ditsem website banner no 1 2017

-►Gesoek vir aanranding in SA – Grace Mugabe -►Zim-boere begin internasionale eiseproses oor hul gesteelde grond -►Pierre Spies groet rugby – wil werk vir minderbevoorregtes -►All Blacks legende Colin “Pinetree” Meads sterf op 81 -►Toestande in blanke plakkerskamp by Munsieville, Krugersdorp, uiters haglik -►Steve Hofmeyr sing Die Stem nogmaals in Bloem

Insiggewend is veral op die volgende drie punte die besprekingsdokument wat die ANC die afgelope naweek aanvaar het vir sy beleidskonferensie wat einde Junie 2017 plaasvind: Eerstens dat “'n rewolusionêre verkiesingskommissie gestig word wat as hekwagters moet dien en moet keer dat verkiesingsprosesse in die party gemanipuleer word. Hierdie kommissie moet alle kandidate eers goedkeur voordat hulle vir verkiesings as partyverteenwoordigers benoem word.”
Die ooglopende doelwit hiermee is om slegs kandidate van bo af vooraf goedgekeur, as verteenwoordigers te kry. Tweedens, moet die presidensie versterk word as die “strategiese sentrum van mag in die staat.” Derdens, moet die ANC 'n ten volle outomatiese, elektroniese werwing- en lidmaatskapbestuurstelsel kry. Dit sal uit die ANC-hoofkantoor bestuur word en strukture laer af sal slegs toegang hê tot die dele wat op hulle betrekking het.

In 'n opsienbare verwikkeling het die SA Kommunistiese Party by monde van sy leier dr. Blade Nzimande, wat ook Minister van Hoër Onderwys is en 'n uitgesproke Zuma-kritikus, die afgelope naweek die volgende ultimatum aan die ANC gestel vir voortgesette alliansievorming en samewerking:
Pres. Jacob Zuma moet uittree as regeringshoof / Die SA burgerskap van die Guptas moet herroep word / Brian Molefe moet uit die Parlement bedank / SASSA moet strafregtelik ondersoek word / Die sg. Premierliga binne die ANC moet ontbind word. Hierdie word beskou as 'n stewige ultimatum wat tot 'n skeuring in die ANC en tot 'n waterskeiding in swart politieke geledere kan lei.

Die krisis of SASSA op 1 April wel in staat gaan wees om vir die maand sowat R2,3 miljard aan meer as 17 000 welsynsbegunstigdes te betaal, sleep voort met die bevinding in 2014 van die Grondwethof wat steeds staan dat die kontrak met die diensverskaffer CPS onwettig is. Dit beteken dat CPS op hierdie stadium nie in 'n posisie is om die uitbetalings op 1 April regmatig namens SASSA te doen nie.
Die Tesourie wil nie die geld vrystel alvorens die Grondwethof 'n uitspraak gegee het dat daar wel 'n regmatige wyse is waarop CPS die uitbetalings kan hanteer nie. Daar is geen ander instansie wat enigsins gerat is om die uitbetalings op 1 April 2017 te doen nie. Die verdere kinkel in die kabel is dat CPS 'n verhoogde fooi van sowat R1,3 miljard vra om die uitbetalings weer en op 'n verlengde kontrak te doen.
Intussen verpas Minister van Maatskaplike Ontwikkeling BathabileDlamini die een na die ander afspraak met die Parlementêre Komitee oor Openbare Rekeninge (Skoor) om verslag oor die stand van die situasie te doen.

Die Volksraad Verkiesingskommissie het bekendgemaak dat 'n vergadering op 8 April 2017 te Belville gehou gaan word om te besin oor die afhandeling van die mandaat van die huidige Volksraad wat in 2011 verkies is en die verkiesing van 'n nuwe Volksraad met 'n nuwe mandaat. Die presiese plek is die Evangelies Gereformeerde Kerk Tygerberg, h/v Uys Krige en JIP de Jagerstraat.

Vir meer inligting kontak Hierdie e-posadres word van Spambotte beskerm. Jy moet JavaScript ontsper om dit te lees. of 012 803 0712.

