ditsem website banner no 1 2017

-►Adendorff Machinery Mart verhuis na groter perseel – nou h/v Harveyweg, Kerkstr. en Monumentweg -►Malu Pork open amptelik nuwe doelontwerpte aanleg in Kimdustria, Kimberley -►ANC wys diktatuur met heksejag teen LP’s wat teen staatskaping en korrupsie stem -►Mugabe, “Moordenaars van wit boere nie vervolg nie” -►Carro Private Skoolgroep nou 47 000 leerlinge in totaal en jaarlikse omset van R1 miljard -►Brandstofpryse styg 6 September, meeste nog vanjaar -►Buitelander – Otis Gibson – dalk nuwe Protea Krieketafrigter?

Die VSA en Rusland is tans in die vyf en ‘n half jaarlange burgeroorlog in Sirië in ‘n kop aan kop oorlog gewikkel. Die VSA, in die magsgreep van die Nuwe Wêreldorde (NWO) oftewel Illuminati, steun die “rebellegroepe” oftewel militante Islamitiese terroristegroepe soos Al Nusrah om ten alle koste die demokratiese en stabiele regering van pres. Bashar al-Asad omver te werp, soos wat hulle en Westerse bondgenote in dieselfde magsgreep destyds met Muammar Gaddafi van Libië gedoen het. Rusland onder pres. Vladimir Putin aan die ander kant steun die Al-Assad-regering en het sowat ‘n jaar gelede ‘n vastrapplek gekry toe die Russiese lugmag in Irak en Sirië ontplooi is. Deur lugaanvalle is ISIL-toevoerroetes vanaf en na Turkye verwoes en het die Siriese regering groot dele van sy grondgebied, soos Aleppo, van ISIL herower. Die huidige is dat wat die VSA sien dit slaag nie om deur diplomatieke onderhandelings asemhaalspasie vir Al Nusrah te skep nie, begin het om Siriese magte direk met Amerikaanse bomwerpers aan te val. In reaksie hierop het Rusland sy gesofistikeerde C300 lugafweerstelsel in Sirië ontplooi en sodoende beheer oor die Siriese lugruim versterk. In die VN Veiligheidsraad veto Rusland Westerse pogings om ‘n resolusie in hul guns aanvaar te kry. 

Inwoners van Ficksburg, Senekal, Clocolan en Marquard in die Vrystaat het kennis gekry van die  Setsoto Munisipaliteit dat hulle binne ‘n kwessie van weke sonder ‘n druppel water in hul krane kan wees. Wat Ficksburg betref, is volgens die munisipaliteit die Caledonrivier en die Meulspruitdam besig om op te droog en het dit water vir net twee weke oor, wat beteken dat 11 502 huishoudings sonder water kan sit. By Senekal het die twee dorpsdamme water vir minder as ‘n week oor, wat dan 7 900 huishoudings droog kan laat. Op hierdie stadium het inwoners vir slegs drie uur per dag water. By Clocolan is die twee dorpsdamme ook leeg en is water tans deur ‘n noodpypleiding vanaf die Caledonrivier vir nog slegs twee weke beskikbaar, waarna 5 500 huishoudings getref gaan word. Te Marquard is water nog tot die tweede week in November beskikbaar, waarna die munisipaliteit geen versekering oor waterlewering kan gee nie. Inmiddels is die Welbedachtdam as hoofwaterbron vir Bloemfontein so leeg dat dit kan beteken dat die stad in Desember vanjaar sonder water kan sit.

