ditsem website banner no 1 2017

Glybanier

-►Ditsem Nuus webwerf www.ditsem.net handhaaf tans sowat 21 000 besoekers per maand -►Matjila van OBK sê nou SAA mag moontlik geld leen -►Beweerde renosterstroper David Mahlobo nou Minister van Energie -►Internasionale besoekers aan Kaapstad groei 27% in eerste semester 2017 -►Adj-pres. Ramaphosa blykbaar moontlik volgende vir Zuma-valbyl

Rassediskriminasie (32)

Die Industrial Development Corporation (IDC) het bekendgemaak dat sy portefeulje vir goedgekeurde befondsing van projekte vanjaar die rekordbedrag van R15,3 miljard beloop. Daarby is die IDC op koers om sy portefeulje by 2020 na R100 miljard te vergroot.

Baie van die IDC projekte is in die hernubare energiesektor. Die IDC het in die jongste finansiële jaar 'n wins van R2,2 miljard getoon – heelwat beter as die R223 miljoen vir die vorige finansiële jaar.

Voorts het die IDC 83 transaksies ten totale bedrag van R4,7 miljard vir swart nyweraars uitbetaal – 'n 63% styging op die syfer vir die vorige jaar. Die teikenbedrag vir SEB in 2018 is R7,4 miljard.

Nadat Standard Bank vir vier jaar twee mede-uitvoerende hoofde gehad het in die persone van Sim Tshabalala en Ben Kruger, is aangekondig dat Kruger met onmiddellike effek sy pos verlaat. Hy bly egter in diens van die bank, maar sal voortaan aan Tshabalala verslag doen.

Die voorsitter van Standard Bank is Thulani Gcabashe. In 2007 het die Industrial and Commercial Bank of China (ICBC) 'n aandeel van 20% in Standard Bank gekoop vir $5,5 miljard.

Die bekende hartchirurg dr. Susan Vosloo is in Durban twee keer deur lede van die eThekwini metropolisie van die pad getrek, geterroriseer om omkoopgeld te betaal vir 'n gewaande verkeersoortreding en gedreig om 'n naweek in die tronk opgesluit te word. Dit het gebeur terwyl sy die stad besoek het om die 27ste kongres van die SA Oorplantingsvereniging (SATS) by te woon.

Die eerste voorval het plaasgevind toe sy op pad na haar hotel was en by 'n rooi verkeerslig gewag het toe die metropolisie langs haar intrek met flitsende ligte en loeiende sirene. Sy was onbewus van enige verkeersoortreding. Die aggressiewe beamptes het haar 'n asemtoets laat doen, maar dit was negatief. Sy is nogtans gedreig met arrestasie, waarop omkoopgeld geëis is. 'n Geskokte Vosloo het R100 oorhandig, waarna sy toegelaat is om te vertrek.

Later die aand het sy met 'n vriend teruggekeer na die plek van die voorval en het hulle weer dieselfde metrovoertuig teengekom. Weer is hulle met aggressie behandel, 'n asemtoets laat doen en van rassisme beskuldig, maar tog toegelaat om ongedeerd te vertrek. Hulle het die voorvalle die volgende dag by die SAPD-stasie Durban Sentraal gaan aanmeld, waar hulle, volgens hulle, professioneel en beleef behandel is.

'n Dag voor die voorval in Durban is Vosloo op 'n glansgeleentheid in Kaapstad aangewys as die Sake-ambassadeur van die Jaar van die Kaapstadse Sakekamer en Die Burger

In 'n mediaverklaring sê die Afrikanerbond die volgende oor die implikasies van die rol van die Britse skakelfirma Bell Pottinger in SA: “Dit is met ongeloof wat mens die laaste ruk kennis neem van die onderduimse werk waarmee die Bell Pottinger Groep in Londen bygedra het tot ongekende rassepolarisasie in SA. ‘n Vreemde groep individue in SA waaronder die Gupta-familie, die Zuma-familie en spesifiek dan Duduzane Zuma, asook die opperste fanatieke BLF leier Andile Mngxitama, het almal ter wille van eie belange dit goedgedink om ʼn rasgedrewe agenda in SA te bevorder en daarvoor is die Bell Pottinger maatskappy vanuit Londen aangewend.

“Terwyl die maatskappy sukkel om sy eie beeld te herstel, is enorme skade in SA aangerig. Vanuit die SA perspektief waar ʼn rasgedrewe agenda die gesprek van die laaste paar jaar bepaal het, het Bell Pottinger olie op die vuur gegooi.