'n Mediaverklaring van die VF Plus lui: “Die ANC se beweerde plan om die regbank radikaal te transformeer, moet op elke wyse moontlik teengestaan word. Luidens 'nberig in die Sunday Times blyk dit dat die ANC meen regters is ‘ teen-revolusionêr’ en dat die Geregtelike Dienstekommissie (GDK) sy werkwyse moet aanpas met die aanstelling van regters. Hierdie voorneme van die ANC moet ten sterkste veroordeel word. Dit is duidelik dat die ANC nie daarvan hou dat die regbank hom tot verantwoording roep soos telkemale in die onlangse verlede gebeur het nie. Dit raak
duidelik dat die ANC nie glo in die oppergesag van die reg nie, maar in die oppergesag van die ANC.”

In 'n mediaverklaring sê die VF Plus dat Minister van Gesondheid dr. Aaron Motsoaledi, wat gereken word as een van die min “beter” ministers in die kabinet, “geen idee het wat die stand van nalatigheid in die hospitale is nie. Dit het aan die lig gekom in antwoord op ‘ n geskrewe Parlementêre vraag. Wat die situasie selfs erger maak, is dat selfs na die landwye verontwaardiging oor die dood van meer as 100 psigiatriese pasiënte, daar steeds geen poging aan die kant van die Minister of sy departement was om nalatigheid in staatshospitale te monitor nie. Die hoofvraag was hoeveel mense elke jaar sedert 2009 weens nalatigheid deur mediese en ander personeel dood is in staatshospitale, in watter hospitale dit gebeur het, en wat die aard van die nalatigheid was. Dit is absoluut skokkend dat die Minister erken hy het geen idee hoeveel mense weens nalatigheid in staatshospitale sterf nie. Dit is tog onmoontlik om so totaal in die duister te wees oor so ‘ n ernstige saak.”

Ons het op ons magies geslaap in ‘n kot wat geverf was met helderkleurige loodbasisverf. Ons het geen kindvaste deksels of proppe op medisynebottels, deure of kaste gehad nie en geen valhelms gedra as ons fi etsgery het nie... om nie te praat van die risiko’s toe ons duimgery het nie.

As kleuters en kinders kon ons agter in die kar sit sonder veiligheidstoele, veiligheidsgordels of lugsakke.

Om agter op die bakkie te ry, was groot pret en ons het water uit die tuinslang gedrink en nie uit bottels nie.

Ons het koeldrank saam met vriende gedrink uit een bottel en niemand is dood daarvan nie.

Ons het sjokoladekoek en wit brood geëet met regte botter en Kool Aid en Oros met suiker aangemaak, maar ons was nie oorgewig nie, want ... ONS HET ALTYD BUITE GESPEEL!

Ons het van vroeg soggens af buite gespeel totdat die straatligte saans aangegaan het, of voor die kerse aangesteek was. Niemand kon ons kontak deur die dag nie.

Ons het urelank kaskar gebou uit afvalhout en –yster en het dan teen die steilste bulte afgejaag, net om uit te vind ons het vergeet van die brieke.

Ons het nie Playstations, Nintendos, X-boxes, wifi o f e nige v ideospeletjies g ehad n ie. “Shopping” vir ontspanning het nie bestaan nie en name-klere was toe ook nog nie eers in China gemaak nie.

Snobisme was ‘n galbitter vrug wat net in die Amasone gegroei het en sakgeld was iets wat die Staatspresident van geweet het.

Ons het uit bome geval, skraapwonde opgedoen en bene gebreek en daar was geen geregtelike eise vir hierdie ongelukke nie.

Termometers was ook nie onder jou tong of in jou oor geplaas nie...

Tande tel was uit, want ons het geweet hoe om te speel.

En tog het hierdie generasie van die beste kansvatters, probleemoplossers en uitvinders ooit geproduseer en die laaste 50 jaar het bestaan uit ‘n ontploffing van uitvindings en nuwe idees. Ons het vryheid, verlies, sukses en verantwoordelikheid gehad en ons het geleer hoe om dit te hanteer.

As jy een van hulle was – baie geluk! En voorspoed aan die nuwe geslag met heel ander eise wat aan hulle gestel word.

