ditsem website banner no 1 2017

Glybanier

-►Ditsem Nuus webwerf www.ditsem.net handhaaf tans sowat 21 000 besoekers per maand -►Matjila van OBK sê nou SAA mag moontlik geld leen -►Beweerde renosterstroper David Mahlobo nou Minister van Energie -►Internasionale besoekers aan Kaapstad groei 27% in eerste semester 2017 -►Adj-pres. Ramaphosa blykbaar moontlik volgende vir Zuma-valbyl
Gepraat van realpolitik, indien die term op die blanke vandag in Suid-Afrika toegepas word, kan ons kwalik beter doen as die volgende kommentaar deur die sosiale media ontvang: Twee berigte het my oog getref die afgelope naweek. Een oor die Suid-Afrikaanse vrou, Marleze Kruger wat glo “liefde” wil gaan soek by ʼn fees vir enkellopendes in Ierland, en die ander oor die jongste vlaag plaasaanvalle en -moorde in die land. Albei hou verband. Hierdie verband is misdaad en die openlike jag op wit mense terwyl ieder en ʼn elk – veral die hoofstroom Afrikaanse media - liefs anderpad kyk om politieke korrektheid ter wille te wees. Ook omdat ons al so afgestomp geraak het weens die dood en verminking van wittes die afgelope twee dekades dat dit ons byna nie meer raak nie. Hoe tragies dit ook al mag wees. Ja, RSG se nuusprogramme sal wel noem van ʼn plaasmoord, maar dit is waar dit begin en ophou. Druk twee boere egter ʼn vermeende plaasbetreder in ʼn kis, sal RSG kundiges kry om die saak in detail te bespreek, politieke ontleders (die gewone twee of drie) sal betrek word vir kommentaar, die naasbestaandes sal hul roerende stories vertel en die saak sal tot in die hof gevolg word. Die eie derms word sonder ophou uitgeryg: Hoe wreed is ons wit barbare tog nie! Soos met die KFC-saak. Netwerk24 kan nie uitasem genoeg vertel dat die ‘wit’ mans die swart vrou glo ʼn “swartgat” en ʼn “teef” genoem het nie. Hoe walglik van die wittes! Tog het ek nog nie een keer hierdie jaar oor RSG gehoor of op Netwerk24 gelees wat aan wit plaasboere gesê is voor hulle kele met kombuismesse afgesny is, vroue verkrag en dood gemartel is, ʼn vrou se hande en voete met ʼn boor deurboor is, mense gedwing is om kokende water en olie te drink (ens, ens) nie. Waarom nie? Dis ʼn skreiende skande. Waarom wil niemand ook reguit sê die geweldsaanvalle op boere word hoofsaaklik deur swart mans gepleeg nie? Ek sal dit vandag hier doen. Want dit is waar. Indien iemand van my verskil, sal ek hom aanraai om elke berig van net hierdie jaar te gaan lees (ja, selfs op Netwerk24), en kyk wie in hegtenis geneem is na van die moorde waar die aanvallers wel gevang is. Sou ek verkeerd wees as ek sê feitlik al die moordenaars is swart mans? Dit is jammer, maar dit is waar. Indien jy my verkeerd kan bewys, kom lê die bewyse aan my voor. Dit is die werklikheid in Suid-Afrika. Daar is ʼn slagting op massiewe skaal in Suid-Afrika aan die gang teenoor wit mense. Ons mag nie daaroor swyg nie. Ons mag nie daaraan gewond raak nie. Daar was die afgelope jaar 277 aanvalle waarin 55 mense dood is. Ek herhaal. Daar is 55 vermoor. Nadat baie van hulle gemartel en verkrag is. Maak asseblief toe jou oë. Sien 55 mense in jou geestesoog. Meestal ouerige, weerlose mense. Mans en vroue. Dan sien jy hierdie 55 dood in groot plasse bloed lê. Klink anders as mens so daaraan dink nè... Die vrou Marleze Kruger sê ook dat sy nie na