ditsem website banner no 1 2017

-►Gesoek vir aanranding in SA – Grace Mugabe -►Zim-boere begin internasionale eiseproses oor hul gesteelde grond -►Pierre Spies groet rugby – wil werk vir minderbevoorregtes -►All Blacks legende Colin “Pinetree” Meads sterf op 81 -►Toestande in blanke plakkerskamp by Munsieville, Krugersdorp, uiters haglik -►Steve Hofmeyr sing Die Stem nogmaals in Bloem

Bloemfontein is duidelik besig om in chaos te verval vanweë, eerstens, korrupte en rassistiese bestuur van die Mangaung Metroraad o.l.v. burgemeester Olly Mlamleli. Dit blyk dat personeelaanstellings in die munisipaliteit baantjies vir boeties behels en dat die SA Munisipale Werkersunie (SAMWU) so erg gewelddadig daarteen betoog dat die Glaspaleis geplunder word en dienslewering in groot dele van die stad so ontwrig word, dat dit tot stilstand gekom het. Raadsvergaderings is wanordelik en chaoties. Tweedens, is die metro munisipaliteit skynbaar tegnies bankrot, met leweransiers wat nie betaal word nie en hul dienste opgeskort het. Die munisipaliteit lewer self feitlik geen dienste meer nie en maak grotendeels van verskillende tipes kontrakteurs gebruik. Derdens, is daar klaarblyklik geen einde aan die SAMWU staking nie en is as gevolg daarvan infrastruktuur in die stad, soos straatherstel, sypaadjies, straatbeligting, aanwysingsborde, ens. besig om teen 'n spoed te verval. Hierdie ontwrigtings en verval het reeds oorgespoel na hoofsaaklik gegoede woonbuurte in die stad, soos Dan Pienaar, Heuwelsig, Langenhovenpark, ens. Die groot ironie van die hele situasie is dat die voormalige blanke woonbuurte van die stad vanaf Fleurdal, Uitsig, Fichardtpark, tot by Universitas, Westdene, Dan Pienaar, Langenhovenpark, Heuwelsig, Heliconhoogte, ens. feitlik uitsluitlik DA en in mindere mate VF Plus is, terwyl Batho en swart woongebiede van Bloemfontein, asook die swart massawoongebiede van Botshabelo en Thaba Nchu, feitlik uitsluitlik ANC en in mindere mate EFF is en dat dit is waar die ANC sy oorwig setels kry om die metroraad te regeer. Dit is ook uit hierdie DA-verteenwoordigde gebiede waar die metroraad grotendeels sy belastinginkomste trek.