Die volgende is 'n ledeverklaring wat dr. Pieter Mulder van die VF Plus in die Parlement gemaak het oor die betekenis van die Slag van Majuba op 27 Februarie 1881:Die tweede helfte van die 19de eeu in Suider-Afrika is gekenmerk en oorheers deur Britse imperialisme en Britse kolonialisme. Cecil John Rhodes het die simbool van hierdie Britse imperialisme in Suidelike Afrika geword en in n toespraak by Oxford in 1877 het hy gesê: I think that what God would like me to do is to paint as much of the map of Africa British Red as possible.
As gevolg van hierdie benadering volg die Anglo-Zoeloe oorlog in 1879 tussen die Britse Ryk en die Zoeloe Koninkryk. Dit word in 1881 gevolg deur die eerste Anglo-Boereoorlog tussen die Britse Ryk en die Afrikaner Boere burgers van die Zuid-Afrikaansche Republiek. Gister was dit presies 136 jaar na die slag van Majuba waar die Britte oortuigend deur die Boere verslaan is. Die Britse genl. Colley het die berg Amajuba beset as deel van sy veldtog om die ZAR in te val en vir Brittanje te annekseer.
Die Boere o.l.v. van genl. Piet Joubert en Nicolaas Smit het die Britte egter oortuigend verslaan in wat ek graag die Eerste Vryheidsoorlog noem. Colley is tydens die geveg gedood. Hierdie oorlog was die enigste oorlog wat die Britte in die 19de eeu en tot vandag toe verloor het. Hulle het ook alvier die veldslae tydens die oorlog verloor. Ons bring graag hulde aan daardie Boere wat bereid was om te veg teen Britse imperialisme."

Daar heers groot omstredenheid rondom Brian Molefe wat deur pres. Jacob Zuma na die Parlement ontplooi is, na gespekuleer word om in 'n invloedryke pos t.o.v. die Dept. van Finansies aangestel te word. In die eerste plek het Molefe einde verlede jaar homself genoop gevoel om te bedank as uitvoerende hoof van Eskom nadat die Openbare Beskermer hom met klinkklare bewyse geïmpliseer het as 'n meeloper van die Gupta-familie en hul staatskaping-verbintenis met Zuma.
Tweedens, vóór Eskom was Molefe uitvoerende hoof van Transnet waar hy vyandiggesind was t.o.v. die kontroversiële terughouding van pensioengeld ter waarde van sowat R79 miljard aan 67000 verarmde, afgetrede Transnet werknemers en het Molefe gesê dat hulle begunstigdes van apartheid is wat op geen vergoeding aanspraak kan maak nie. As die pensioenarisse die rewolusie in die strate verder wil voer, moet hulle net so sê. Derdens het Molefe tydens sy termyn by Eskom 'n borgskap van R840 000 skynbaar onregmatig toegeken aan die verbete anti-blanke aktivis Jimmy Manye vir sy sg.
Progressive Professionals Forum, wat aktief 'n stryd voer om van Pravin Gordhan as Minister van Finansies ontslae te raak. Vierdens het dit aan die lig gekom dat Molefe 'n paleis van 'n woning in die luukse landgoed Cornwall Hill in Pretoria, as 'n tweede woning by 'n mede-ANC kader gekoop het vir R10 miljoen, terwyl die markwaardasie van die eiendom op R18 miljoen geraam word.

Ná 'n jarelange hofstryd deur Solidariteit en AfriForum om die amptelike transformasieteikens oftewel raskwotas vir SA sportkodes uit Minister van Sport Fikile Mbalula te kry, het laasgenoemde dit uiteindelik verlede week drupsgewys bekendgemaak. Sover vasgestel kan word, is dit soos volg: ?Rugby nasionaal senior mans: Spanne moet 45% gekleurd wees, maar 30% van die spelers moet swart (d.w.s. nie bruin of Indiër nie) wees. ?Rugby vroue: Spanne moet 80% gekleurd wees. ?Sokker nasionaal: Spanne moet 75% swart en 25% gekleurd (bruin en Indiër) wees. ?Krieket nasionaal: Spanne moet 60% gekleurd wees, terwyl 27% van die span swart moet wees. ?Atletiek bestuurstruktuur nasionaal: 100% swart. Meer betroubare besonderhede is egter nie op hierdie stadium beskikbaar nie, maar bogenoemde kan as betroubaar gereken word. Die prentjie in elk geval wat na vore kom, is om blankes sover moontlik uit SA sport te druk.

Bladsy 7 van 16

Barnard Bouers

wow kitsblits