Ierland wil gaan om te gaan liefde soek nie, maar hoofsaaklik om van die genadelose jagtog op wittes te ontvlug. Lees hier wat sy vertel: “My man is in 2003 in ’n motorkaping in Kempton Park vermoor. Ons het 11 dae lank gesoek voordat sy lyk gevind is. En dit was maar net die begin. “Ek is twee keer in afsonderlike voorvalle gekaap en is op Ballito se strand met ’n mes aangeval. “Ons het in 2008 Randburg toe getrek en binne vier maande was daar vyf voorvalle van inbraak en diefstal terwyl ons tuis was. “My ouers en seun is in hierdie tyd in hul huis van R150 000 beroof. “My oudste broer is in sy ruggraat gewond tydens ’n bankroof (waar hy net ’n kliënt was) en my jongste broer was ook die slagoffer van ’n kaping.” Klink dit nie na iets wat elke tweede mens jou deesdae kan vertel nie? Jammer sy het nie ook prontuit gesê wie die aanvallers in al die gevalle was nie. Waarom gryp geweldsmisdaad en plaasaanvalle my so aan? Dit was vir baie jare my werk aan daaroor berig te doen. Om die tonele te besoek. Natuurlik kan ʼn mens nie in ʼn berig skryf wat jy werklik gesien het nie. Soos dat bejaarde vroue soms so uitmekaar gekap word met grawe en kapmesse dat daar letterlik stukke van hul hande, arms en ander liggaamsdele deur die huis gesaai lê. Groot boeremans wat vasgebind en gesodomiseer word terwyl hul vingers en tone met ʼn tang afgeknip word. Mense wat in buite-plaastoilette verdrink word. Hierdie dinge het ek self gesien. Die lys is eindeloos. Dit is nie normaal nie. Dit is nie gewone misdaad nie. Veral plaasmoorde is haatmisdaad teenoor wittes. Dit is een van die ergste menseregte-vergrype wat op hierdie oomblik in die wêreld aangaan. As jong joernalis word jy geleer nuus is alles wat buitengewoon is. Nie noodwendig goeie of slegte dinge nie. ʼn Klassieke voorbeeld is dat duisende vliegtuie elke dag veilig die wêreld-oor land. Goeie nuus ja, maar nie werklik nuus nie aangesien dit normaal is. Die norm. Geweldsmisdaad en brutale plaasaanvalle in Suid-Afrika het nou oor twee dekades so gereeld gebeur dat dit byna die ‘norm’ geword het. Dit mag nie gebeur nie. Hou aan om daaroor te praat en te skryf, selfs al pla dit jou vriende. Indien mense wel ʼn probleem daarmee het, sou ek hulle aanraai om self die toneel van ʼn plaasmoord te besoek. Dan sal hulle besef dit is nie net ʼn storie in ʼn koerant of ʼn insetsel oor die radio nie. Dit is regte mense wat doodgemaak word. Mense met ouers en kinders, drome en ideale. Mense soos ek en jy.
Opslae is veroorsaak deur die nuus dat die TV kanaal ANN7 op DStv 405 en die koerant The New Age deur die maatskappy Lodidox van die omstrede Mzwanele Manyi gekoop is. Dit blyk egter dat “koop” nie die korrekte term is nie, aangesien die Gupta-familie as die verkopers die finansiering aan Manyi verskaf het om sg. die twee media te kan oorneem. Die transaksie het onmiddellik kras kritiek uit verskeie oorde ontlok en was bv. opposisiepartye en die Save SA-veldtog eenstemmig dat die sg. aankoop van die “propagandamasjinerie” van die Guptas niks anders is as “oëverblindery” en 'n “blatante front” nie. Albei hierdie media is berug vir die stroom anti-blanke retoriek wat dit voortdurend uitblaas en vir verbete pro-Zuma standpunte, terwyl Manyi bekend is as een van die voorste anti-blanke propagandiste in die land.
