ditsem website banner no 1 2017

Glybanier

-►Ditsem Nuus webwerf www.ditsem.net handhaaf tans sowat 21 000 besoekers per maand -►Matjila van OBK sê nou SAA mag moontlik geld leen -►Beweerde renosterstroper David Mahlobo nou Minister van Energie -►Internasionale besoekers aan Kaapstad groei 27% in eerste semester 2017 -►Adj-pres. Ramaphosa blykbaar moontlik volgende vir Zuma-valbyl
Die SAPD Noord-Kaap het die direktief van 2016, dat alle verklarings in die provinsie slegs in Engels afgelê mag word, herroep. Dit volg op druk deur Solidariteit en Pasat, wat gedreig het om die saak na die hooggeregshof te neem.
Die ware betekenis van SEB kan ons nie beter saamvat as in de volgende aanhaling van Adrian Rogers, in lewe 'n gesiene Amerkaanse pastoor: "You cannot legislate the poor into prosperity, by legislating the wealthy out of prosperity. What one person receives without working for, another person must work for without receiving. The government cannot give to anybody anything that the government does not first take from somebody else. When half of the people get the idea that they do not have to work, because the other half is going to take care of them and when the other half gets the idea that it does no good to work, because somebody else is going to get what they work for, that, my dear friend, is the beginning of the end of any nation. You cannot multiply wealth by dividing it."
Die uitkoms van die sensuur van die DA op Helen Zille vanweë haar twiets oor kolonialisme is besonder insiggewend i.t.v. die SA politieke konteks. In die eerste plek het leier Mmusi Maimane en die party hulself in die voet geskiet met die storm in die teekoppie oor menings oor kolonialisme wat eintlik eenvoudig waar is. Al loop die leuen hoe snel, die waarheid haal hom wel. In die tweede plek het Zille, met 'n baanrekord van verbete en beginselvaste politikus of jy met haar saamstem of nie, met haar onvoorwaardelike verskoning en knieval voor die leier, 'n streep deur haar lewenslange reputasie getrek. Derdens is dit insiggewend dat Zille eens 'n ultra-linkse aktivis nou deur die bank as 'n verregse gebrandmerk word – 'n aanduiding hoe ver die pendulum oor die SA politieke spektrum geswaai het.
Volgens nuwe regulasies pas afgekondig deur Minister van Handel en Nywerheid Rob Davies in die Staatskoerant van 9 Junie 2017 word die vereistes vir swart ekonomiese bemagtiging (SEB) aansienlik uitgebrei en word die drempel van besighede en transaksies wat vir SEB moet registreer, drasties verlaag vanaf R100 miljoen tot R25 miljoen. Ook moet alle sg. breë-gebaseerde swart ekonomiese bemagtigingstransaksies binne 15 dae geregistreer word met volle opgawe van detail. Die regulasies is ook met terugwerkende krag, terwyl swaarder strawwe voorgeskryf word vir oortredings. Die nuwe regulasies tesame met ander verwante wetgewing maak dit al hoe moeiliker vir blanke sakelui om besigheid te doen sonder SEB en dit aan die hand van 'n ingewikkelde telkaart. Die nuwe regulasies is verwelkom deur die sg. Broad-Based Black Economic Empowerment Commission (B-BBEE Commission). Sakelui word aangeraai om hulself op hoogte te stel van die nuwe regulasies – vir meer besonderhede, gaan na https://bbbeecommission.co.za/wp-content/uploads/2017/06/Explanatory-Notice-1-of-2017-B-BBEE-Transactions-Registration.-13-June-2017.pdf
Minister van Polisie Fikile Mbalula het behoorlik die knuppel in 'n reeds erg verdeelde ANC-hoenderhok ingegooi met twiets dat Vrystaatse premier Ace Magashule 'n ramp sou wees as die volgende sekretaris-generaal van die party en dat Gauteng premier David Makhura eerder die ideale kandidaat vir die pos sou wees. Dit volg op die bekendmaking 'n paar dae gelede deur die ANC Jeugliga van die volgende persone as hul kandidate vir die top ANC-leierskap: Nkosazana-Dlamini Zuma as president, David Mabuza (Noordwes premier) as adjunk president, Ace Magashule as sekretaris generaal, Nathi Mthethwa (Minister van Kuns en Kultuur) as nasionale voorsitter, Jesse Duarte as een adjunk- SG en Fikile Mbalula as die ander adjunk-SG en Maite Nkoane-Mashabane (Minister van Internasionale Betrekkinge) as tesourier-generaal. Dit wys hoe diep die verdeeldheid in die ANC loop en is verbasend dat Mbalula so bereid is om sy kop uit te steek. Hy het nie aangedui of hy Ramaphosa as presidentskandidaat steun nie, maar dit lyk tog of dit afgelei kan word. Die kandidatelys van die Jeugliga, wat Zuma-lojaliste is, toon ook 'n lyn tussen radikales en gematigdes in die ANC.

Die regerende Lesotho Congress for Democracy (LCD) van premier Pakalitha Mosisili in Lesotho het in die algemene verkiesing wat pas gehou is met 30 setels die onderspit gedelf teen die All Basotho Convention (ABC) van Tom Thabane met 48 setels. Dit is egter nog nie genoeg vir 'n volstrekte meerderheid nie en is die ABC, die Alliance for Democracy, die Basotho National Party en die Reformed Congress of Lesotho samesprekings betrokke, Lesotho was die laaste paar jaar deur onstabiliteit en militêre inmenging in die politiek geteister en terwyl die land skynbaar ná die verkiesing rustig is, het die SA Dept. van Internasionale Betrekkinge 'n waarskuwing uitgereik dat 'n staatsgreep in Lesotho nie geduld sal word nie. Intussen word die uitslag van die inter-party beraadslagings afgewag.

