleself wêreldoorheersing te verkry. Hulle verklaar in hulle "Protokolle" dat hulle die wêreld wil voorberei vir hulle heerskappy en hulle "koning". (die Antichris) Hulle sal die beheer wat hulle oor die land uitoefen so gebruik dat die drie groot gebeurtenisse hieronder genoem vir hulle die beste voordeel moet bied: Ten spyte daarvan dat elkeen van die drie gebeurtenisse (of prosesse) so ontsaglik en verreikend is, weet of begryp die grootste deel van die Amerikaanse - en die res van die wêreldbevolking (die "sheeple") - dit nog nie eens nie. Elkeen van die gebeurtenisse het al dekades lank 'n aanloop of ontwikkelingstyd agter die rug en sal binne die volgende drie jaar volledig 'n "hoogtepunt" bereik, by gebrek aan 'n beter beskrywende woord. Aldrie die gebeurtenisse is mensgemaak, in volle swang en menslik onkeerbaar en onontwykbaar. Hulle sal die Amerikaanse bevolking ingrypend beïnvloed en op die res van die wêreld dieselfde - of 'n wisselende - invloed hê. So 'n krisis sal kataklismiese gevolge hê wat maande, selfs jare lank, kan duur. Was dit maar 'n "hoax", maar die inligting is ongelukkig alles waar.

Raadpleeg gerus die Internet, daar is goeie inligting oor elk van die drie onderwerpe. Die drie gebeurtenisse, wat betrekking op mekaar en waarskynlik ook op Orania het, is die volgende:

1) Die komende Amerikaanse bankrotskap: Gerekende Amerikaanse kundiges van die ekonomie sê onafhanklik van mekaar dat die bankrotskap en ekonomiese ineenstorting van hul land binne een tot drie jaar MOET kom. Hulle beweer dis 'n wiskundige sekerheid so seker as wat die son môre gaan opkom. Die geldtoestand in Amerika is vandag dieselfde as wat dit was wat gelei het tot die val van Athene en Rome. Amerika het $19 triljoen staatskuld en dan nog ongeveer $300 triljoen private skuld. Boonop gaan die dollar nie meer die wêreld se reserwebetaalmiddel wees nie. Die Amerikaanse aandelemark is 73% oorwaardeer. 'n Skielike regstelling sal veroorsaak dat baie Amerikaanse besighede moet ophou bestaan, met ernstige gevolge. Dis net vertroue wat die bankstelsel nog laat werk. Dit sal geheel en al ineenstort wanneer daar 'n klein vertrouensbreuk kom. Dit sal die verskoning wees waarom alle Joodsbeheerde banke (dit is ALLE banke in die wêreld) sal sluit vir 'n onbepaalde tyd. Eers in die VSA en binne ure in die res van die wêreld ook. Dit is so beplan dat niemand iets sal kan koop of betaal nie. Geen kos, water of energie sal kan gelewer word nie. Amerikaanse ingenieurs sê hulle kragnet sal ineenstort. Totale anargie en hongersnood sal volg. Die hoof van die Amerikaanse CIA het in die openbaar gesê in so 'n geval SAL 90% van die Amerikaanse bevolking na een jaar nie meer leef nie. Behalwe Amerika, het die Europese Unie en Japan ook ontsaglike skuldprobleme. As daar erge ekonomiese onstabiliteit in enige van die groot lande of magsblokke kom, kan verwag word dat dit sal uitbrei na oral waar skuld in die res van die wêreld is. Daar is mense/magte in Amerika wat graag 'n oorlog wil hê wat moontlik die Amerikaanse ekonomie so sal stimuleer dat ineenstorting vermy kan word, maar dan sal dit konvensioneel moet bly, want 'n volskaalse atoomoorlog sal die Bybelse profesie in vervulling laat gaan, naamlik dat die aarde nie weer deur 'n watervloed sal vergaan nie, maar deur vuur.