Tydens ‘n mediakonferensie op 13 Oktober 2016 het Julius Malema, EFF-leier, die deksel van die beweerde Zuma-Gupta staatskaping afgepluk toe hy gesê dat volgens sy betroubare inligting het die ondersoek van pasuitgetrede OB Thuli Madonsela aan die lig gebring dat pres. Jacob Zuma in samespanning met die Gupta-familie staatsgeld van miljarde rand onwettig uit SA na die buiteland gestuur het. Hierdie stelling van Malema is op die 19:00 nuusbulletin van eTV op 13 Oktober 2016 gebeeldsend en het Ditsem Nuus dit gesien, maar dit is nie gewys of gerapporteer in enige SABC-nuusbulletin nie. Eienaardig genoeg kon die volgende dag op die Internet geen spoor van ‘n videogreep of berig van hierdie stelling van Malema opgespoor word nie, hoewel daar duidelik elektroniese spore is dat dit wel op webwerwe was, maar daarna verwyder is. Tot op datum het niemand nog Malema aangevat oor hierdie spesifieke stelling van hom nie en kan dit beskou word as aanduiding dat die verslag van Madonsela wat Zuma en Minister Des van Rooyen inderhaas met ‘n hofinterdik van openbaarmaking gekeer is en uitgestel is tot 1 November 2016, inderdaad politieke dinamiet bevat met potensieël onberekenbare gevolge.

Wenner tot dusver Mike Pence Altyd interessant in die wedloop om die Withuis, is die effek wat die direkte debat op TV tussen die twee kandidate van onderskeidelik die Republikeine en die Demokrate op die finale uitslag het. In vorige verkiesings het bv. in 1960 John Kennedy vir Richard Nixon en in 1992 Bill Clinton vir George Bush sr. ore aangesit. Vanjaar is daar twee debatte tussen Donald Trump van die Republikeine en Hillary Clinton van die Demokrate, terwyl daar een debat is tussen hul twee vise-presidentskandidate Mike Pence van die Republikeine en Tim Kaine van die Demokrate. Daar was groot verwagting hoe Trump en Clinton in die eerste debat teen mekaar sou opweeg, maar op die aand was Clinton die wenner met beter liggaamstaal en skerper kommentaar. Agterna was mediaberigte dat Trump die afgelope 18 jaar nie belasting betaal het nie, ook negatief vir hom. In die vise-presidentsdebat was Mike Pence weer in houding en uitsprake die duidelike wenner. Daar is nog een debat tussen Trump en Clinton, met die verkiesing wat op 8 November 2016 gehou word. Daar is wye wantroue in die baanrekord en integriteit van Hillary Clinton, veral as voormalige Amerikaanse minister van buitelandse sake, terwyl Trump teëspoed opgetel het met die belastingstorie. Nie een van die twee is uitgesproke Christene nie, terwyl bedenkinge bestaan oor die relatief hoë ouderdomme van albei t.o.v. die veeleisende presidentspos. Op hierdie stadium wil dit voorkom asof Mike Pence die beste volgende Amerikaanse president sou uitmaak – ‘n scenario wat egter nie nou prakties moontlik is nie.

Almeer berigte toon toenemende verdeeldheid binne die ANC, sowel as binne die drieparty-alliansie. Dit het alles begin by die geweldige korrupsie in die land oor jare met miljarde rand betrokke en die deurlopende verbintenis daarmee die afgelope tydperk met pres. Jacob Zuma. Dit het net te veel geword vir ‘n beduidende element van swart kiesers en het neerslag gevind in die verliese wat die ANC in die afgelope munisipale verkiesings gely het.

Veral die prysgawe van bewind in die metros van Port Elizabeth, Pretoria en Johannesburg het seergemaak en Zuma word as sondebok nommer een uitgesonder. Laasgenoemde het van sy kant egter ‘n verbasende houvas op die ANC en die regering en is daar ‘n gedeelte van die ANC wat bankvas agter hom staan – teenoor ‘n gedeelte wat eerder van hom ontslae wil raak.

Hierdie verdeeldheid het hoofsaaklik tot uiting gekom in die aanslag op Minister van Finansies Pravin Gordhan, ‘n aanslag wat algemeen aanvaar word as Zuma-geïnspireerd ten einde beheer oor die Tesourie en dus finansiële leisels van die land te verkry. Die slagordes rondom hierdie sage het vinnig gevorm, met o.a. adjunk-president Cyril Ramaphosa wat kant vir Gordhan gekies het, asook SAKP-leier en Minister van Hoër Onderwys Blade Nzimande wat erg onder Zuma ingeklim het.

Ook die derde lid van die alliansie, Cosatu, het kant gekies teen Zuma, maar aan die ander kant het hy die steun van die ANC Vroueliga, ANC Jeugliga, MK Veterane en van die premiers en sommige kabinetskollegas. Dit is egter veral op voetsoolvlak, daar waar gebrek aan munisipale dienslewering die hardste gevoel word, waar opstand teen die ANC oorkook.

