Tinus Nortje Eiendomme proef April 2017.jpg

Die bekendmaking van die langverwagte verslag van voormalige Openbare Beskermer Thuli Madonsela oor beweerde staatskaping deur die Gupta-sindikaat het bevestig wat die meeste Suid-Afrikaners al lankal vermoed en geweet het, nl. dat pres. Jacob Zuma en die Gupta-gebroedsel betrokke is by massiewe korrupsie van staatsfondse en manipulering van selfs kabinetsaanstellings. Dit volg op uitgerekte politieke manuvreuring deur die Zuma-kamp en hofaansoeke oor en weer in ‘n poging om bekendmaking van die verslag te verhoed, wat egter uiteindelik tevergeefs geblyk het.

Die vernaamste bevindinge in die OB-verslag van 355 bladsye is die volgende:

  • Adjunk-minister Jonas is ‘n pos by die Gupta-familie aangebied in ruil vir uitvoerige gunste vir hul familiebesigheid.
  • Minister Van Rooyen – wat Minister Nene vervang het – het die Saxonwold-area waar die woning van die Guptas is, minstens sewe keer besoek voor sy aanwysing as nuwe Minister van Finansies, een waarvan was die dag tevore.
  • Gedurende die tydperk 2 Augustus 2015 tot 22 Maart 2016 het uitvoerende hoof van Eskom Brian Molefe vir Ajay Gupta altesaam 44 keer gebel, terwyl Gupta vir Molefe 14 keer geskakel het.
  • Die aanstelling van die Eskom-raad was onbehoorlik.
  • Zuma en die uitvoerende gesag het nagelaat om beweringe van Vytjie Mentor asook van Themba Maseko te verifieer en dit geld ook die beweerde knus verhouding tussen Brian Molefe en die Guptas.
  • Zuma en ander kabinetslede het onregmatig ingemeng in die verhouding tussen banke en Gupta-maatskappye.
  • Zuma het onregmatig en in verbreking van die Uitvoerende Etiese Kode sy posisie of inligting aan hom toevertrou, misbruik om homself en Gupta-besighede te verryk, terwyl hy aan sy seun voorkeurbehandeling gegee het in die toekenning van staatskontrakte, besigheidsfinansiering en handelslisensies.
  • Die burgers van SA is benadeel deur die gedrag en optrede van Zuma deurdat hy in gebreke gebly het om die Jonas-beweringe te laat ondersoek.
  • Die besoek van Minister van Minerale Hulpbronne Mosebenzi Zwane aan Switserland vir samesprekings met die Guptas was onbehoorlik.
  • Die toekenning deur Eskom van steenkoolkontrakte aan die Gupta-beheerde maatskappy Tegeta was onregmatig.
  • Regeringsadvertensies is opsetlik gekanaliseer na die Gupta-koerant The New Age.
  • Zuma het moontlik sy wetlike pligte versuim deur nie al hierdie aangeleenthede te ondersoek het nie of daarteen opgetree het nie.

In haar verslag het Madonsela nie aanbeveel dat Zuma bedank nie, maar instede aanbeveel dat Zuma ʼn kommissie van ondersoek onder toesig van ʼn hoofregter aanstel om al die beweringe in die verslag te ondersoek. Vir doeleindes hiervan moet die Nasionale Tesourie toesien dat die kommissie die nodige hulpbronne ontvang. Die regter van die kommissie van ondersoek mag sy of haar eie personeel aanstel en vir doeleindes daarvan het die kommissie dieselfde magte as die OB.

Die kommissie moet binne 180 dae verslag met voorstelle aan Zuma lewer en hy moet dan binne 14 dae aan die Parlement verslag doen. Madonsela beveel voorts aan dat die Parlement binne 180 dae die Uitvoerende Etiese Kode moet hersien. Die OB moet ook enige moontlik onwettige optrede wat deur die ondersoek ontbloot word, onder aandag van die NVG en Valke bring.

Die OB moet implementering monitor van regstellende stappe wat betref die staatskapingverslag, terwyl die sekretaris van die Parlement en die DG van die Presidensie aan die OB moet verslag doen oor die implementering van die regstellende stappe.

