adendorff bannier

Terwyl suiwer haatspraak teen blankes voortstroom uit DStv kanaal 405 van ANN7 en ander bronne, sê pres. Zuma dat teenkanting teen “radical economic transformation” is rassisties (“racist”) en dat diesulkes swartmense misgun wat hulle weens “verontregting” gemis het. Inmiddels het Adjunk-minister van Staatsdiens en Administrasie Ayanda Dlodlo by ʼn grondberaad van die Universiteit van KwaZulu-Natal in Durban gesê dat die ANC sy meerderheid moet gebruik om grond te onteien sonder vergoeding, want “dit was in die eerste plek gesteel”.
Sy het die toespraak namens die ANC gelewer. In reaksie hierop sê TLU SA in 'n mediaverklaring: “Ons boere is moeg daarvoor dat ons as misdadigers uitgeskel word wat die grond gesteel het. Almal van ons het transportaktes en het vir die grond betaal. Vir elke grondtransaksie kry die regering bowendien sy deel in hereregte en belastings, terwyl die dikwels korrupte plaaslike owerhede die boere bly melk vir die grondbelasting. Daarom hoef die boere nie verder enige van hierdie valse beskuldigings te duld nie en dring ons in die eerste plek aan op Dlodlo se oneervolle ontslag.”

Die omstrede Wetsontwerp op Onteiening is nog nie deur die Parlement goedgekeur nie. Hoewel dit vroeër wel deur die Parlement goedgekeur is en na pres. Zuma verwys is vir ondertekening, het laasgenoemde dit om tegniese redes weer terugverwys en dit is waar dit tans staan. Die DA en ander partye is heftig teen die wetsontwerp gekant en is van plan om dit van voor af met vuur in debatsvoering in die Parlement teen te staan.
Die wetsontwerp, wat o.a. voorsiening maak vir onteiening van alle eiendom – grond, huise, bankrekenings, persoonlike besittings, aandele, ens. – word as ongrondwetlik beskou en daarom met hand en tand teengestaan. Voorts word ‘n beroep op die algemene publiek gedoen om d.m.v. petisies, die sosiale media , ens. saam te veg teen hierdie wet, wat die hoofinstrument is waarmee die ANC sg. “radical economic transformation” wil deurvoer en grondgrype op grootskaal wil implementeer.

Ondanks dat hy so gediskrediteer is weens korrupsie en weens verbreking van die Grondwet dat hy nie sonder militêre ingryping sy staatsrede in die Parlement kon lewer nie, volhard pres. Jacob Zuma ten alle koste met sy poging om die SA staat vir sy persoonlike gewin in te palm. Daarin word hy gesteun deur die ANC, ʼn ekstremistiese swart blok, die Guptas en die Illuminati – steun waarsonder hy duidelik nie in die saal sou kon bly nie.
Sy jongste skuif is om na berig word Brian Molefe, voormalige oneervolle Eskom-hoof, in die Parlement te laat orden met die oog op ʼn pos in die Ministerie van Finansies, as teenvoeter vir Pravin Gordhan. Laasgenoemde staan tussen Zuma-hulle en die geldkas van die SA staat. In reaksie op hierdie beweerde planne wys die DA in ʼn mediaverklaring daarop dat dit reeds kriminele klagte gelê het teen Molefe vir sy beweerde samespanning, uitgewys in die OB verslag van Thuli Madonsela, om saam met die Zuma-familie en die Guptas SA as ʼn staat te probeer kaap.

Die volgende is ‘ n uittreksel uit die toespraak wat DA-leier Mmusi Maimane in die Parlement gelewer het die dag na die staatsrede van pres. Jacob Zuma:

“We saw a glimpse of this future on Thursday night, and it looked very much like our painful past. South Africa will never forget what happened on Thursday. And we will never forget the reaction of the man at the centre of it all. The President who stands accused of 783 counts of corruption, fraud, money laundering and racketeering.

The President who built his house – his monument of corruption – on the backs of the poor. The President who is selling our country to foreign agents. We will never forget how he laughed. It was the laugh of an enemy of the people. While the connected few gorge themselves on caviar and champagne, the young people of this country are yet to taste the fruits of freedom.