2) Sogenaamde "Smart Dust" ("Slim Stof"?) Dis triljoene mikroskopiese klein sensors vir die meet, dophou en rekenaarkoppeling van elke enkele plek, ding of mens op die hele aarde. Die groot Joodsbeheerde Amerikaanse maatskappye belê biljoene Dollars in hierdie tegnologie. In 2020 (dis oor net drie jaar!) sal 1 triljoen sensors in werking wees en teen 2030 sal 10 triljoen sandkorrelgrootte rekenaarsensors in bedryf wees om ALLES in die wêreld te meet of dop te hou en per radioverbinding aan 'n (of die) rekenaar te rapporteer vir optimum beheer. 16 bestaande industrieë, waaronder die hele wapenindustrie en die mediese industrie, sal totaal verander. Die stelsel werk REEDS in sommige Europese en Amerikaanse stede waar dit byvoorbeeld verkeersvloei beheer, en word met rasse skrede uitgebrei. Die sensors maak ondenkbare beheer en nuwe tegnologie moontlik, soos 'n geweerkoeël wat in vlug sy rigting kan verander om enige bewegende teiken te tref. Dit bestaan ook REEDS in Amerika. Die "Slim Stof" sal die Amerikaanse BBP met minstens 5% laat groei, word gesê. Ook perfek vir George Orwell se "1984" en "people control".

3) Die Robot-revolusie wat nou besig is om te gebeur, is van dieselfde betekenis as die Industriële Rewolusie van die 1800's. Robotte het stil-stil al so gevorderd en ekonomies geword, dat hulle al hoe meer mense se werk kan doen. Beter, vinniger en goedkoper as enige mens. Vervaardigingsrobotte sal groot rykdom skep vir hulle besitters, maar in die VSA kan robotte 23 miljoen mense werkloos maak binne die volgende 3 tot 5 jaar. Gevolgtrekking: As Amerika se ekonomie binne drie jaar vanaf Januarie 2017 so erg ineenstort soos voorsien word, sal "Slim Stof" en die Robot-revolusie nie gou of volledig voltooi kan word nie en wêreldoorheersing vanuit Amerika kan dan moeiliker word en langer tyd neem.

Aan die ander kant kan die Jode wat Amerika beheer, vir eers die ineenstorting probeer uitstel totdat die "Slim Stof" in posisie en werkend is. OF: Die Slim Stof kan moontlik Amerika se ekonomie soveel doeltreffender maak dat 'n algehele ineenstorting oorkom kan word, of baie langer uitgestel kan word as drie jaar. Dit is moeilik om tot 'n duidelike gevolgtrekking te kom oor wat presies die sosiale effek gaan wees van die Robot-revolusie op Amerika en die res van die wêreld. Indien die Robot-revolusie te gou te veel onhanteerbare werkloses veroorsaak, sodat dit tot anargie lei, kan dit aanleiding gee tot- of meehelp met totale ekonomiese ineenstorting in Amerika, wat die res van die wêreld ook negatief gaan beïnvloed of verarm. 'n Eerste oorweging kan wees dat dit ook eers nog vertraag kan word om te voorkom dat die miljoene werkloses die land verarm of 'n onkeerbare anargie en depressie begin wat die ekonomiese ineenstorting van die VSA aan die gang sit.

Indien die werkloses betyds van ander werk of 'n ander heenkome voorsien kan word, hoef dit nie noodwendig tot anargie te lei nie. As daar 'n geld- en ekonomiese krisis in die wêreld ontstaan wat erg genoeg sal wees om in die Nuwe Suid-Afrika ook ontwrigting van krag- en watertoevoer te veroorsaak in die groot stedelike konsentrasies, kan dit binne een maand 'n verandering in die Suid-Afrikaanse bevolkingsgetalle en -samestelling begin bewerkstellig. 'n Rasse-oorlog hoef nie eers ter sprake te kom nie. Vir gewone mense in Amerika en ook in die res van die wêreld, wat ons insluit, lyk dit of daar vier dinge is wat ons sal moet doen om oor die krisis te kom, naamlik:

a) Probeer om nie in 'n groot digbevolkte gebied soos 'n groot stadsgebied te woon nie, indien moontlik. Daar het mens nie beheer oor eie krag- en watervoorsiening en kosproduksie nie. Dit is in die digbevolkte gebiede waar daar onbeheerbare onluste en anargie gaan ontstaan juis as gevolg van tekorte aan krag, water en kos. Of kom betyds uit na 'n voorafgereëlde oorleefbare gebied. Hoe kleiner die dorpie, of hoe meer plattelands die gebied en hoe meer kos hy self produseer en hoe beter sy eie krag- en watervoorsiening, hoe beter sal sy bevolking kan oorleef. Vraag: Sal daar in so 'n noodgeval 'n toeloop na Orania toe wees uit die stedelike gebiede en sal ons die getalle kan hanteer?