In die film Krotoa wat onlangs vrygestel is, word beweer dat Jan van Riebeeck 'n buite-egtelike verhouding met die Khoi-vrou genaamd Krotoa gehad het en dat hy haar by geleentheid verkrag het. Volgens die Facebookblad van die film is die vervaardigers Penguin Films in samewerking met KykNET, die NFVF en die DTI (Dept. van Handel en Nywerheid) en met Roberta Durrant as regisseur. Die hoofrolspelers is Crystal Donna Roberts as Krotoa en Armand Aucamp as Jan van Riebeeck, bygestaan deur Deon Lotz, Marcel van Heerden, Jacques Bessenger, Brendan Daniels, Roeline Daneel en Ernest St Clair. Op die Facebookblad sê die vervaardigers: Krotoa is geïnspireer deur ware historiese gebeurtenisse. As regisseur, het ek probeer om die feite en gevolgtrekkings oor haar lewe, deur verskeie geskiedkundiges, korrek weer te gee, maar steeds dramatiese vryheid toe te pas. In ‘n artikel in Volksblad van 2 Augustus 2017 deur Nadine Theron word gesê: Aucamp het vroeër gesê dat dit vir hom moeilik was om nie vir Van Riebeeck te veroordeel vir sy gedrag nie en hoe hy die verkenner van die Oos-Indiese Kompanjie goed moes navors om die rol te kon aanvaar. Ten einde seker te maak van die waarheid omtrent Van Riebeeck en hierdie Khoi-vrou, het Ditsem Nuus twee gerespekteerde geskiedkundiges genader nl. dr. Dan Sleigh en Marthinus van Bart, albei van Kaapstad. Hul onderskeie kommentare is, verkort, soos volg: Sleigh: Krotoa en haar kinders se bestaan is gedokumenteer in die VOC se nagelate dokumente, wat gratis en vrylik beskikbaar is in die Wes-Kaapse Argiefbewaarplek. Ek werk meer as vyftig jaar lank met die betrokke dokumente. Dit is die heel eerste keer dat ek van so-iets lees, en dit is in alle opsigte in stryd met my navorsing. Dit is onmoontlik om uit die bestaande bronne onbehoorlike gedrag af te lei, te vermoed of om tot so 'n gevolgtrekking te kom. Die verdraaiing is opsetlik. Van Bart: Dr. Dan Sleigh, wêreldkundige historikus oor die VOC-tydperk en hoogaangeskrewe opvoedkundige, se bekroonde roman Eilande handel juis oor Krotoa en haar mense in die tyd van die VOC. Daarin, soos in talle beskikbare outentieke bronne, is geen verwysing na enige vorm van seksuele misdryf of kriminele pedofilie wat Van Riebeeck met enige Koina-kind of wit kind sou gepleeg het nie. Ook is daar geen sweem van enige misdadige optrede deur hom wat sy waardige amp as goewerneur aan die Kaap die Goeie Hoop sou skaad nie. Van Riebeeck (1619-1677) was 'n hegte gesinsman wat sy vrou en kinders met die grootste liefde, respek en deernis behandel het. Die gelukkige en godvresende gesin het saam in die klein fortjie met sy min leefruimte gewoon. Dit sou onmoontlik vir Jan gewees het om onder daardie maatskaplik-huislike omstandighede enige onbetaamlikhede te pleeg. Buitendien het die VOC by hooggeplaastes geen oortreding, hoe ligtelik ook al, oor die hoof gesien nie en was summiere ontslag die enigste antwoord. Die belastering van die Afrikanergemeenskap se voorouers is 'n ou beproefde, bloedlose oorlogswapen, wat hand aan hand met die propaganda van die antagonis loop versluierde politieke ideologieë aan die lig bring. Die enigste kuur hiervoor is om vuur met vuur te bestry. Hierdie siening omtrent die waarheid rakende Jan van Riebeeck en Krotoa is onder die aandag van die vervaardigers van die film Krotoa gebring en hul kommentaar word tans nog afgewag.