Dit is dus ‘n hele proses wat Madonsela voorstel en wat waarskynlik oor ‘n kwessie van maande uitgevoer gaan word, wat beteken dat die Zumas en die Guptas tyd gaan hê om te hergroepeer en hul verdedigingslinies te reorganiseer. Hoewel Madonsela haar verslag versigtig bewoord het en nie skerp stellings gemaak het nie, dui oorweldigende omstandigheidsgetuienis daarop dat sy ‘n katnes ontbloot het van staatsmisdaad ongeëwenaard in die geskiedenis van SA.

In enige demokratiese land wat sy sout werd is en waarin openbare verantwoordelikheid hoog aangeslaan word, sou die staatshoof onder hierdie omstandighede, onmiddellik moes bedank en krimineel aangekla word. Weens ‘n kombinasie van redes gaan SA egter waarskynlik nog onbepaald in hierdie regeringsgemors sit.

Inmiddels het op die dag van die bekendmaking van die OB-verslag woede teen die Zuma-situasie oorgekook. In Pretoria het die sg. Save South Africa’s Peoples’ Assembly Against State Capturein ‘n volgepakte St. Alban Anglikaanse katedraal byeengekom in ‘n sonderlinge alliansie van uiteenlopende organisasies, instansies en individue en ‘n eendragtige oproep gedoen vir die onmiddellike bedanking van Zuma. Onder die aanwesiges was Paul Mashitile, ANC-leier in Gauteng, Musi Mmaimane, DA-leier, die Kommunistiese leierskap, geestelikes, regsgeleerdes, vakbondleiers, ens.

Die EFF het ‘n gewelddadige massa-protesoptog na die Uniegebou probeer, maar is deur die Polisie met geweld verdryf, waarna hulle winkels en strate geplunder het en die standbeeld van Paul Kruger gevandaliseer het. Die nasionale uitvoerende komitee van die ANC het intussen aangedui dat dit die komende naweek oor die impak van die verslag sal vergader.

Oor die algemeen kan die huidige politieke opset in SA ten beste beskryf word as in ‘n warboel. Eerstens is daar baie persone in die Zuma-dampkring – kabinetslede, senior staatsamptenare, premiers en sakelui – wat òf bewus was van die wydverspreide korrupsie of daarin betrokke was en wat op een of ander wyse verantwoording sal moet doen. Tweedens word wyd aangedring op die onmiddellike bedanking van veral drie ooglopende Zuma-meelopers, nl. Shaun Abrahams (NVG), lt.genl. Berning Ntlemeza (Valke) en Tom Monyane (SAID).

‘n Sleutelvraag op hierdie stadium is, wie gaan instaan vir die regskoste van Zuma van miljoene rand – die belastingbetaler of hyself?

Die groot ligkant van hierdie donkere wolk is dat wat beskryf kan word as die goeie in SA, besig is om die oorhand oor die bose te kry. Daarvoor het baie Christene lank gebid en bid hulle steeds. 

In ‘n mediaverklaring sê die Nasionale Konserwatiewe Party dat in samewerking met Miljoen stemme vir Steve alle organisasies, besighede en individue genooi word om ‘n Eenheidsberaad op 25 Februarie 2017 by die NG Kerk h/v Dickensonlaan en Trumperstraat, Waverley, Pretoria, by te woon.

Die mediaverklaring lui voorts soos volg: “Dit het nou noodsaaklik geraak dat op alle gebiede eenheid bereik moet word, daar is baie duplisering van aksies en dat organisasies nou eerder onder een sambreel hulle take moet verrig om ons Afrikanervolk weer op te hef. Dit kan die volgende insluit maar nie beperk daartoe nie.: Die strukturering van ‘n oorkoepende liggaam en hoe dit bereik kan word / Planne beraam om ons volk te herenig / Ons volk beveilig en eiendom beskerm / Maniere ondersoek om ons volk op te hef, insluitende selfhelp en werkskepping / Moedertaalonderwys en –onderrig / Selfbeskikking en hoe dit bereik kan word.” Daar sal ook ʼn bywoningregister wees met ‘n registrasiefooi van R100, wat ‘n vingerete en basiese skryfbehoeftes insluit. Registrasievorms is beskikbaar by Hierdie e-posadres word van Spambotte beskerm. Jy moet JavaScript ontsper om dit te lees.. Vir meer besonderhede, kontak Trevor Stumke by 012 546 7370 ofHierdie e-posadres word van Spambotte beskerm. Jy moet JavaScript ontsper om dit te lees..