b) Probeer om so min as moontlik staat te maak op 'n bankrekening by enige van die bestaande bekende handelsbanke om te kan leef. As alle handelsbanke skielik toemaak sal dié van ons wat rekeninge by hulle het, geen geld kan trek om enigiets te koop of betaal nie. Dan sal die eenvoudige reël geld: Geen geld - geen krag - geen water - geen kos - geen oorlewing nie. Die mense wat dan in die beste posisie gaan wees is diegene wat kan bestaan sonder om lewensafhanklik te wees van 'n bankrekening . Enige hoeveelheid kontant in die hand sal in so 'n geval help met oorlewing. Mense in Orania wat alleen met 'n OSK-rekening oor die weg kom, sal waarskynlik in 'n goeie posisie wees. Al sluit die hele wêreld se banke, behoort Orania se eiebeheerde OSK steeds oop te kan bly met Oras om minstens 'n klein plaaslike ekonomie aan die gang te hou vir oorlewing.

c) Sorg individueel en as ‘n gemeenskap dat eie krag en water, onafhanklik van enige buite-instansie, standhoudend gelewer kan word vir kosproduksie en huishoudings oor die langtermyn. Dit is, vir minstens een jaar lank.

d) Ons moet sorg dat ons verhouding met ons Skepper reg is. Dis per slot van rekening 'n stryd van Lig teen Duisternis. As gelowiges het ons steeds die opdrag om die sout van die aarde te wees. Dit is ons opdrag om waar moontlik alles te doen wat ons kan om die Bose geestelik en fisies te beveg deur die Waarheid en die waarheid te versprei. Per implikasie sluit dit natuurlik fisiese oorlewing in.

In 'n mediaverklaring skryf HNP-leier Andries Breytenbach soos volg: “Dit is nie net die regering wat Afrikaans probeer vernietig nie. Die regsprekende gesag veg sy aan sy met hom teen ons taal en kultuur. Wanneer dit hulle pas, beroep die spul huigelaars hulle op die SA Grondwet, maar wanneer hulle die Afrikaner wil verkleineer, verdruk en vertrap, kan die Grondwet met sy kastige waarborge ewe gerieflik geïgnoreer word. “Mongoeng het mos reeds uitspraak gelewer dat ‘any reliance by white South Africans, particularly white Afrikaner people, on a cultural tradition founded in history finds no recognition in the Constitution’. Saamgelees met die uitspraak, maak besluite soos die onderhawige ‘n klug van Mongoeng se uitspraak dat ‘The African world-outlook that one only becomes complete when others are appreciated, accommodated and respected, must also enjoy prominence in our approach and attitudes to all matters of importance in this country’. “Maar natuurlik is miskenning van Afrikaans nie vir dié Afrikanerhater ‘n ‘matter of importance’ nie, want in sy oë is die Boere-Afrikaner nie deel van die ‘others’ wat waardeer, geakkommodeer en gerespekteer moet word nie. Tog ironies dat dié hoofregter die imperialis, lord Charles Somerset, wat twee eeue gelede ook Afrikaans uit die howe geban het, so na-aap! “Sy houding vindikeer ons volk se verwerping van die heersende grondwetlike bedeling waarin ons die vyandskap van die vreemde owerheid en sy vennote moet verduur, en ons aandrang op selfbeskikking. Intussen kan by gerus bedink dat werklike of vermeende onregte van die verlede nie goed gemaak kan word deur die pleeg van nuwe onregte in die hede nie. Dit blaas net haat aan.”
Die hele bohaai oor die middernagtelike kabinetskommeling, die afgradering van SA na rommelstatus en die massa-optogte dat hy moet bedank, is alles rassisties en is dit die skuld van rassisme en wittes wat daaragter sit, het pres. Jacob Zuma by 'n gedenkdiens van vermoorde voormalige SAKP-leier Chris Hani gesê. Zuma het sy aantygings later in 'n TV-onderhoud met Gupta-TV-kanaal 405 van ANN7 herhaal. Intussen is dit ironies dat die SAKP ook voet by stuk hou dat Zuma moet bedank. Inmiddels reël die verenigde opposisie in die Parlement weer 'n massa-optog teen Zuma na die Uniegebou op Woensdag 12 April 2017.