They are our Lost Generation - nearly six million mainly black young South Africans who can’ t find work.
The lost generation is the half a million mainly black children who disappear from our education system each year.
The lost generation is the three million South Africans under the age of 25 who are Not in Education, Employment or Training.The Quarterly Labour Force Survey released today tells us that a further 340,000 youths have joined the ranks of the unemployed in the past year.

Don’ t be fooled by the language in President Zuma’ s speech. His project, and that of the ANC, is the accumulation of personal wealth. When the President talks about accelerating land reform, what he really means is more dodgy deals for ANC cronies. He’ s talking about narrow-based land deals like the Limpopo farm that Minister Nkwinti lined up for his ANC friends. R130 million rand of public money went to enriching two ANC cronies while 31 farm workers went unpaid and a productive farm fell into disrepair. When the President talks about BEE and the Black Industrialists Programme, what he really means is a scheme to make 100 of his closest friends and family very rich.The President said nothing about the government’ s plans for a trillion Rand nuclear build. We all know the ANC is forging ahead with a nuclear plan that will enrich the President and his friends on a scale of looting not seen in our country before.

President Zuma wants us to believe the MPRDA Bill and proposed State Mining Company will benefit the people. But we all know these are just moves to line ANC cronies up with lucrative mine deals – moves that will scare off investors and threaten thousands of jobs.”

In die sage rondom politieke beheer oor die Tesourie en die pogings van pres. Zuma en sy meelopers om van Minister van Finansies Pravin Gordhan ontslae te raak, het Oakbay Investments hofstukke by die Gautengse Hooggeregshof ingedien waarin bepaalde finansiële state noodwendig blootgelê moes word. Daaruit blyk dit dat die Gupta-maatskappy Tegeta op 28 Februarie 2015 R2 208 947 verdien het – alles uit die private sektor – maar teen 29 Februarie 2016 het Tegeta R496 263 141 verdien, waarvan R493 474 166 uit staatskontrakte was.
Dit blyk dat hierdie inkomste hoofsaaklik was uit verkope van steenkool aan Eskom.

Verskeie berigte uit verskillende oorde toon hoe die dierelewe van Afrika deur buitestaanders gestroop word. So bv. het die omgewingsorganisasie Namibian Chamber of Environment (NCE) in ‘ n ope brief die Chinese ambassadeur in Windhoek gevra om in te gryp in die Chinese plundering van wild en die omgewing in Namibië.


In die brief word gedetailleer hoedat namate meer Chinese in alle gebiede in Namibië gevestig het en klein ondernemings begin het en prospekteerlisensies verkry het, stropery en die uitvoer van wildprodukte die hoogte in geskiet het. Die NCE beweer dat die omgewingskade wat Chinese tot dusver in Namibië aangerig het, konserwatierf sowat R811 miljoen beloop terwyl renosters en olifante in Namibië toenemend gestroop word, die hoogsbedreigde ietermagog gevang en uitgevoer word en visnette op nywerheidskaal vanaf Zambië ingebring word om die visbevolkings in die Zambezi-, Chobe-, Kwando- en Okavangorivier te vernietig.


Vroeër is berig hoedat China wild uit Zimbabwe met Boeings gevlieg het as betaling van skuld deur Robert Mugabe, o.a. 35 jong olifante, 8 leeus en 12 hiënas. Verder noord word na raming 150 000 primate van 16 spesies jaarliks op markte in net Nigerië en Kameroen verkoop en staar baie van hierdie spesies uitwissing in die gesig.


Betroubaar word geraam dat 35 000 olifante in Afrika jaarliks gedood word –ongeveer een elke 15 minute. In Suid-Afrika is die afgelope 10 jaar meer as 8 000 renosters gestroop, terwyl onlangs die absurditeit aan die lig gekom het dat Chinese duisende donkies jaarliks afslag vir hul velle en die velle uitvoer – in slegs een geval is in Benoni op 5 000 donkievelle afgekom bestem vir die Chinese uitvoermark.