In Gauteng het ANC provinsiale leier Paul Mashatile ook kant gekies teen Zuma en het ‘n groep ANC-ondersteuners selfs opgeruk na Luthuli House met die doel om dit te beset en die bedanking van Zuma en die ses top UK-lede van die ANC te eis. Hul georganiseerde optog, ongeëwenaard in die geskiedenis van die ANC, het vandeesweek op die nipper nie in geweld ontaard nie, maar die opstand bly tasbaar.

Terselfdertyd is daar ‘n reeks sleutelaanstellings in staatsorganisasies wat tans hewige polemiek ontlok en ook ontaard in pro- en anti-Zuma-groeperinge. Die DA en ander opposisiepartye verseg om die aanstelling van Dudu Myeni as voorsitter van SAL te aanvaar; die beoogde aanstelling van Busisiwe Mkhwebane word teengestaan op grond van die bewering dat sy ‘n amptelike regeringspioen is; Robert McBride het pas ‘n saak in die Appèlhof gewen teen Minister van Polisie Nkosinathi Nhleko dat hy as hoof van die Onafhanklike Polisie Ondersoek Direktoraat (OPOD) heraangestel moet word; daar is voortgaande kontroversie oor die behoud van Hlaudi Motsoeneng as uitvoerende hoof van die SAUK; ens.

 

Al hierdie aanstellings volg verdelingslyne tussen pro- of anti-Zuma en dus verdelingslyne binne die ANC.

 

Die DA onder sy swart leier Mmusi Maimane is beslis besig om veld te wen onder swart kiesers, veral ‘n sterk opkomende stedelike middelklas en dit raak al meer aantreklik vir gematigdes in die ANC. Aan die ander kant is daar veral werklose swart jeugdiges en ander radikales in die ANC wat aanklank vind by die EFF.

 

Die druk op die ANC laai dus op en dit wil voorkom of die organisasie op ‘n stadium volgens bepaalde verdelingslyne gaan skeur, met verreikende gevolge vir die politieke landskap in die land.

 

Internasionale nuusagentskappe berig dat Noord-Korea pas sy vyfde kernbomtoets en grootste nog vir die land gedoen het, met ‘n registrasie van 5,3 op die aardskokskaal. Dit was waarskynlik ‘n 10-kiloton bom en feitlik net so kragtig as die destydse Hiroshima-bom. Die toets het ook diplomatieke en politieke skokgolwe uitgestuur, met veral Suid-Korea, Japan, ander Oosterse state en die VSA wat hoogs verontrus is. Die groot vraag natuurlik is waar hierdie ergste diktatoriële en mees geïsoleerde staat op die planeet die tegnologie en finansies vind om eksperimente op hierdie megaskaal te kan uitvoer. Die kerntoets volg ook kort op die G20 spitsberaad van wêreldleiers wat pas in China gehou is. Inmiddels het Noord-Korea tydens die beraad ook missieltoetse uitgevoer.

Sy is nog net 141 jaar oud, maar die lewensverhaal van Afrikaans tot op hede is een wat spreek van hoogtepunte, terugslae, humor en die skepping van meesterlike letterkunde, musiek en toneelstukke. Dit getuig van die omvorming van ʼn “kombuistaal” tot ʼn gerekende wetenskaptaal en vertel van ʼn geliefde taal wat deur haar mense gepraat, gesing en geskryf word en waarin hulle droom.

In sy boek, “Ons gaan ʼn taal maak”: Afrikaans sedert die Patriot-jare (uitgegee deur Kraal Uitgewers), stel die bekroonde Vrystaatse taalhistorikus, J.C. Steyn, omvattende ondersoek in na die ontstaan en ontwikkeling van Afrikaans. Hy volg haar pad van ’n nederige begin in die 19de eeu tot by vandag se koerante, tydskrifte, letterkunde, musiek, politiek en kunstefeeste.