“Vrae moet dus gevra word oor die fondse wat die Guptas en die Zumas aan die groep betaal het om die onderduimse werk in SA te verrig. Die Oakbay betalings alleen aan Bell Pottinger beloop na raming meer as R20 miljoent. Dit sluit in minstens 100 000 Britse pond wat Oakbay maandeliks betaal het, maar uitgesluit die betalings deur Duduzane Zuma gemaak.

“Die logiese verdere stap vir Bell Pottinger sou wees om die R20 miljoen plus wat onregmatig vanuit SA betaal is vir hul onderduimse werk, na Suid-Afrikaners terug te kanaliseer in die vorm van brugbou-inisiatiewe tussen Suid-Afrikaners.” 

Gepraat van realpolitik, indien die term op die blanke vandag in Suid-Afrika toegepas word, kan ons kwalik beter doen as die volgende kommentaar deur die sosiale media ontvang: Twee berigte het my oog getref die afgelope naweek. Een oor die Suid-Afrikaanse vrou, Marleze Kruger wat glo “liefde” wil gaan soek by ʼn fees vir enkellopendes in Ierland, en die ander oor die jongste vlaag plaasaanvalle en -moorde in die land. Albei hou verband. Hierdie verband is misdaad en die openlike jag op wit mense terwyl ieder en ʼn elk – veral die hoofstroom Afrikaanse media - liefs anderpad kyk om politieke korrektheid ter wille te wees. Ook omdat ons al so afgestomp geraak het weens die dood en verminking van wittes die afgelope twee dekades dat dit ons byna nie meer raak nie. Hoe tragies dit ook al mag wees. Ja, RSG se nuusprogramme sal wel noem van ʼn plaasmoord, maar dit is waar dit begin en ophou. Druk twee boere egter ʼn vermeende plaasbetreder in ʼn kis, sal RSG kundiges kry om die saak in detail te bespreek, politieke ontleders (die gewone twee of drie) sal betrek word vir kommentaar, die naasbestaandes sal hul roerende stories vertel en die saak sal tot in die hof gevolg word. Die eie derms word sonder ophou uitgeryg: Hoe wreed is ons wit barbare tog nie! Soos met die KFC-saak. Netwerk24 kan nie uitasem genoeg vertel dat die ‘wit’ mans die swart vrou glo ʼn “swartgat” en ʼn “teef” genoem het nie. Hoe walglik van die wittes! Tog het ek nog nie een keer hierdie jaar oor RSG gehoor of op Netwerk24 gelees wat aan wit plaasboere gesê is voor hulle kele met kombuismesse afgesny is, vroue verkrag en dood gemartel is, ʼn vrou se hande en voete met ʼn boor deurboor is, mense gedwing is om kokende water en olie te drink (ens, ens) nie. Waarom nie? Dis ʼn skreiende skande. Waarom wil niemand ook reguit sê die geweldsaanvalle op boere word hoofsaaklik deur swart mans gepleeg nie? Ek sal dit vandag hier doen. Want dit is waar. Indien iemand van my verskil, sal ek hom aanraai om elke berig van net hierdie jaar te gaan lees (ja, selfs op Netwerk24), en kyk wie in hegtenis geneem is na van die moorde waar die aanvallers wel gevang is. Sou ek verkeerd wees as ek sê feitlik al die moordenaars is swart mans? Dit is jammer, maar dit is waar. Indien jy my verkeerd kan bewys, kom lê die bewyse aan my voor. Dit is die werklikheid in Suid-Afrika. Daar is ʼn slagting op massiewe skaal in Suid-Afrika aan die gang teenoor wit mense. Ons mag nie daaroor swyg nie. Ons mag nie daaraan gewond raak nie. Daar was die afgelope jaar 277 aanvalle waarin 55 mense dood is. Ek herhaal. Daar is 55 vermoor. Nadat baie van hulle gemartel en verkrag is. Maak asseblief toe jou oë. Sien 55 mense in jou geestesoog. Meestal ouerige, weerlose mense. Mans en vroue. Dan sien jy hierdie 55 dood in groot plasse bloed lê. Klink anders as mens so daaraan dink nè... Die vrou Marleze Kruger sê ook dat sy nie na Ierland wil gaan om te gaan liefde soek nie, maar hoofsaaklik om van die genadelose jagtog op wittes te ontvlug. Lees