Daar is met skok kennis geneem van die graad en wydverspreidheid van armoede onder blankes in Suid-Afrika, in besonder onder Afrikaners, met die sirkulasie op sosiale media van 'n verslag deur Daniël Lötter van Front Nasionaal oor die toestande in die Munsieville blanke plakkerskamp te Krugersdorp. Uittreksels uit die verslag getiteld Waar ‘n volk sy skaamte weggegooi het, lees soos volg: “Nog nooit in my lewe het enigiets wat ek moes skryf, soveel van my geverg nie, dis wat in Munsieville by Krugersdorp aangetref word. Dit was op ‘n tyd ‘n ashoop – ‘n plek waar mense vuilgoed weggegooi het. Nou is dit mense wat daar weggegooi is. “Bejaarde mans met verrimpelde hande. Kinders met groot oë… net oë waarin daar niks uitdrukking meer is nie. Kinders wat na dinge kyk sonder om in te neem wat hulle sien, want dinge rondom hulle is maar net daar, dit het geen nut nie. “Uit die maalkolk van die menslike gang aan die Gautengse Wes-Rand het hulle hier uitgespoel. Die man in die sinkhok – wat op ‘n afstand lyk soos die tipiese hok wat op ‘n boereplaas staan vir die werfhond. Maar dis ‘n mens wat daarin skuiling maak. “Die man wat geopereer is vir ‘n breuk, maar die wond is nou oop. 13 cm lank, 5 cm wyd en stinkend van die verswering van septisemie. ‘Het jy vir my pleisters gebring?’ vra hy ‘Ek gee hom nog ‘n week,’ sê die ou man wat saamloop. ‘Dis die vyfde een vanjaar. Hulle wonde raak septies en hulle sterf.’ “Nie ver daarvandaan is ‘n skuiling waarin twee bejaardes woon. Hulle het albei meer as 70 lewensjare agter die rug. In Zimbabwe was hy ‘n welvarende man, ‘n loodgieter. Maar hy is daar verdryf en hy kon nie sy voete hier weer vind nie. Die vrou lê. Sy het nie meer voetsole nie, die onderkant van haar voete is ‘n gistende wond. Maar die klinieksusters kom nie na hierdie plek toe nie. Sy moet gestut word om aan te sukkel tot waar ‘n taxi haar kan oplaai en by ‘n staatshospitaal gaan los. “En die klinieksusters is nie die enigste wat hier wegbly nie. ‘Die vrou daar oorkant se man is ‘n rukkie terug dood,’ sê die ouman wat saamloop. ‘Die predikante wou nie hierheen kom om te help nie. Ons het een van die swart pastore wat in die veld kerk hou gevra om hom te begrawe.’ “Tussen die klippe speel ‘n klompie kinders. Dis ‘n moedelose spel, sonder doelwit of rede. Hulle ken selfs die mees basiese vaardighede nie, want wanneer anders kinders leer om te tel deur ‘n ma wat sê: ‘Gaan haal vir my 3 eiers’ of ‘Hardloop gou kafee toe met hierdie R20 noot en koop ‘n brood. Kyk dat jy die regte kleingeld kry,’ leer hulle dit nie aan nie. Hier is selde drie eiers om te gaan haal en R20 is ‘n fortuin wat hulle nie ken nie. “Die kinders speel in Afrikaans, dis asof die woorde van hulle spel wegskram van hierdie verrotte aarde af. Dis nie ‘n taal wat jy op ‘n ashoop wil hoor nie. Daar is geen skaduwee nie, geen bome of struike nie, geen vrugbare grond vir groente nie, geen water om dit mee nat te maak nie. Dis net die glansende wit son bo hulle wat hierdie spel waarneem. En tog speel hulle… “Dit is die teenstrydigheid, die harde afbakening van realiteite wat ‘n mens die diepste tref wanneer jy hier loop. Die opslaankaia wat pynlik netjies en skoon is met die handgeskrewe kennisgewing langs die deur: ‘Hier klop jy voor jy inkom.’ Nie omdat daar iets in is om weg te steek nie – op hierdie ashoop van menslike verval kan niks weggesteek word nie. Maar omdat die enigste anker nog die laaste bietjie selfrespek en eiewaarde is. “Voor een van die skuilings staan ‘n lamlendige houtbankie met ‘n dogtertjie daarop. Die krulle van die ligbruin, toutjieshare kleef aan haar voorkop en laag in haar nek vas. Miskien is sy drie, dalk al ses. Sy is vuil met die vuilheid van baie dae en sy hoes terwyl sy klaend na haar ma roep. ‘Die ma is netnou hier weg saam met die Nigeriërs, sy sal terugkom met geld en kos vir die kleintjie na vanaand se kant toe,’ sê die ouman wat saamloop. “Wanneer sy vanaand terugkom sal sy oorstap na die saamgebondelde kaias en hop-huise waarin die swart inwoners van hierdie plek woon. Hulle het darem water en toilette. En daar sal sy ‘n kom water bedel om die stank van misbruik van haar liggaam af te was. Almal doen dit – want die lopende water en toilette wat hulle drie jaar gelede beloof is, het nog nooit gekom nie. “Sy sal haar liggaam daarmee was, maar die etterende sweer aan haar gees sal sy nie kan genees nie. Dit het al té stukkend geraak. En die dogtertjie sal volgende jaar 4 jaar oud wees, en dan 5 en dan 6 en niemand weet wanneer die eerste keer sal wees dat ‘n Nigeriër hom aan haar vergryp nie. Want daar is niemand wat dit sal kan keer nie. “‘n Mens ry nooit terug na ‘n ashoop om te gaan kyk wat het geword van die goed wat jy weggegooi het nie. En dit is dalk die verskriklikste aanklag van alles – niemand kom hierheen om te kyk wat het geword van sy broers en susters wat weggegooi is nie. “Ek ken my kollega, Lenel Cotty Wessels van Front Nasionaal, ‘n sakevrou, ‘n beplanner, ‘n doener, ‘n strateeg, maar toe sy my gisteraand bel kon ek hoor dat sy emosioneel hard getref is. Sy het gery na dié plek om te gaan kyk hoe lyk die realiteite van blanke armoede. En sy het ‘n kykie gehad in die ingangsportaal van hel op aarde….”
Die heksejag wat die ANC geloods het op sy LP’s wat teen die wantrouemosie in die Parlement gestem het, toon weereens net hoe diktatoriaal en korrup die beweging inderwaarheid is. Mense wat die passiewe korrupsie en staatskaping sien en nie daarmee kan saamleef nie, word vervolg, terwyl terselfdertyd hierdie groteske misdrywe goedgekeur word. Dit is net 'n beweging wat in sy wese terroristies is, wat so iets kan doen. Dit is 'n siening wat ons sedert die sewentigerjare huldig toe die ANC nog 'n verbanne organisasie was.
Syfers omtrent Moslems in Brittanje is onder die aandag van Ditsem Nuus gebring en terwyl dit geloofwaardig voorkom, is die gegewens nie geverifieer nie, trouens dit is te betwyfel of dit enigsins verifieerbaar is. Aangesien dit 'n aktuele onderwerp raak, word die syfers teen hierdie agtergrond weergegee en staan dit enigiemand wat verskil of dit betwyfel, vry om dit met konkrete feite andersins te bewys. Die syfers is die volgende: • Die burgemeesters van die volgende Britse stede en dorpe is almal Moslems: Londen, Birmingham, Barking, Leeds, Blackburn, Sheffield, Oxford, Luton, Oldham en Rockdale. • Daar is meer as 3 000 moskees in Brittanje. • Meer as 130 Moslem Sharia-howe en meer as 50 Sharia-rade funksioneer in Brittanje. • Daar is talle geen-toeganggebiede in Brittanje nie-Moslems. • Sowat 78% van Moslem-vroue in Brittanje werk nie en baat by gratis voordele en behuising en dieselfde geld ongeveer 63% van Moslem-mans. • Alle Britse skole bedien slegs Halaal-vleis. • Slegs 4 miljoen mense uit die Britse bevolking van 66 miljoen is Moslems.
Die krisis wat Kim Jong-un van Noord-Korea teen sy bure en die VSA aangeblaas het, veral met sy ooglopende uittarting van pres. Donald Trump, het paar grade afgekoel met die aanduiding van Jong-un dat hy nie nou 'n kernmissiel na die Amerikaanse eiland Guam sal afvuur nie. Dit kom nadat dit geblyk het Trump oorweeg ernstig 'n eerste-slaan (“first strike”). Tydens die krisis het Japan sy lugafweer, veral die vermoë om missiele te onderskep, skerp opgegradeer. Suid-Korea hoop intussen nog altyd op 'n verenigde, vrye Korea. China is die ander hoofrolspeler, wat 90% van die uitvoere van Noord-Korea hanteer, maar wat skepties is dat met sy lang Noord-Koreaanse grens 'n verenigde Korea vir hom 'n bedreiging sal inhou, veral as dit in die Amerikaanse invloedsfeer sou wees.
