ditsem website banner no 1 2017

Glybanier

-►Nog twee plaasaanvalle: Potch en Hoopstad -►Trump weier om ooreenkoms met Iran te sertifiseer -►R800 miljoen van Transnet-pensioenfonds deur Guptas gegaps -►Krieket: Proteas maak maalvleis van Bangladesjies -►Oostenryk nasionalistiese party met 31 jarige leier wen verkiesing -►Zuma 283 aanklagte: NVG gooi jakkalsdraaie -►Zuma-hofsaak: Schabir Shaik bereid om vir staat getuig -►Curriebeker: Haaie, Bulle, Leeus en WP maak halfeindstryd -►Tennis: Federer en Sharapova bo in twee Chinese toernooi -►OBK pensioenfondse van R1,3 miljard: Gigaba loods ondersoek

Snykant

Plaasaanvalle op blanke boere en hul gesinne gaan onverpoosd voort en hoewel presiese syfers nie beskikbaar is nie en moeilik beraambaar is, blyk dit uit deeglike navorsing wat Ditsem Nuus gedoen het dat daar sedert 1994 tot middel 2017 in totaal sowat 4 000 plaasaanvalle was, waarin 1 900 mense vermoor is, tallose lewenslank vermink is en slagoffers en naasbestaandes onbeskryflike trauma beleef het. Die ekonomiese verliese wat deur elke plaasmoord meegebring word, is enorm i.t.v. entrepreneur / werkgewer permanent verwyder, werksgeleenthede verlore, produktiewe ekonomiese eenheid ernstig benadeel of beëindig, verlies aan voedselproduksie, koopkrag negatief getref, e.s.m.

So kan dit nie aangaan nie. Dit is duidelik dat die ANC-regering en die SA Polisiediens nie die wil het om dit regtig te stop nie. Daar is geen geval dat 'n regeringsampsdraer na 'n boeregesin gegaan het en meegevoel en ondersteuning betoon het nie. Die laaste en enigste was waarskynlik Mosiou Lekota toe hy in die negentigerjare Vrystaatse premier was en die Van Vuuren-gesin in die Heilbron-distrik besoek het.

In 90%+ van gevalle is die aanvallers swartmense, met die res kleurlinge. In 90%+ gevalle is die slagoffers wit kommersiële boere, hul gesinne en in uitsonderlike gevalle hul werkers. Die uitermatige wreedheid en marteling waarmee die meeste gevalle gepaard gaan, is opvallend.

Ons sê die feite en statistieke wys veral vier aspekte uit:

  • Swart haat teenoor blank is die hoofmotivering vir die aanvalle.
  • Plaasaanvalle geskied met die stilswyende goedkeuring van die ANC-regering.
  • Plaasaanvalle, teen die agtergrond van onophoudelike haatspraak teen blankes in SA, neem eintlik die vorm aan van 'n onverklaarde burgeroorlog.
  • Plaasaanvalle in SA verteenwoordig ongelooflike dubbele standaarde in rassisme. Indien 'n blanke 'n swart of gekleurde persoon net skeef aankyk of beledig, word dit behandel as kriminele rassisme, maar t.o.v. die een na die ander swart op wit wreedaardige plaasaanvalle word die woord rassisme nie eens gefluister nie.

Daarom sê ons genoeg is genoeg. Ons beroep ons op die basiese rede vir staatsvorming: Die burgery verkies 'n owerheid en betaal aan hulle belastings om (a) hul lewens en eiendom te beskerm en (b) aan hulle bepaalde dienste te lewer, soos onderwys, regspraak, infrastruktuur, mediese geriewe, ens.

Dit word genoem “sosiale kontrak” tussen owerheid en burgery en indien die owerheid ernstig en aanhoudend in gebreke bly om sy kant te lewer, dan verval die sosiale kontrak. Wat dan oorbly, veral in die geval van lewe en eiendom, is dat mense geen keuse het as om die reg in eie hande te neem en self hul lewe en eiendom te beskerm nie. Die beveiliging van die lewe van jou naasbestaandes en jouself en jul regmatige eiendom, is die hoogste norm van sowel beskawing as oerwoud. Indien 'n regstaat dit nie vir jou waarborg nie, het jy die reg om die reg in jou eie hande te neem.

Word geluister na hedendaagse ANC- en ander radikale swart politieke retoriek, dan is die oorlogstromme besig om geslaan te word teen die blanke (lees Afrikaner/ Boer) in SA. As laasgenoemde dan wil oorleef en voortbestaan in sy geboorteland en vaderland, dan moet ag geslaan word op hierdie tromme en paslike stappe moet geneem word.