hier wat sy vertel: “My man is in 2003 in ’n motorkaping in Kempton Park vermoor. Ons het 11 dae lank gesoek voordat sy lyk gevind is. En dit was maar net die begin. “Ek is twee keer in afsonderlike voorvalle gekaap en is op Ballito se strand met ’n mes aangeval. “Ons het in 2008 Randburg toe getrek en binne vier maande was daar vyf voorvalle van inbraak en diefstal terwyl ons tuis was. “My ouers en seun is in hierdie tyd in hul huis van R150 000 beroof. “My oudste broer is in sy ruggraat gewond tydens ’n bankroof (waar hy net ’n kliënt was) en my jongste broer was ook die slagoffer van ’n kaping.” Klink dit nie na iets wat elke tweede mens jou deesdae kan vertel nie? Jammer sy het nie ook prontuit gesê wie die aanvallers in al die gevalle was nie. Waarom gryp geweldsmisdaad en plaasaanvalle my so aan? Dit was vir baie jare my werk aan daaroor berig te doen. Om die tonele te besoek. Natuurlik kan ʼn mens nie in ʼn berig skryf wat jy werklik gesien het nie. Soos dat bejaarde vroue soms so uitmekaar gekap word met grawe en kapmesse dat daar letterlik stukke van hul hande, arms en ander liggaamsdele deur die huis gesaai lê. Groot boeremans wat vasgebind en gesodomiseer word terwyl hul vingers en tone met ʼn tang afgeknip word. Mense wat in buite-plaastoilette verdrink word. Hierdie dinge het ek self gesien. Die lys is eindeloos. Dit is nie normaal nie. Dit is nie gewone misdaad nie. Veral plaasmoorde is haatmisdaad teenoor wittes. Dit is een van die ergste menseregte-vergrype wat op hierdie oomblik in die wêreld aangaan. As jong joernalis word jy geleer nuus is alles wat buitengewoon is. Nie noodwendig goeie of slegte dinge nie. ʼn Klassieke voorbeeld is dat duisende vliegtuie elke dag veilig die wêreld-oor land. Goeie nuus ja, maar nie werklik nuus nie aangesien dit normaal is. Die norm. Geweldsmisdaad en brutale plaasaanvalle in Suid-Afrika het nou oor twee dekades so gereeld gebeur dat dit byna die ‘norm’ geword het. Dit mag nie gebeur nie. Hou aan om daaroor te praat en te skryf, selfs al pla dit jou vriende. Indien mense wel ʼn probleem daarmee het, sou ek hulle aanraai om self die toneel van ʼn plaasmoord te besoek. Dan sal hulle besef dit is nie net ʼn storie in ʼn koerant of ʼn insetsel oor die radio nie. Dit is regte mense wat doodgemaak word. Mense met ouers en kinders, drome en ideale. Mense soos ek en jy.
Minister in die Presidensie en kandidaat vir ANC-presidentskap Jeff Radebe het by 'n ANC saamtrek in Port Shepstone gesê die SA ekonomie “is in die hande van 'n paar wit mense, hoofsaaklik mans en dat derhalwe radikale ekonomiese transformasie nodig is. Die meeste van ons mense het nog nie ekonomies gevorder nie. Baie mense is ontevrede aan die gebrek aan transformasie in die ekonomie, wat weer ekonomiese groei belemmer, ongelykheid vermeerder en die meeste van ons mense marginaliseer.” Intussen is dit 'n feit dat die eggenote van Radebe, Bridgette, gereken word as een van die rykste vroue in die land. Sy is o.m. 'n direkteur van Sappi, voorsitter van Nabera Mining (Pty) Ltd, stigter en voorsitter van Mmakau Mining (Pty) Ltd, direkteur van die Leadership Foundation met uitgebreide mynbelange, voorsitter van die SA Minerals Development Association, president van die SA Mining Development Association, ‘n direkteur van Cast Mining and Construction (Pty) Ltd, voorsitter van International Women’s Forum SA en stigter van die New Africa Mining Fund. Sy is 'n suster van Patrice Motsepe, mynmagnaat en een van die drie rykste mans in SA, terwyl sy 'n sleutelrol speel in die formulering van die nuwe Mynbouhandves en ander nasionale wetgewing.