Terwyl die wêreld letterlik in beroering is oor die verkiesing en inhuldiging van pres. Donald Trump in die VSA en die reeks presidensiële dekrete wat hy uitvaardig ter uitvoering van sy verkiesingsbeloftes, word perspektief op die groter prentjie verkry indien gelet word op die aard van die ampstermyn van sy voorganger Barack Obama.

Gedurende die termyn van Obama is ‘n aantal aksies soos die volgende geneem, wat lyk asof dit die VSA op ‘n pad van selfvernietiging geplaas het: Daar is begin om Islam in skole te leer, terwyl Christenskap en die Bybel al meer uit skole verban is; hofsake is in Amerika aanhangig gemaak deur Moslems wat op een of ander wyse aanstoot neem teen die Amerikaanse kultuur; en die dra van burkas is oraloor toegelaat, sonder om te weet wat daaronder weggesteek is.

Voorts het Moslems begin om werkgewers aan te vat wat hulle aanspreek indien hulle weier om werk te doen wat hulle persoonlik in botsing ag met Sharia-wet; die destydse Amerikaanse prokureur-generaal het gedreig om enige een te vervolg wat “anti-Moslem-spraak” beoefen; en ‘n buitelandse beleid is gevolg om sekulêre Midde Oosterse diktators vriendelik teenoor die Weste, te vervang met Moslem-ekstremiste, soos in Libië, Egipte en wat gepoog is in Sirië. ..Verder het die

onttrekking van Amerikaanse troepe uit Irak en die Midde Ooste ‘n vakuum geskep vir ISIS; het die Pentagon en faksies van die CIA terroriste groepe in Irak en Sirië en wat in alliansie is en was met ISIS, gesteun teen die wettige Siriese regering; en ‘n ooreenkoms met Iran is ten alle koste aangegaan waardeur daardie land militêre kernkrag kan ontwikkel en terselfdertyd is miljarde dollar vir verwante programme beskikbaar gestel.

Wat sy militêre slaankrag betref, het die VSA sy kernvermoë afgeskaal na 1950-vlakke in lyn met die ideaal van Obama van ‘n kernvrye Amerika; die Amerikaanse vloot is verklein na die omvang wat dit was voor Wêreldoorlog I, die leër is na voor-1940 vlak gebring, die lugmag het honderde vliegtuie geskrap en ‘n ontslagproses van 40 000 weermagpersoneel is in werking gstel.

Tydens die Obama-termyn was daar skielik nie meer geld vir arm gestremde militêre veterane, werklose Amerikaners en ontwortelde Amerikaners nie, maar “Siriese vlugteling- en hervestigingsprogramme” is ryklik befonds.

Obama het die jaarlikse Christelike gebeds-geleentheid by die Withuis afgeskaf, kon nie Christelike begrafnisse van ‘n voormalige Amerikaanse eerste dame, ‘n hoog-geregshofregter en ‘n weermagsgeneraal in aksie gesterf, bywoon nie, a.g.v. ander skynbare onbelangrike afsprake. Hy het ‘n groot afvaardiging na die begrafnis van Michael Brown gestuur, maar ‘n klein een na die begrafnis van Margaret Thatcher en terwyl hy nie iets gemaak het van die moord op weermagslegende Chris Kyle nie, het hy die Amerikaanse vlag halfmas laat hang vir Whitney Houston.

Dit is teen hierdie agtergrond dat die aksies van Trump en sy administrasie gesien moet word om die heropbou van Amerika te prioritiseer, werk te skep vir Amerikaners en hulle weer trots op hulself te maak en om die grense van die VSA te beskerm teen die instroming van honderde Moslems op ‘n daaglikse basis. Met die inhuldiging is afhanklikheid van God voor die oë van die hele wêreld vir ‘n verandering weer bely, terwyl Christelike gebeds-byeenkomste in die Withuis teruggebring is.