WikiLeaks, 'n anti-geheime projek geloods in 2006 deur Julian Assange  en wat van tyd tot tyd uiters geheime staatsdokumente van verskillende lande publiseer, het in die jongste loslating 8 000 CIA-dokumente blootgelê. Algemeen word aanvaar dat hierdie dokumente afkomstig is van CIA-amptenare wat die dokumente na buite gelek het.

Die jongste loslating toon verstommend dat die CIA d.m.v. uiters gesofistikeerde elektroniese moniteringsmeganismes en –stelsels die doen en late van feitlik elke mens op aarde, selfs tot in mees intieme privaatheid, monitor. Dit geskied d.m.v. nie slegs persoonlike rekenaars en selfone nie, maar ook deur TV stelle en selfs gevorderde huishoudelike apparate soos mikrogolfoonde, yskaste, wasmasjiene, ens.

Vir meer besonderhede, volg hierdie skakel.   

Terwyl 'n koerant vir sy lesers nuus kan publiseer wat sag op die oor val en wat hulle rustig stem, het Ditsem Nuus besluit om dit wat tans in Suid-Afrika die meeste saak maak, hiermee op die voorblad te plaas. Dit gaan naamlik daaroor dat daar tans 'n aantal gebeure in die land afspeel, wat, indien hulle met spreekwoordelike strepies met mekaar verbind word, 'n prentjie te voorskyn laat kom van 'n meedoënlose dryf om SA in 'n Kommunistiese staat te omskep.

Hierdie gebeure is basies die volgende:

  • Die poging van 'n gekonsolideerde mag met pres. Jacob Zuma aan die spits om beheer oor die natuurlike hulpbronne van die land oor te neem, soos die minerale, grond, water, myne, ens., tesame met die geldkas van die land (Finansiesportefeulje) en die wapenmag (Polisie, Weermag en Staatsveiligheid). Die summiere afdanking van Pravin Gordhan as Minister van Finansies en 'n aantal ander sleutelministers (Polisie, Energie, Vervoer en Kommunikasie) en hul vervanging met lakeie, is 'n omvattende poging om presies dit te bereik.
  • Volgens konsepbeleidsdokumente van die ANC wat verlede maand gepubliseer is met die oog op goedkeuring in Junie vanjaar, moet  die nasionale Presidensie “versterk word as die strategiese sentrum van staatsmag.” Dit beteken groter bevoegdhede gekonsentreer in die Presidensie - effektiewelik in Zuma - dus 'n stap in die rigting van diktatoriale staatsbeheer.
  • Daar is ook skuiwe binne die ANC as regerende party om meer diktatoriaal van bo af te raak en sy sg. demokratiese inslag vanaf grondvlak te verskraal of selfs weg te neem. So is in die jongste ANC beleidsdokumente voorgestel dat “'n rewolusionêre verkiesingskommissie gestig word wat as hekwagters moet dien en moet keer dat verkiesingsprosesse in die party gemanipuleer word. Hierdie kommissie moet alle kandidate eers goedkeur voordat hulle vir verkiesings as partyverteenwoordigers benoem word.” Die ooglopende doelwit hiermee is om slegs kandidate van bo af vooraf goedgekeur, as verteenwoordigers te kry. Terselfdertyd word voorgestel dat die ANC 'n ten volle outomatiese, elektroniese werwing- en lidmaatskapbestuurstelsel kry, wat uit die ANC-hoofkantoor bestuur word en vir strukture laer af slegs met goedkeuring toeganklik sal wees.
  • Gedurende die afgelope twee dekades is d.m.v. twyfelagtige wetgewing alle ondergrondse minerale regte in die land, asook alle waterbronne insluitende selfs natuurlike damme en boorgate, tot eiendom van die staat verklaar. Dit is gedoen sonder enige vergoeding vir private eienaars.
  • Wetsontwerpe oor grond wat tans in die Parlement dien, maak voorsiening vir ernstige inbreuk op private grondeienaarskap en selfs op private besittings soos huishoudelike items, bates, aandele, ens. Dit word beliggaam in die Wetsontwerp op Onteiening en in die Wetsontwerp op die Regulering van Grondbesit. Meer besonderhede daaroor elders in hierdie uitgawe.
  • 'n Wetsontwerp dien tans voor die Parlement wat dit verpligtend wil maak vir kerke en kerkgenootskappe om by die staat gelisensieer te word indien hulle as kerke wil funksioneer. Die Wetsontwerp op Voorkoming en Bestryding van Haatmisdade en Haatspraak het dit dus ten doel om kerke in hul bedieninge onder toesig van die staat te plaas. Dit kom in effek neer op skending van geloofsvryheid. Voorts kan hierdie wet ook dien om in die huidige verpolitiseerde klimaat kritiek deur blankes op swartes tot strafregtelike haatspraak te verklaar.
  • Al meer maatreëls om mediavryheid aan bande te lê en druk op koerante, tydskrifte, radio, TV en die Internet te plaas om “positief” oor die regering te berig. Spesifiek het die gepubliseerde “Konsep Aanlyn Reguleringsbeleid van die Film- en Publikasieraad” ten doel om die Internet in SA streng te beheer, soos om epos te monitor en “ongewenste” webwerwe te sluit.
  • Ook op skolevlak woed die veldtog ten gunste van sentralistiese beheer, terwyl leerplanne al meer destruktief vir tradisionele waardes raak, die bevoegdhede van verkose beheerliggame al meer ingekort word en 'n veldtog geloods is om godsdiensonderrig in skole te verbied. 'n Toetssaak in laasgenoemde verband dien vanjaar 15 tot 17 Mei in die Suid-Gautengse hooggeregshof.
  • Die gewelddadige optrede van die EFF in die Parlement wat die normale funksionering van hierdie bakermat van demokrasie onmoontlik maak, is ook 'n manifestasie van die dryf na 'n diktatuur.
  • Dieselfde geld die ongelooflike staatskorrupsie en plundering van die staatskas, die totale bedrag ten opsigte waarvan deur die nuutgestigte Private Vervolgingsgesag van AfriForum beraam word op R700 miljard sedert 1994.