In 'n mediaverklaring sê die VF Plus: “Al is daar bewyse dat Bell Pottinger narratiewe soos ‘wit monopolie-kapitaal’ (WMK) geskep het en selfs daaroor om verskoning gevra het, misbruik die ANC dit nogtans om wittes die skuld te gee vir die ekonomiese krisis in die land en die skade wat aangerig word weens regstellende aksie (RA) en swart ekonomiese bemagtiging (SEB). Terwyl swartmense lank reeds deur RA en SEB bevoordeel word ten koste van wittes, het die woord wit monopolie-kapitaal nou ongelukkig ʼn populistiese narratief geword.

“Die oogmerk hiermee was om verdeling te skep om te verseker dat persone en faksies in die ANC in beheer bly van die magshefbome om toegang tot die staatsbeursie te verkry en om die aandag af te lei van die staatstroping. Dit rig enorme skade aan, nie net wat rasseverhoudinge in die land aanbetref nie, maar dit stuur ook ʼn negatiewe boodskap aan enige voornemende wit belegger in Suid-Afrika.”

Ongelooflike haatspraak teen blankes

Die haatspraak teen blankes in die land wat tans ongebreideld uitstroom, is eenvoudig verstommend. Dit kom veral uit drie bronne:

  • Eerstens, is dit letterlik moord waarmee die Black First Land First (BFLF)-beweging met hul leier Andile Mngxitama wegkom. Volgens hulle het blankes geen reg om in SA te wees nie en moet hulle so spoedig moontlik “verwyder” word. Blankes mag ook geen eiendom besit nie. Om 'n idee te kry van hul bose retoriek en optredes, volg hierdie skakel.
  • Kanaal 405 van die Gupta-beheerde ANN7 kanaal DStv. Alles wat hulle sê en wys is gemik op aftakeling van blankes en is hulle verslaaf aan terminologie soos “white monopoly capital” en “radical economic transformation”. Hul programme, waarop “spokespersons” soos gediskrediteerde blanke haters soos... Mzwanele Manyi en Carl Niehaus tot vervelens aangehaal word, is om van te stik vanweë feitelike leuens en bevooroordeeldheid.
  • Pres. Zuma self. Hy laat nie 'n geleentheid verbygaan om “apartheid” die skuld te gee vir alles wat verkeerd is nie, terwyl hy pleit vir verbreking van “blanke houvas” op die ekonomie en op grondbesit. Sy “Bring-my-masjiengeweer” strydlied is 'n treffer in swart radikale geledere.

As Afrikaners is ons dik vir hierdie verguising en sê dit is tyd om op te staan, hierdie veroordelings te verwerp en ons trots te verklaar op ons Afrikanerskap en ons erfenis in hierdie land. Ons sê ook kla die BFLF krimineel aan, sluit kanaal 405 en kry Zuma onmiddellik uit die staatspresidentsamp.

Media

Die eerste internasionale konferensie ooit oor landelike misdaad word op 27 September 2017 in Centurion deur die georganiseerde landbou en Unisa aangebied, met die tema Die uitdagings van landelike misdaad wat die landbousektor affekteer. Volgens 'n mediaverklaring het plaasmoorde en -aanvalle, sowel as algemene misdaadvlakke in landelike gebiede in so ‘n drukkende probleem ontaard dat ‘n internasionale konferensie daaroor noodsaaklik geword het.

Verskeie internasionale sprekers het hulself reeds verbind om referate by die konferensie te lewer, soos dr. Joseph Donnemeyer, professor aan die Ohio Staatsuniversiteit, dr. Elaine Barclay van die Universiteit van New England in Sydney en Emmanuel Bunei van die Mount Kenya Universiteit in Kenia. “Almal wat navorsing, ondersoeke of wetenskaplike werk doen oor enige faset van landelike misdaad word genooi om hulle kennis, navorsing, bevindings of praktiese ervarings rondom aspekte van landelike misdaad word genooi om ‘n bydrae te maak,” aldus die mediaverklaring.

Vir meer inligting, kontak Willie Clack by 082 574 2653 of Hierdie e-posadres word van Spambotte beskerm. Jy moet JavaScript ontsper om dit te lees.">Hierdie e-posadres word van Spambotte beskerm. Jy moet JavaScript ontsper om dit te lees..

Nog ingrypende wetgewing om swart ekonomiese bemagtiging (SEB) ekstreem te bevorder en blankes al meer uit die ekonomiese hoofstroom te boender, is ingestel met die afkondiging in die Staatskoerant van die sg. Amended Property Sector Code oftewel Gewysigde Eiendomsektorkode. Dit is van toepassing op alle kommersiële aktiwiteite in die residensiële en kommersiële kodes van die eiendomsektor, sowel as op die waardeketting wat insluit eiendomsontwikkeling, eiendomsdienste, eiendomsfasiliteite, en –bestuur, makelary, waardasies, eiendomsagente en ander verbandhoudende professionele dienste.

As sulks het dit betrekking op die SA eiendomsektor met die beraamde astronomiese waarde van R5,8triljard en dek kommersiële, residensiële, staats- en gesoneerde vaste eiendom. Hiervoor word in die nuwe wetgewing, afgekondig deur Minister van Handel en Nywerheid Rob Davies SEB-teikens gestel: 10% van alle jaarlikse beleggings vir ontwikkeling of herontwikkeling, 27% vir eiendomseienaarskap plus nog meer gedetailleerde teikens.

Vir meer besonderhede oor hierdie nuwe wetgewing, volg hierdie twee skakels:

http://www.thedti.gov.za/gazzettes/40910.pdf

http://www.thedti.gov.za/gazzettes/40941.pdf

Bladsy 1 van 3

Ora betonwerke proef Sept 2017

Artistia Food

Renosterberg lodge