Dit is voorts duidelik dat die siening van Trump ‘n golf van nasionale waardes en behoudende beginsels oor die wêreld gestimuleer het en dat bewegings soos Brexit hierby aanklank vind. Trump het ook ‘n sein teen Chinese imperialisme gestuur, terwyl versigtige samewerking met Rusland, wat ISIL in Sirië gestuit het, in die vooruitsig gestel word. Sodoende is ooglopend ‘n sterk teenstroom begin teen die liberale Nuwe Wêreldorde met sy ontsaglike destruktiewe baanrekord.

Donald Trump is ‘n omstrede persoon en ‘n feilbare mens, maar feite blyk aan te dui dat hy Amerika by ‘n draaipunt gebring het op ‘n nippertjie voor ‘n waarskynlike katastrofe.

Die duisterfluisteraars wat Afrikaans se dood voorspel, is van hul breinselle beroof. Dit is die gevolgtrekking waartoe ‘n mens kom indien gekyk word na die bydraes vir die Wilde Woordeboek wat Joey Basson, vakhoof van Afrikaans by Hoërskool Richardsbaai haar leerlinge laat opstel het.

Daaronder is ‘n Afrikaanse vertaling vir raves waar jong mense hul lywe rondpluk - van die voorstelle sluit in raaswals, zombidans, maltrap, kopspin of hottentotsgoddans. Wanneer jy volgende keer spare ribs wil bestel, verras gerus die kelner met ‘n versoek vir evabeentjies, vleiskitaartjies of otgenot.

Hoe gemaak met die lekker Engelse woord stapler - probeer draadjiedrukker of papiervampier. Wat van iemand wat ongeskik verklaar word vir werk? Pleks om te sê hy is geboard, laat die man liewer sagte plankies kap, sê hy werk by die suikermyn, hy is onklaar verklaar of hy is gerak.


Is jy in ‘n perdebui (bad mood) omdat iemand besig is om jou handvatsels glad te vat (rond te shunt)? Jy is mos nie ‘n sponskind (softy) nie, jy met daardie natuurlike noedelhare (spiral perm)? Onthou jy nog hoe jy druktyd (sweet sixteen) beleef het? Miskien moet jy maar ‘n loslooitjie (affair) aanknoop om jouself op te beur. Nooit gedink my blindederm sal lank genoeg wees (ek sal die guts hê) om dit voor te stel nie, né?

Wat van ‘n fundivakie vir ‘n nerd? Spin jy jou driewiel (tantrum) omdat jy vanoggend weer besef het jou vriend is ‘n onrehabihiteerbare skouervlieg (back seat driver)? Dit sal my ook ystervarke laat vang (‘n gasket laat blaas) as iemand heeltyd soos ‘n koopsebliefie (rep) sy stembande om my ore rek (nag).

Hy het seker maar vanoggend weer ‘n effense bewerlewertjie (hangover) ná gisteraand se gekuier oor die polisiekoffie (halfjackie). As hy weer iets sê oor jou bestuursvernuf en jy trek holrug (kry creeps), sê vir hom hy soek vir gips en steke (watch it)!

 
Gaan huis toe, groet die bure se brommerboel (brandsiek brak) en tooi jouself in jou mooiste saterdrag (informele klere) vir daai mog dit trof (blind date). Komaan, klim uit die streskas (unwind). Slaan ‘n vleismolessie (stew) aanmekaar, haal die jeugdeeg (make-up) van jou gesig af en snik jou sorge weg in ‘n bloplappie (tissue).

Hou sommer môre ‘n vakbondvastrap (toi-toi) voor jou werkplek en vra vir ‘n verhoging om te betaal vir die hysbakkies (face lift) waarvan jy droom

Die bekendmaking van die langverwagte verslag van voormalige Openbare Beskermer Thuli Madonsela oor beweerde staatskaping deur die Gupta-sindikaat het bevestig wat die meeste Suid-Afrikaners al lankal vermoed en geweet het, nl. dat pres. Jacob Zuma en die Gupta-gebroedsel betrokke is by massiewe korrupsie van staatsfondse en manipulering van selfs kabinetsaanstellings. Dit volg op uitgerekte politieke manuvreuring deur die Zuma-kamp en hofaansoeke oor en weer in ‘n poging om bekendmaking van die verslag te verhoed, wat egter uiteindelik tevergeefs geblyk het.