Kommentators is wyd eenstemmig dat te midde van tonele van geweldige lyding en ontbering in die wêreld, die grootste humanitêre krisis besig is om sigself in Jemen af te speel. Dit het alles in 2011 begin toe die Houthi-minderheid in hierdie relatief arm land in gewelddadige opstand gekom het teen die internasionaal-erkende regering van Jemen met Abd Rabbuh Mansur Hadi, wat die meerderheid Sunni’s in die land verteenwoordig. Die Houthi’s is Moslem-ekstremisties en het oor die volgende vier jaar m.b.v. regeringsmagte wat na hulle kant toe oorgeloop het, daarin geslaag om die grootste deel van Jemen onder hul beheer te kry en het Hadi, wat 'n redelike onstabiele regering gelei het, landuit gevlug. In 2015 het die magtige buurstaat Saoedi-Arabië, wat onder Sunni-regering staan, saam met 'n aantal ander Arabiese bondgenote ingegryp en die Houthi’s met hoofsaaklik lugaanvalle omtrent landuit gebombardeer. Hierin is hulle vanweë strategiese redes gesteun deur die VSA en Brittanje en dit alles het gelei tot die grootskaalse verwoesting van Jemen en onbeskryflike menslike lyding. Tans is 70% van die bevolking van ongeveer 29 miljoen, d.w.s. 19 miljoen mense in dringende nood vir humanitêre hulp om te oorleef. Hiervan is meer as die helfte of sowat 10,3 miljoen mense in hongersnood en op die rand om om te kom.
Die derde terreuraanval in Brittanje in drie maande, veral die laaste twee die afgelope twee weke, het 'n skadu oor die Britse verkiesing op 6 Junie 2017 gegooi. In die eerste plek het die aanvalle volgens openbare meningspeilings die kanse vir die Tories van eerste minister Theresa May op sukses geknou, terwyl tweedens gevra word of dit veilig is om hoegenaamd 'n verkiesing te hou. Hoe dit ookal sy, May het gesê die verkiesing gaan voort, kom wat wil. Dit was opmerklik dat met die laaste terreuraanval op Londen Brug en Borough Market om 23:00 die aand, was die Britse polisie om 23:08 op die toneel en om 23:16 was die drie aanvallers doodgeskiet.
Minister van Toerisme Thokozile Xasa het met die begroting van haar departement in die Parlement aangedui dat ‘n bedrag van R120 miljoen per jaar vir vanjaar en die volgende twee finansiële jare is geoormerk om uitsluitlik opkomende swart besighede in die Toerismesektor te befonds. Terselfdertyd het die minister bekendgemaak dat 'n nuwe sg. B-BBEE webwerf ontwikkel gaan word om klein-, medium- en mikrogrootte swart besighede in die toerismebedryf te bevorder.
Minister van Handel en Nywerheid dr. Rob Davies het aangekondig dat die sg. Industrial Policy Action Plan (IPAP) van sy departement ingespan gaan word om sg. Radical Economic Transformation teweeg te bring. IPAP, wat weer deel vorm van die sg. Nine Point Plan om die landsekonomie na ‘n volgende vlak te neem, beloop sover vasgestel kan word sowat R60 miljard. In hierdie verband sê Davies: "In the simplest terms, Radical Economic Transformation means putting coherent initiatives together that can begin to shift the productive base of our economy away from the inherited colonial division of labour and create decent sustainable jobs - particularly for the most marginalised and vulnerable groups in our society. It means unequivocal and urgent support for programmes such as the Black Industrialists Programme, which are increasingly being strengthened and deepened, to ensure that ownership, management and control of the economy is increasingly in the hands of black people." In die groter prentjie wend die regering deur die kanaal van die Dept. van Handel en Nywerheid honderde miljarde rand belastingbetalergeld aan om die ekonomie ten gunste van SEB te transformeer. Vir 'n idee hiervan, volg hierdie skakel: https://www.idc.co.za/home/media-room/articles/859-eighth-ipap-requires-break-from-the-past.html