Daar kan stellig verklaar word dat daar nie een munisipaliteit in die Vrystaat is wat nie deur korrupsie, onkapabelheid en nepotisme in chaos en disfunksionaliteit “bestuur” is nie. Die feite omtrent die Xhariep Distriksmunisipaliteit wat pas aan die lig gekom het, bevestig hierdie feit.

Die munisipaliteit, gesetel in Trompsburg, sluit in die plaaslike munisipaliteite van Letsemeng, Kopanong, Mohokare en Naledi. Die munisipale bestuurder is volgens die burgemeester op spesiale verlof geplaas nadat hy in een maand na bewering onregmatig sowat R300 000 bykomend tot sy salaris aan homself uitbetaal het. Die burgemeester het dit in 'n verskyning van die munisipaliteit voor die Vrystaatse Wetgewer se Komitee oor Openbare Rekeninge in Philippolis bekendgemaak.

Hierop het Wouter Wessels, VF Plus lid van die Wetgewer daarop gewys dat Xhariep die armste munisipale streek in die Vrystaat is en dat hy reeds finansiële steun van die provinsiale regering ontvang, maar dat sy salarisrekening 'n allemintige 80% van sy begroting bedra.

Tans is groot gebeure in die wêreld besig om af te speel - geskiedenis wat gemaak word - en wat onvermydelik ook die lewens van mense in SA gaan raak, in sonderheid Afrikaners. Die Britse verkiesing op 8 Junie het dramaties ontvou toe die Tories van eerste minister Theresa May veel swakker gevaar het as wat hulle gehoop het, terwyl die Arbeiders onder Jeremy Corbyn bo verwagting goed gevaar het. Die uitslag met die Tories op 318 setels en die Arbeiders 261 verkeer dus grootliks in ‘n skaakmatsituasie.

In die VSA woed 'n stryd om lewe en dood rondom pres. Donald Trump. Dit lyk of hy glad nie dieselfde pad loop as die Nuwe Wêreldorde (NWO) wat streef na wêreldoorheersing deur ekonomiese mag en tegnologiese beheersing binne afsienbare tyd nie. Dit lyk of president Vladimir Poetin van Rusland dieselfde siening huldig en dat dié twee dus aansluiting by mekaar probeer vind. Terselfdertyd steek nasionalisme al meer sy kop uit, soos bv. met Brexit.

Dit sou beteken 'n radikale herrangskikking van die tradisionele wêreldorde van die Weste vs Rusland en China en verskuiwing na nasionalisme vs globalisme. Daarom probeer die NWO baie hard om Trump te ontspoor deur sy skynbare uitreiking na Poetin in 'n negatiewe lig te stel en boonop te bewys dat aan die hand van getuienis van voormalige CIA-direkteur James Comey dat Trump sou gelieg het oor skakeling met Rusland.

Die VSA is in om homself verdeeld, met aanduidings dat bv. 99% van die State Department en 97% van die Justice Department verlede jaar gekant was teen die verkiesing van Trump. Dit wys net hoe Trump moet spook om sy beleidsveranderinge deur die Amerikaanse regeringstrukture gestuur en geïmplementeer te kry.

In Europa het Angela Merkel gekies ten gunste van globalisme en prontuit gesê dat die VSA en Brittanje nie meer as betroubare bondgenote beskou kan word nie. Ander EU-leiers het gesê die VSA is nou “'n groter gevaar as Rusland en China”.

China tree al meer as 'n wêreldmoondheid op, maar sukkel intern met grootskaalse werkloosheid, 'n brose Kommunistiese regeringstruktuur en selfs toenemende Christelike bekerings onder sy bevolking.

Hierdie is slegs enkele verfstrepe om aan te dui dat die wêreldtoneel vinnig besig is om ongekend te verander.

Die burgemeester van die Mangaung Metro Munisipaliteit Olly Mlamleli (vroulik) het tydens 'n begrotingsdebat in die metroraad gesê: “Our budget is for the poor and you are black because you are poor and poor because you are black. White people are white because they are cheaters and cheaters because they are white. White people are also rich because they are white. White people have stolen the land of black people.” Die DA het daarop aangedring dat Mlamleli haar stelling terugtrek en het haar 'n “rassis” genoem, waarop sy aanvanklik geweier het om terug te trek, maar dit wel later op aandrang van die speaker gedoen het, hoewel nie in soveel woorde nie. Inmiddels het AfriForum vir Mlamleli by die MRK aangekla vir rassisme en haatspraak.

Die provinsiale bestuur van die Noord-Kaap SAPD het op 5 September 2016 'n direktief aan alle Polisiekantore uitgereik dat alle verklarings van die publiek voortaan slegs in Engels afgelê moet word. Polisiebeamptes moet ook alle verklarings wat in Afrikaans afgelê word, in Engels vertaal. Polisielede wat nie hierdie opdrag gehoorsaam nie, kan dissiplinêr aangekla word. In reaksie hierop het Solidariteit 'n aansoek by die Noord-Kaapse Hooggeregshof in Kimberley ingedien dat hierdie direktief van die NK SAPD tersyde gestel word. aangesien dit indruis teen die taalbeleid van die SAPD en die Grondwet. Boonop wys Solidariteit daarop dat 53,8% van die Noord-Kaapse bevolking Afrikaans as eerste taal verkies, terwyl 33% van die bevolking Tswana praat. Daarom maak dit Engels as voertaal irrasioneel, onprakties en minagtend.

Bladsy 6 van 18

Ora betonwerke proef Sept 2017

Artistia Food

Renosterberg lodge