Die SAID is steeds onder druk om te verduidelik waarom 'n BTW-terugbetaling van sowat R70 miljoen in Junie vanjaar aan die Guptas gedoen is. City Press het onthul Moyane het 'n terugbetaling aan Oakbay, 'n Gupta-maatskappy, goedgekeur, ondanks teenkanting van SAID-werknemers wat gewaarsku het dit voldoen nie aan SAID-regulasies nie. Monyane, 'n stoere Zuma-ondersteuner, ontken enige onreëlmatigheid, maar daar is senior amptenare in die Tesourie en SAID wat volhou dit is korrupsie en deel van staatskaping.
Voortdurende berigte oor verwikkelinge binne die Mangaung Metrogebied dui feitelik daarop dat die munisipaliteit en daarmee saam dienslewering en infrastruktuur besig is om al dieper te sink. Daar is eenvoudig nie geld in die begroting om basiese dienste soos vullisverwydering, straatopgradering, water- en rioollekkasieherstel, instandhouding van stortingsterreine, ens. volhoubaar te doen nie. Daar is gereeld koerantberigte oor erwe van inwoners wat feitlik permanent onder rou riool is en rou riool wat in strate en stormwaterpype afloop. Eens die trots van die stad, die geskiedkundige Bloemfonteinse stadsaal, is deur stakende SAMWU-werkers tot op die grond afgebrand. Die opgradering van die hooftoevoerroetes tot Bloemfontein, Haldonweg (nou Walter Sisuluweg), staan al vir meer as twee jaar onvoltooid a.g.v. betalingsdispuut met die hoofkontrakteur. Die munisipaliteit het onlangs 'n hofbevel teen hom gekry om Phethogo Consulting as 'n firma wat instandhouding vir hom gedoen het, die verskuldigde bedrag van R36,5 miljoen te betaal. Die totale diensteskuld van die munisipaliteit beloop na raming sowat R4 miljard, hoewel hierdie syfer weens 'n gebrek aan amptelike syfers moeilik verifieerbaar is. Intussen skryf die ANC-beheerde metro op een slag R500 miljoen diensteskuld af, begroot R100 000 vir die begrafnis van 'n gestorwe raadslid en skep 'n nuwe metropolisiemag teen sowat R265 miljoen per jaar.
Minister in die Presidensie en kandidaat vir ANC-presidentskap Jeff Radebe het by 'n ANC saamtrek in Port Shepstone gesê die SA ekonomie “is in die hande van 'n paar wit mense, hoofsaaklik mans en dat derhalwe radikale ekonomiese transformasie nodig is. Die meeste van ons mense het nog nie ekonomies gevorder nie. Baie mense is ontevrede aan die gebrek aan transformasie in die ekonomie, wat weer ekonomiese groei belemmer, ongelykheid vermeerder en die meeste van ons mense marginaliseer.” Intussen is dit 'n feit dat die eggenote van Radebe, Bridgette, gereken word as een van die rykste vroue in die land. Sy is o.m. 'n direkteur van Sappi, voorsitter van Nabera Mining (Pty) Ltd, stigter en voorsitter van Mmakau Mining (Pty) Ltd, direkteur van die Leadership Foundation met uitgebreide mynbelange, voorsitter van die SA Minerals Development Association, president van die SA Mining Development Association, ‘n direkteur van Cast Mining and Construction (Pty) Ltd, voorsitter van International Women’s Forum SA en stigter van die New Africa Mining Fund. Sy is 'n suster van Patrice Motsepe, mynmagnaat en een van die drie rykste mans in SA, terwyl sy 'n sleutelrol speel in die formulering van die nuwe Mynbouhandves en ander nasionale wetgewing.
Bladsy 3 van 18

Ora betonwerke proef Sept 2017

Artistia Food

Renosterberg lodge