Die volle verhaal van Afrikaans is hierin opgeteken – van Breytenbach tot Kombuis, en van Langenhoven tot Zoid. Nou beskikbaar by Kraal Uitgewers teen slegs R320 (posgeld uitgesluit). Skakel 012 644 4329 of besoek www.kraaluitgewers.co.za vir meer inligting.

Met die herdenking van die stigting van die Genootskap van Regte Afrikaners (GRA) op 14 Augustus 1875 in Dal Josafat naby die Paarl en regtens beskou as die geboortedag van Afrikaans, vier die taal vanjaar op 14 Augustus sy 140ste verjaarsdag. Hoewel Afrikaans eers in 1925 amptelik as landstaal erken is, word algemeen aanvaar dat die taal formeel sedert 14 Augustus 1875 bestaan.

Sedertdien het die taal, ondanks telkense imperialistitiese onderdrukking, van krag tot krag ontwikkel tot ‘n volwaardige taal in eie reg. Afgesien van die erkenning van Afrikaans in 1925 as een van die amptelike landstale, was nog ‘n sleutelstap die publisering in 1933 van die volledige Bybel in Afrikaans.

Op elke lewensterrein het Afrikaans met sy woordeskat tot ontplooiing gekom as linguïsties ‘n taal van wêreldgehalte. In 1994 met die nuwe grondwetlike bedeling in die land is Afrikaans ingesluit as een van die 11 amptelike landstale. Die afgelope 22 jaar het Afrikaans egter toenemend hernude onderdrukking ervaar ten koste van Engels, maar desondanks blom die taal steeds i.t.v. gepubliseerde literatuur (wetenskaplik sowel as fiksie), rolprente, lewende kunste, liedjies en musiek, ens.

Vanjaar het Afrikaans nietemin ongekende terugslae beleef toe dit by die Universiteite van Stellenbosch, Pretoria, die Vrystaat en Unisa as primêre onderrigtaal op tersiêre vlak afgeskaf is – dit strydig met die SA Grondwet. ’n Ligpunt egter was die hofsaak wat AfriForum en vennote teen die Universiteit van die Vrystaat gewen het om Afrikaans in sy regmatige plek te herstel.

Ondanks al die teenkanting teen en onderdrukking van Afrikaans, bly dit vandag steeds die huistaal van sowat 7 miljoen mense wêreldwyd, terwyl Afrikaans taalkundig beslis ‘n taal van wêreldgehalte is. Soos in hierdie fokus met die nuutste verwikkelinge en ontwikkelings in Afrikaans aangedui word, gaan die taal steeds eenvoudig van krag tot krag.

Sonder om meerderwaardig te wees, wys die feite soos in hierdie fokus dat gen inheemse taal in Suid-Afrika eers naastenby met Afrikaans vergelyk kan word nie.

Ene Mariaan Burger het dit op ‘n manier gesê wat nie beter kan nie:

Ken jy die taal wat so dans in die Suidland?

Ken jy haar?

Sy dans dwarsoor ons land, want sy is gebore uit die aarde van die veelkleurige suide van Afrika.

Sy is perfek vir elke geleentheid, van die doodgewone gesprek tot die uitnemendste digkuns of vakterme.

Nêrens in die wêreld kan ‘n ander jou so lekker slegsê, laat huil, of laat lag soos sy nie. Nêrens kan jy so opreg bid of vurig vry soos met haar nie.

Haar naam is Afrikaans, want sy is ons moedertaal.

Sy kry seer as sy deur Engels verdryf word, deur haar eie mense misken en verban word. Sy ween as haar kinders in skole en universiteite haar onderrig geweier word, as sy nie as wêreldgehalte beskou word nie.

Dit breek haar hart as sy verwring en verengels word, as awesome beter as asemrowend word.

Sy is tot sterwens toe siek as haar eie mense haar so minag en verneder.

Gaan ons haar red vir die nageslag of begrawe? Die keuse lê by my en jou

Hoewel algemeen gemeen word dat die kiesers van SA met die 2016 munisipale verkiesings die ANC ‘n dwarsklap gegee het, blyk dit tog dat die politieke landskap in SA nie veel verander het nie. Die ANC het 54% van die stemme, die DA 27% en die EFF 8%, met die orige sowat 11% verdeel tussen die ander klein partytjies.

