ditsem website banner no 1 2017

-►ANN7 DStv en New Age koerant deur Manyi vir R450 miljoen verkoop aan blanke hater -►DA sê kernooreenkoms is sopas bewys as deel van Zuma staatskaping -►NWU Fakulteit van Ingenieurswese lewer unieke sonaangedrewe motor -►R30,4 million people in South Africa of 55% live in poverty – Stats SA -►Gesoek vir aanranding in SA – Grace Mugabe -►Zim-boere begin internasionale eiseproses oor hul gesteelde grond -►Pierre Spies groet rugby – wil werk vir minderbevoorregtes -►All Blacks legende Colin “Pinetree” Meads sterf op 81 -►Toestande in blanke plakkerskamp by Munsieville, Krugersdorp, uiters haglik -►Steve Hofmeyr sing Die Stem nogmaals in Bloem

Malema-mosie oor grondgryp in Parlement

Malema Malema http://www.thenewage.co.za

Op 28 Februarie 2017 het Julius Malema van die EFF 'n mosie in die Parlement ingedien dat alle swart lede van die Parlement moet besluit dat artikel 25 van die Grondwet gewysig moet word ten einde die weg te baan vir wettige aanvaarding deur die Parlement van die Wetsontwerp op Grondonteiening en die ondertekening daarvan deur pres. Jacob Zuma. Malema het gesê dat dit dan die weg sou baan vir grootskaalse onteiening van grond en bates van blankes in die land sonder vergoeding.
Dit is dan volgens hom wat werklike radikale ekonomiese transformasie vereis. Malema het 'n beroep gedoen dat swart mense saamstaan in hierdie saak en het uitdruklik gevra vir ondersteuning van sy mosie deur die ANC. Dit is egter in 'n stemming verwerp met 261 teen 33 stemme, met die ANC wat eendragtig daarteen gestem het, tesame met die DA, VF Plus en van die ander opposisiepartye.
In die debat het dr. Pieter Groenewald, leier van die VF Plus, gesê: Regmatige grondeienaars het gewerk en betaal vir hul grond. Hulle gaan nie daaroor jammer sê nie. Dit raak nie net boere en landbougrond nie, maar ook elke eienaar van grond in Suid-Afrika, van ‘n plaas tot ‘n huis in ‘n stad of ‘n dorp. Dit bly jammer dat wit mense altyd die sondebok gemaak word wanneer grondhervorming ter sprake is.In retrospek kan dit as 'n Godsbestiering beskou word dat hierdie gevaarlike mosie gekelder is, maar daarby wys ‘n politieke kommentator daarop dat die bittere vyandigheid tussen Malema en Zuma en tussen die EFF en die ANC spruit uit die feit dat Zuma 'n Zoeloe uit KZN is en Malema 'n Pedi uit die Limpopo provinsie.
Daar word dus gesê dat dit 'n etniese kwessie is wat spruit uit die vroeë 19de eeu toe die Zoeloes onder Tsjaka en Dingaan 'n Mfecane oftewel uitwissingsoorloë gevoer het teen ander stamme in die gebied wat later SA en buurstate sou word. In reaksie op die mislukte mosie van Malema gons dit behoorlik in radikale swart politieke geledere in die land, soos gepropageer op o.a. DStv kanaal 405 van die Gupta-beheerde ANN7 en word gesê dat die ANC koukus Zuma en die konsep van radikale ekonomiese transformasie teen wit monopolistiese kapitaal verraai het. Op 3 Maart het Zuma self hierby aangesluit in toespraak voor die Huis van Tradisionele Leiers en gesê daar moet 'n enkele wet aanvaar word wat grondonteiening sonder vergoeding sal magtig en vergemaklik. Sodoende het hom in beginsel by die EFF geskaar en stelling ingeneem teen die ANC-koukus.
In reaksie hierop het die leier van die DA Mmuso Maimane gesê dat Zuma oorboordgegaam het sy uitsprake oor grondhervorming, terwyl Cope-leier Mosiuoa Lekota gesê het grond in SA behoort aan die regmatige eienaars en as dit nou gevat word, aan wie sal dit gegee word?Dit is dus duidelik dat daar in swart geledere 'n kloof van verskil is oor grondgryp.

Gradeer die artikel
(0 stemme)

Lewer kommentaar

Vul al die vereiste velde in (*)

Barnard Bouers

wow kitsblits