In een van die sterkste uitsprake nóg oor rassekwotas het die Appèlhof op 2 Desember 2016 bevind dat rassekwotas ongrondwetlik en irrasioneel is. Dit was in ‘n saak waarin die Minister van Justisie en Konstitusionele Ontwikkeling en die Meester van die Hooggeregshof die appèllante was, terwyl Solidariteit, verskeie verenigings wat namens besorgde insolvensiepraktisyns opgetree het en die Vereniging van Regslui vir Afrikaans (VRA) die respondente was. Die saak het gehandel oor ʼn beleid oor die aanstelling van insolvensiepraktisyns wat die Minister Februarie 2014 in die Staatskoerant gepubliseer het en wat erge bepalings bevat het oor onbillike kwotas vir verskillende rasse in die werksplek. In reaksie sê Dirk Hermann, bestuurshoof van Solidariteit: “Dit is ʼn baie ernstige aanklag teen ʼn regering wat wil hê dat rassisme deur wetgewing tot misdaad verklaar moet word.” In hul uitspraak het regters Mathopo, Mpati, Swain en Van der Merwe bevind dat hierdie beleid en stelsel ongrondwetlik en irrasioneel is en het dit onwettig en ongeldig verklaar. ʼn Kostebevel is teen die Minister en die Meester.”

In ‘n mediaverklaring sê die Vereninging van Regslui vir Afrikaans (VRA): “Dit het tot ons kennis gekom dat die National Forum wat tans aandag gee aan die samestelling van die Legal Practice Council (LPC) wat kragtens die Legal Practice Act 28 van 2014 tot stand moet kom, oorweeg om by die Minister van Justisie aan te beveel dat die LPC ooreenkomstig streng ras- en geslagskwotas saamgestel moet word. Terwyl ons van mening is dat die samestelling van nasionale liggame soos die toekomstige Legal Practice Council die demografie van die land moet verreken, is ons sterk gekant teen die idee dat ʼn rasse- of enige ander kwota as beginsel aangewend word in die samestelling en verkiesing van die LPC. Sodanige kwotastelsel is klaarblyklik strydig met die Wet self en met die Grondwet en druis in teen die vrye uitoefening van keuse in ʼn demokratiese verkiesing. Instede daarvan behoort ʼn gesonde en buigsame formule eerder as gewraakte kwotas aangewend te word.” Vir meer besonderhede, kontak Tiaan van Dyk van die VRA by 082 825 8876.

Donald Trump is enkele ure weg daarvan om as 45ste president van die VSA ingehuldig te word, maar rondom hom woed nasionale sowel as internasionale storms soos waarskynlik nooit tevore in die Amerikaanse geskiedenis nie.

Behalwe vir die politieke teenkanting en betogings teen sy inhuldiging, moes Trump die afgelope week ‘n geweldige propaganda-aanslag van die Nuwe Wêreldorde en hul media, soos CNN, afweer, wat hom beskuldig het van sameswering met die Russiese regering en van seksuele eskapades. Hierdie aanslag het egter gesneuwel omdat geen tasbare feite op die tafel geplaas kon word nie.

Erger as hierdie teenstand is egter die feitelike berigte dat die Amerikaanse veiligheidsdienste ontsettend versplinter is, met o.a. die CIA wat in drie magtige faksies verdeel is en wat mekaar in die praktyk dikwels opponeer. Daarby is daar dikwels geen samewerking met die Pentagon / Dept van Verdediging en die Homeland Security departement nie en ook dikwels veg hulle teen mekaar soos wat die geval in Sirië was en steeds is, asook in ander wêrelddele. Die werklike verhaal is ‘n riller om te lees, maar hierdie skakel verskaf ietwat meer besonderhede.