Met die algemene jaarvergadering van die ATKV gehou 23-24 Mei by ATKV-Buffelspoort het die uittredende besturende direkteur Japie Gouws die volgende opsommende oorsig oor die organisasie gegee: “Die ATKV vier vanjaar sy 87ste bestaansjaar, maar is veel meer as net die organisasie met 316 ATKV-takke landswyd en in Namibië en sewe gewilde vakansieoorde - ons missie en visie is om van Suid-Afrika ’n beter plek te maak, en ons beskou taal en kultuur as die ideale instrumente om persepsies te verander. Deur ons talle projekte landswyd bou die ATKV brûe tussen gemeenskappe met die gemene deler ’n liefde vir Afrikaans. Ons is bekend as die mees inklusiewe Afrikaanse kultuurorganisasie, nie net ten behoewe van Afrikaans-huistaalsprekers nie, maar ook toenemend tot voordeel van addisionele sprekers van Afrikaans. Die inklusiwiteit word ook gereflekteer in die samestelling van die 316 takke, waarvan 64% vir volwasse lede en 36% jeugtakke is. Sowat 52% van die takke bestaan uit geïntegreerde takke of takke uit bruin- en swart gemeenskappe.” Vir meer inligting, besoek www.atkv.org.za.
Al meer gevalle duik op van doodsdreigemente uit ANC-geledere teen lede met wie oor bepaalde beleidskwessies nie saamgestem word nie. 'n Tyd gelede het ANC-lid Fytjie Mentoor gesê dat sy doodsdreigemente vanuit ANC-geledere ontvang het omdat sy as fluitjieblaser opgetree het in die Zuma-Gupta-staatskapingsdebakel. Nou het ANC LP dr. Makhosi Khoza doodsdreigemente van die ANC Jeugliga in KZN ontvang nadat sy gesê het sy kan nie stem vir 'n “amoral leader” nie en pres. Jacob Zuma gekritiseer het. Die Jeugliga het mense aangemoedig om buite die huis van Khoza, 'n enkelouer met drie kinders, te betoog, asook haar naam op sosiale media versprei as 'n “vyand” wat geteiken moet word. Khoza het die dreigemente in 'n gedetailleerde brief aan ANC hoofsweep Jackson Mthembu uiteengesit, wat dit op sy beurt weer na Speaker Baleka Mbete en ANC sekretaris-generaal Gwede Mantashe verwys het.
In die begrotingsdebat van die Dept. van Staatsdiens en Administrasie in die Parlement het dr. Corné Mulder van die VF Plus op die volgende gewys: “In 1994 was die staat se salarisrekening slegs 5% van sy totale uitgawes, maar dit het nou toegeneem tot meer as 40%. Ewe kommerwekkend is die feit dat die nasionale Tesourie se aankope-afdeling bevind het dat daar 12 000 dooie mense op die register van maatskappye is wat sake met die staat doen. Dit is korrupte amptenare wat valse maatskappye met die oorledenes se besonderhede stig om kontrakte te bekom. Nog meer kommerwekkend is dat dieselfde kantoor bevind het dat daar 14 000 staatsamptenare is wat dien as direkteure van maatskappye wat kontrakte met die staat het. Dieselfde kantoor het ook bevind dat bedrog en kunsmatige prysaanpassings die staat 40% of R600 miljard aan goedere en dienste gekos het in 2016. ʼn Goeie voorbeeld is Nkandla waar meer as R262 miljoen bestee is, terwyl daar nie waarde van meer as R50 miljoen gevind word nie.”
DA-leier Mmusi Maimane het behoorlik die kat in die duiwehok van sy party losgelaat met die “skorsing” van Zille uit die party. Eers moes 'n regstelling uitgereik word dat Zille inderwaarheid nie geskors is nie, maar dat sy tyd het tot 6 Junie 2017 om redes aan te voer waarom sy nie geskors moet word nie. Tweedens het Zille teruggekap en gesê sy het geen DA-reël oortree nie en dat sy billike geleentheid gegun moet word om haar kant van die saak te stel. Dit gaan oor twiets van Zille waarin sy gesê het dat nie alles van kolonialisme was verkeerd nie. Een van die ironieë is dat die DA kommunikeer in Engels, 'n koloniale erfenis. Inmiddels word die vraag gestel of Maimane vir Zille offer ter wille van 'n moontlike koalisie met die EFF en 'n moontlike gematigde ANC-wegbreekfaksie.

Pres. Trump is tans op 'n 8-daelange buitelandse besoek, sy eerste as staatshoof en beginnende in Saoedi-Arabië. Aldaar het hy 'n wapenverskaffingsooreenkoms van $360 miljard met die Saoedi’s gesluit – meer as al die militêre hulp wat die VSA die afgelope 50 jaar aan Saoedi-Arabië verskaf het. Laasgenoemde is 'n Moslem-diktatuur wat Christene vervolg en die afgelope twee jaar vir onduidelike redes die demokratiese Jemen as 'n land tot 'n bouval gebombardeer en met lewensverlies van meer as 10 000. Daarom word die nuutste massale Amerikaanse militêre bystand bevraagteken. Op sy toer gaan Trump ook Israel, die Vatikaan, België (Navo) en Italië (G7) aandoen.

Bladsy 4 van 16

Barnard Bouers

wow kitsblits