Die vernaamste bevindinge in die OB-verslag van 355 bladsye is die volgende:

  • Adjunk-minister Jonas is ‘n pos by die Gupta-familie aangebied in ruil vir uitvoerige gunste vir hul familiebesigheid.
  • Minister Van Rooyen – wat Minister Nene vervang het – het die Saxonwold-area waar die woning van die Guptas is, minstens sewe keer besoek voor sy aanwysing as nuwe Minister van Finansies, een waarvan was die dag tevore.
  • Gedurende die tydperk 2 Augustus 2015 tot 22 Maart 2016 het uitvoerende hoof van Eskom Brian Molefe vir Ajay Gupta altesaam 44 keer gebel, terwyl Gupta vir Molefe 14 keer geskakel het.
  • Die aanstelling van die Eskom-raad was onbehoorlik.
  • Zuma en die uitvoerende gesag het nagelaat om beweringe van Vytjie Mentor asook van Themba Maseko te verifieer en dit geld ook die beweerde knus verhouding tussen Brian Molefe en die Guptas.
  • Zuma en ander kabinetslede het onregmatig ingemeng in die verhouding tussen banke en Gupta-maatskappye.
  • Zuma het onregmatig en in verbreking van die Uitvoerende Etiese Kode sy posisie of inligting aan hom toevertrou, misbruik om homself en Gupta-besighede te verryk, terwyl hy aan sy seun voorkeurbehandeling gegee het in die toekenning van staatskontrakte, besigheidsfinansiering en handelslisensies.
  • Die burgers van SA is benadeel deur die gedrag en optrede van Zuma deurdat hy in gebreke gebly het om die Jonas-beweringe te laat ondersoek.
  • Die besoek van Minister van Minerale Hulpbronne Mosebenzi Zwane aan Switserland vir samesprekings met die Guptas was onbehoorlik.
  • Die toekenning deur Eskom van steenkoolkontrakte aan die Gupta-beheerde maatskappy Tegeta was onregmatig.
  • Regeringsadvertensies is opsetlik gekanaliseer na die Gupta-koerant The New Age.
  • Zuma het moontlik sy wetlike pligte versuim deur nie al hierdie aangeleenthede te ondersoek het nie of daarteen opgetree het nie.

In haar verslag het Madonsela nie aanbeveel dat Zuma bedank nie, maar instede aanbeveel dat Zuma ʼn kommissie van ondersoek onder toesig van ʼn hoofregter aanstel om al die beweringe in die verslag te ondersoek. Vir doeleindes hiervan moet die Nasionale Tesourie toesien dat die kommissie die nodige hulpbronne ontvang. Die regter van die kommissie van ondersoek mag sy of haar eie personeel aanstel en vir doeleindes daarvan het die kommissie dieselfde magte as die OB.

Die kommissie moet binne 180 dae verslag met voorstelle aan Zuma lewer en hy moet dan binne 14 dae aan die Parlement verslag doen. Madonsela beveel voorts aan dat die Parlement binne 180 dae die Uitvoerende Etiese Kode moet hersien. Die OB moet ook enige moontlik onwettige optrede wat deur die ondersoek ontbloot word, onder aandag van die NVG en Valke bring.

Die OB moet implementering monitor van regstellende stappe wat betref die staatskapingverslag, terwyl die sekretaris van die Parlement en die DG van die Presidensie aan die OB moet verslag doen oor die implementering van die regstellende stappe.

Dit is dus ‘n hele proses wat Madonsela voorstel en wat waarskynlik oor ‘n kwessie van maande uitgevoer gaan word, wat beteken dat die Zumas en die Guptas tyd gaan hê om te hergroepeer en hul verdedigingslinies te reorganiseer. Hoewel Madonsela haar verslag versigtig bewoord het en nie skerp stellings gemaak het nie, dui oorweldigende omstandigheidsgetuienis daarop dat sy ‘n katnes ontbloot het van staatsmisdaad ongeëwenaard in die geskiedenis van SA.