Nog ‘n mega storm waarna die nuwe Trump-administrasie sal moet handel, is die nuwe Amerikaanse weermagsbegroting wat Republikeinse senator John McCain ten bedrag van $640 miljard pas ingedien het - $54 miljard meer as wat die Obama-administrasie beplan het. Daar word gesê dat die VSA nodig het om sy verdediging op te gradeer, maar dan word gevra of dit werklik nodig is teen hierdie duiselingwekkende bedrag, veral gegee die bestaande astronomiese skuldlas van die Amerikaanse regering. 

http://beforeitsnews.com/r2/?url=http://themillenniumreport.com/2017/01/exposed-cia-the-swamp-monsters/

Veral twee wetsontwerpe bedreig vryheid van die gewone burger in SA soos nooit tevore nie, nl. die Wetsontwerp op Haatspraak en die Wetsontwerp op Kubermisdade en –sekuriteit. Dit is veral eersgenoemde wetsontwerp wat ‘n ongekende gevaar vir godsdiensvryheid inhou in die sin dat die definisie van haatspraak so wyd is dat dit bv. ‘n uitlating deur iemand dat volgens die Bybel homoseksualisme verkeerd is, dit as haatspraak geklassifiseer en gekriminaliseer kan word met selfs tronkstraf in geval van skuldigbevinding.  

Die wetsontwerp tas godsdiensvryheid soos in die SA Grondwet verskans, wesentlik aan. Dit is benewens die ooglopende agterliggende verdere doel van die Wetsontwerp om kritiek van blankes teenoor swart mense as haatspraak te klassifiseer. Openbare kommentaar en besware kon gelewer word tot en met 31 Januarie 2017 en vir doeleindes daarvan kan gerus www.forsa.org.za besoek word.

Die wetsontwerp op kubermisdaad en-sekuriteit beoog om “kwaadwillige kommunikasie soos ‘n data-boodskap waarvan die verspreiding skade kan aanhits of veroorsaak aan ‘n persoon of groep of sy / hul eiendom wat sonder die betrokke persoon of groep se toestemming aanlyn versprei word. Weereens is die formulering baie wyd en dus oop vir skadelike subjektiewe vertolking en toepassing. Vir meer besonderhede besoek www.justice.gov.za

Sedert pres. Jacob Zuma met die ASNC 105-jarige viering in Soweto op 8 Januarie aangekondig het dat die ANC deur die regering vanjaar radikale ekonomiese transformasie gaan versnel deur die aanvaarding en toepassing van die Wetsontwerp op Onteiening, is daar opvallende angstigheid onder talle swartmense dat die tyd vir grondgryp en uitdrywing van blankes uit die hoofstroom ekonomie aangebreek het. Zuma het sy aandrang herhaal by ‘n verdere ANC-viering te Burgersfort, Limpopo, op 22 Januarie en bygevoeg: “Die ANC is aan die mense se kant en God aan die ANC se kant. Ons kan nie verloor nie.” Wat duidelik hierdeur aangeblaas word, is ‘n haatveldtog teen blankes en in effek propagering van die beweerde regverdiging vir ‘n burgeroorlog.

Dit is ongelooflik om te ervaar hoe DStv kanaal 405 van ANN7 wat onder eienaarskap van die veelbesproke Gupta-familie is, feitlik 24/7 haatspraak teen blankes pomp. In nuus en kommentaar word voortdurend gewys op die sg. immoraliteit van “white monopolistic capitalism” wat die rede sou wees vir die verontregting van swart mense in die land ook veral oor die afgelope 22 jaar. Dit word uitgesaai aan die hand van onderhoude wat TV-aanbieder Sindy Mabe met paneellede voer en waar ‘n paneellid dikwels tot 15 minute per spreekbeurt kry om erge haatspraak teen blankes uit te rammel, soos dat swart mense onmiddellik grond en eiendom van blankes moet oorneem sonder vergoeding en die blankes uit die land verdryf. Een van die paneellede wat gereeld gebruik word, is die verbete swart aktivis Andile Mngxitana, wat deur en deur kwalifiseer om vir haatspraak aangekla te word. 