Die grootste struikelblok in die weg van 'n Kommunistiese diktatuur in SA, is die blanke burgers van die land, in besonder die Afrikaner met hul sterk Christelike inslag. Ongeag wat ookal gesê word, was dit die blanke wat beskawing gebring het na wat later Suid-Afrika sou word. Hulle het die wiel gebring, geboue gebou, plase gevestig, voedsel geproduseer, dorpe gestig, mediese en onderwysdienste opgerig, wet en orde te boek gestel en demokratiese regering gevestig.

Nou is die groot aanslag juis teen hulle gemik: SEB, “regstellende aksie”, sportkwotas, studiediskriminasie, inperking van Afrikaans, grondonteiening, wreedaardige moorde en verkragtings van swart op wit, ens. - in effek ‘n onverklaarde burgeroorlog teen die blanke burgers van die land.

Dit is waarom indien hierdie verwikkelinge sinvol met mekaar verbind word, gesien kan word dat SA tans op 'n geskiedkundige kruispad staan van óf behoud van die kosbaarste van alle regte en voorregte, nl. persoonlike vryheid, of alternatiewelik 'n Kommunistiese diktatuur. Dit is harde woorde, maar dit is die realiteit van die dag.

Indien pres. Zuma ontsetel sou word, sou dit nog nie noodwendig die einde van die diktatoriale bedreiging beteken nie, want die gevaar strek verder as slegs een persoon en behels 'n bose mag bestaande uit o.m. 'n verharde ANC-kern, sommige male fide SA burgers, die Guptas, die NWO, sekere Westerse veiligheidsinstansies en dies meer. Ironies genoeg dring die SA Kommunistiese Party tans aan op die onvoorwaardelike bedanking van Zuma, maar dit verander nog nie die kolle van die luiperd nie.

In die finale instansie gaan die stryd om die siel van Suid-Afrika oor die onverbiddelike stryd tussen die Christelike Lig en die bose Duisternis – 'n stryd ten opsigte waarvan elkeen en in besonder die Afrikaner hom- of haarself moet verantwoord.

Bladsy 9 van 18

Ora betonwerke proef Sept 2017

Artistia Food

Renosterberg lodge