In enige demokratiese land wat sy sout werd is en waarin openbare verantwoordelikheid hoog aangeslaan word, sou die staatshoof onder hierdie omstandighede, onmiddellik moes bedank en krimineel aangekla word. Weens ‘n kombinasie van redes gaan SA egter waarskynlik nog onbepaald in hierdie regeringsgemors sit.

Inmiddels het op die dag van die bekendmaking van die OB-verslag woede teen die Zuma-situasie oorgekook. In Pretoria het die sg. Save South Africa’s Peoples’ Assembly Against State Capturein ‘n volgepakte St. Alban Anglikaanse katedraal byeengekom in ‘n sonderlinge alliansie van uiteenlopende organisasies, instansies en individue en ‘n eendragtige oproep gedoen vir die onmiddellike bedanking van Zuma. Onder die aanwesiges was Paul Mashitile, ANC-leier in Gauteng, Musi Mmaimane, DA-leier, die Kommunistiese leierskap, geestelikes, regsgeleerdes, vakbondleiers, ens.

Die EFF het ‘n gewelddadige massa-protesoptog na die Uniegebou probeer, maar is deur die Polisie met geweld verdryf, waarna hulle winkels en strate geplunder het en die standbeeld van Paul Kruger gevandaliseer het. Die nasionale uitvoerende komitee van die ANC het intussen aangedui dat dit die komende naweek oor die impak van die verslag sal vergader.

Oor die algemeen kan die huidige politieke opset in SA ten beste beskryf word as in ‘n warboel. Eerstens is daar baie persone in die Zuma-dampkring – kabinetslede, senior staatsamptenare, premiers en sakelui – wat òf bewus was van die wydverspreide korrupsie of daarin betrokke was en wat op een of ander wyse verantwoording sal moet doen. Tweedens word wyd aangedring op die onmiddellike bedanking van veral drie ooglopende Zuma-meelopers, nl. Shaun Abrahams (NVG), lt.genl. Berning Ntlemeza (Valke) en Tom Monyane (SAID).

‘n Sleutelvraag op hierdie stadium is, wie gaan instaan vir die regskoste van Zuma van miljoene rand – die belastingbetaler of hyself?

Die groot ligkant van hierdie donkere wolk is dat wat beskryf kan word as die goeie in SA, besig is om die oorhand oor die bose te kry. Daarvoor het baie Christene lank gebid en bid hulle steeds. 

In ‘n mediaverklaring sê die Nasionale Konserwatiewe Party dat in samewerking met Miljoen stemme vir Steve alle organisasies, besighede en individue genooi word om ‘n Eenheidsberaad op 25 Februarie 2017 by die NG Kerk h/v Dickensonlaan en Trumperstraat, Waverley, Pretoria, by te woon.

Die mediaverklaring lui voorts soos volg: “Dit het nou noodsaaklik geraak dat op alle gebiede eenheid bereik moet word, daar is baie duplisering van aksies en dat organisasies nou eerder onder een sambreel hulle take moet verrig om ons Afrikanervolk weer op te hef. Dit kan die volgende insluit maar nie beperk daartoe nie.: Die strukturering van ‘n oorkoepende liggaam en hoe dit bereik kan word / Planne beraam om ons volk te herenig / Ons volk beveilig en eiendom beskerm / Maniere ondersoek om ons volk op te hef, insluitende selfhelp en werkskepping / Moedertaalonderwys en –onderrig / Selfbeskikking en hoe dit bereik kan word.” Daar sal ook ʼn bywoningregister wees met ‘n registrasiefooi van R100, wat ‘n vingerete en basiese skryfbehoeftes insluit. Registrasievorms is beskikbaar by Hierdie e-posadres word van Spambotte beskerm. Jy moet JavaScript ontsper om dit te lees.. Vir meer besonderhede, kontak Trevor Stumke by 012 546 7370 ofHierdie e-posadres word van Spambotte beskerm. Jy moet JavaScript ontsper om dit te lees..

Bladsy 6 van 13

Tridor Banier web

wow kitsblits