Na berig word, is Vodacom van plan om aandele ter waarde van sowat R15 miljard van die Openbare Beleggingskorporasie (OBK) oor te koop en dit in ‘n afsonderlike swart bemagtigingsmaatskappy te noteer. Vodacom wil blykbaar ‘n gedeelte van die belang van die OBK van 12,4% in homself terugkoop en word onderhandelinge daaroor tans gevoer. Indien die transaksie realiseer, kan dit een van die grootste SEB-transaksies nóg in SA wees. Die markwaarde van Vodacom op die JSE word op sowat R225 miljard geraam. Verlede jaar het MTN ‘n SEB transaksie geloods ter waarde van R9,9 miljard. In reaksie op die jongste Vodacom-aankondiging, sê Solidariteit dit het ʼn skrywe aan Vodacom gerig waarin meer duidelikheid gevra word oor die voorgenome transaksie, een van die grootstes van sy soort in die SA geskiedenis en wys dan daarop dat Vodacom reeds in 2008 ʼn SEB-transaksie ten bedrae van R7,5 miljard aangegaan het t.b.v. YeboYethu Limited. Volgens Solidariteit “sluit hierdie tipe transaksies klaarblyklik persone wat nie as swart geklassifiseer word nie, uit sekere SEB-aandeleskemas uit en dit kan met die oneweredige toekenning van aandele volgens ras in werknemersaandeleskemas (ESOPs) gepaard gaan - iets waaroor Solidariteit bekommerd is.”

Nog selde in die geskiedenis het een man in vredestyd so ‘n praktiese impak in die wêreld gemaak as Amerikaanse president Donald Trump sedert sy inhuldiging op 20 Januarie vanjaar. Die inhuldiging self is letterlik wêreldwyd op TV gevolg en is gekenmerk deur die besliste Christelike inslag daarvan. Hoewel verskil word oor die presiese grootte van die skare wat die inhuldiging bygewoon het – in die omgewing van een miljoen – het anti-Trump gewelddadige betogings in verskeie Amerikaanse stede voorgekom en selfs ook in talle lande. Trump het geen gras onder sy voete laat groei nie en reeds ‘n hele reeks uitvoerende opdragte (executive orders) uitgereik ter uitvoering van sy verkiesingsbeloftes en wat ingrypende invloed het, nie net in die VSA nie, maar ook wêreldwyd. Die eerste buitelandse leier om Trump te besoek, was Britse eerste minister Theresa May, terwyl Trump ook reeds telefonies gesprek gevoer het met pres. Vladimir Putin van Rusland. Oor die algemeen is dit duidelik dat Trump ‘n nuwe era van behoudendheid en nasionalisme inlui.

Bladsy 5 van 12

Tridor.jpg

Fabricia proef Maart web 2017.jpg

Die potensiële skadelikheid van die voorgestelde Wetsontwerp op die Regulering van Landbougrondbesit word in 'n... http://fb.me/6u2XvqRsc     https://www.facebook.com/KimPrint-General-Printers-990694727706008/?fref=ts … http://fb.me/38IJKAb0D     Franse Ope: Maria Sharapova nie gekeur nie; Roger Federer onttrek t.w.v. Wimbledon    Paarl Boys High sit Grey Bloemfontein ore aan en bly beste skoolrugbyspan in die land    Naspers betaal R5,6 miljard vir aandeel in Duitse aanlyn kosbestellingsdiens Delivery Hero    Discovery Health in 2016 eiesestyging van 10,4% tot R36,6 miljard, maar premie-inkomste R54 miljard    Die boek The Republic of Gupta – A Story of State Capture gooi meer lig op Guptas in SA en verhouding met Tabo Mbeki    Trump onder skoot van NWO oor vriendelikheid jeens Rusland, met Putin skynbaar ook anti-NWO       DAG 3 @afriforum in hof #GodsdiensInSkole hofsaak @solidariteit @fedsas1 @Jaco_Deacon @SolidariDirk #religioninschoolspic.twitter.com/yfnjwdDAVi    Mei uitgawe van Ditsem Nuus is uiteindelik hier!! Laai die PDF hieronder af, of gaan na ons webwerf... http://fb.me/8BUPW3t9P              Blitsbokke wen Sewes Wêreldkroon 2017!    Ditsem Nuus druk nou 5 000 koerante maandeliks plus aanlynpublikasie    Voorbidding gevra vir saak Christelikheid in skole – Mei 2017 in Suid-Gautengse hooggeregshof    Met oorwinning oor Haaie wys Kings hulle moet in Super-reeks bly    Venezuela in wanorde teen gevolge van “radical economic transformation”    Pro-EU Macron nuwe Franse president; nasionalistiese Le Pen uitgeknikker

ATKV