Ná 1994 het die ANC sowat twee-derdes van die stemme getrek en vandag met die ANC en die EFF as hul radikale wegbreekvleuel, is die syfer min of meer nog in daardie koers. Die DA het wel vordering gemaak, maar nie soveel as wat hulle gehoop het nie.

Hul troospryse is die Nelson Mandelabaai Metro wat hulle ingepalm het, asook die Tshwane Metro net-net . In die Wes-Kaap het die DA ook wel met 63% van stemme die vloer gevee met die ANC op sowat 27%. Ook opmerklik is dat die IVP in KZN redelik opgestaan het, hoofsaaklik ten koste van die NFP en selfs die Nkandla-setel ingepalm het.

Die radikale EFF het genadiglik ook nie so goed gevaar as wat hulle gehoop het nie, mar as derde grootste party is hulle ‘n faktor om mee rekening te hou, veral as dit by koalisievorming kom. Die probleem is egter dat hulle aanvaarding van hul beleid van grondgryp sonder vergoeding as voorvereiste stel vir enige koalisievorming.

‘n Party soos die VF Plus het hul aantal stemme in die verkiesing bykans verdubbel na sowat 220 000 vanaf 120 000 in die 2011 munisipale verkiesings en in die proses meer setels bekom, maar in die landswye opset is die party met 0,77% van die totale stemtotaal bra onbeduidend.

Oor die algemeen het die ANC die land, ondanks die verval onder hul bewind die afgelope twee dekades, steeds in ‘n beergreep. Hoe die toekomsscenario van SA sigself vorentoe gaan uitspeel, is ‘n redelike ope vraag.

 

 

Almeer stemme in die wêreld gaan op dat die negatiewe impak op internasionale gebeure en ook gebeure binnelands in feitlik elke land, toe te skryf is aan die rewolusionêre plan van ‘n gekoördineerde, gekonsentreerde en doelgerigte internasionale geldmag om ‘n wêreldorde te vestig onder ‘n enkele globale en gerekenariseerde gesag. Hierdie internasionale geldmag staan ook bekend as die Illuminati en wat hulle totstand probeer bring, word genoem die Nuwe Wêreldorde (NWO).

Daar is oorvloedige getuienis dat verreweg die meeste groot multinasionale maatskappye, groot banke en selfs reserwebanke van lande, asook groot finansierings- en krediethuise en mediakonglomerate in die wêreld, saam gekonsentreer is in hierdie internasionale geldmag, wat inherent boos en anti-Christelik van aard is. Hoewel almal wat oor hierdie onderwerp berig, nie altyd die kat aan die kop beet het nie, is daar oorvloedige literatuur en ook inligting op die Internet beskikbaar wat die wesentlike van die postulasie hierbo bewys.

Reeds in 1920 het die motorvervaardiger, Henry Ford in die VSA die opspraakwekkende boekreeks The International Jew, gepubliseer, ‘n boek wat in talle lande verban is, maar wat ondanks fel kritiek nog nie werklik weerlê is nie. Tussen tallose ander gesaghebbende publikasies is The Lion Sleeps No More van David Icke. Op die Internet kan bv. gelees word hoe feitlik een persoon – waarskynlik lid van die internasionale geldmag – verantwoordelik gehou word vir die huidige Moslem-immigrantekrisis in Europa.

Feite dui daarop dat die geskiedenis van die internasionale geldmag waarskynlik terugstrek na Salomo en die tempel wat hy laat bou het en dat hul nageslag - en die voorgeslag van die huidige betrokkenes - verantwoordelik was vir die kruisiging van Christus. Die uiteinde van die sg. internasionale geldmag is af te lees uit die Bybel, in besonder in Openbaring.

‘n Realistiese siening van die rol van die internasionale geldmag word gewoonlik afgemaak as samesweringsmania, maar om die nuustoneel van vandag – plaaslik, nasionaal en internasionaal – in konteks te sien en iets daarvan te verstaan, is dit nodig om dit vanuit die hoek van hierdie internasionale geldmag te beskou. Lesers word aangemoedig om hieroor hul eie navorsing te doen en hul eie gevolgtrekkings te maak.

Bladsy 11 van 16

Barnard Bouers

wow kitsblits