Ons sê paslike stappe sluit o.m. die volgende nege in:

  • Beveilig jou huis en plaas – en wat dit betref ook jou huis en perseel in die dorp of stad – maksimaal.
  • Hou 'n vuurwapen of meer byderhand en gebruik dit met spoed en vaardigheid om die lewens van jou mense, jouself en jou eiendom te beskerm voordat dit van jou ontneem kan word.
  • Werk aan die daarstelling van 'n atmosfeer en kultuur in SA waarin moorddadige aanvalle in huise en op plase geensins meer geduld word nie en waarin mense die reg opeis om hulself ten alle koste te beskerm – sonder bedreiging van inhegtenisname.
  • Sorg dat jy en jou naastes vaardig en paraat is in alle nodige vorme van selfverdediging.
  • Word deel van die plaaswagstelsel van georganiseerde landbou (AgriSA of TLU SA), of van 'n dorps- of stedelike buurtwagstelsel.
  • Ondersoek aansluiting en inskakeling by Projek Nehemia van AfriForum, in soverre dit vir jou voordelig mag wees.
  • Begin 'n gekoördineerde en doelgerigte veldtog van belastingweerhouding en betaal deel van jou belasting in 'n private veiligheidsfonds in, wat aanvullende diens tot die SAPD lewer, maar verseker terselfdertyd dat sodoende jy jou nie blootstel aan wettige kriminele vervolging nie.
  • Word deel van ‘n Witstrikkie-veldtog van mense wat oral wit strikkies dra as protes teen moorde en aanvalle op blankes deur swartes. Die witstrikkie kan gedra word op klere, voertuie, wonings, ens., terwyl nasionale sportspanne ook die veldtog behoort te steun.
  • Wees bedag op die nuutste uitstekende anti-geweldstegnologie beskikbaar – monitering op jou selfoon van jou perseel, geslotebaankameras, hommeltuigtegnologie, vroeë waarskuwingstelsels, ens. Sodanige tegnologie het heel bekostigbaar geword.

Laastens, volgens die Skrif is dit jou Christelike plig om jou lewe, dié van jou naasbestaandes en jou eiendom te beskerm. As 'n slaprug of verraderlike regering dit nie doen nie, het jy die verpligting om God meer gehoorsaam te wees as die owerheid.

Altyd moet die Christelike reg en liefde die riglyn wees. In elke optrede moet dit nagevolg word, met dien verstande dat die Skrif ook sê: Geregtigheid en vrede – eers geregtigheid en dan vrede en nie andersom nie.

Die tyd vir streep trek is hier.

Amerikaners is stomgeslaan ná die grootste massa skietvoorval in die geskiedenis van die land toe die 64-jarige Stephen Paddock met outomatiese gewere losgebrand het op 20 000 mense wat 'n Country musiekkonsert in Las Vegas bygewoon het en 58 doodgeskiet het en meer as 500 verwond. Geen motief vir die massaslagting deur die blanke Paddock, met geen vorige veroordelings nie, kon nog vasgestel word nie.

Pres. Donald Trump het namens die Amerikaanse nasie sy meegevoel betoon en gesê dat dit blyk dat dit die werk “van 'n mal man was wie se kop uitgehaak het.” Intussen woed die debat in die VSA oor vuurwapenbeheer eens so erg.

Die grootste vorige massa-skietslagting in die VSA was op 12 Julie verlede jaar toe Omar Mateen (29) in die Pulsegay nagklub in Orlando Florida 49 mense doodgeskiet het en 50 gewond het.

Katalonië as die noordoostelike provinsie van Spanje, wat 6,3% van die Spaanse grondgebied beslaan, oor 7,5 miljoen inwoners met eie taal en kultuur beskik en 20% van die BNP van Spanje lewer, wil graag afskei van Spanje en hul eie onafhanklike staat stig. Hierdie strewe kom al bykans twee eeue en het afgelope Sondag 'n hoogtepunt bereik met die hou van 'n referendum wat die Kataloniese streeksregering self uitgeroep het.

Kataloniese selfbeskikking word egter hewig teengestaan deur die Spaanse regering, wat die referendum as onwettig beskou en wat die Polisie ingestuur het om stemlokale te sluit en protesterende kiesers met geweld te verwyder. In die proses is Sondag meer as 1 000 mense in botsings met die Polisie beseer. Desnieteenstaande is die referendum tot 'n groot mate wel gehou en blyk dit dat meer as 90% van die stemgeregtigdes ten gunste van onafhanklikheid gestem het.

Die Kataloniërs onder hul leier Carles Puigdemont en met Barcelona as hoofstad bly egter vasbeslote oor hul eis vir selfbeskikking en dring hulle ten alle koste op verwesenliking daarvan aan. Die NWO, insluitende die Europese Unie, is sterk gekant teen die selfbeskikkingstrewe, terwyl aan die ander kant ondersteuning ontvang word van nasionalistiese en regse politieke partye regdeur die wêreld.

 

42 beeste ter waarde van R609 000 is op een slag van Johan Snyman (45) van die plaas Denopark in die Barkley-Wes-distrik helder oordag gesteel. Volgens Snyman, wat tydens die voorval by sy onderneming in Hartswater was, het die veediewe omstreeks 09:30 'n gat deur sy drade geknip waarna hulle vermoedelik die beeste aangejaag het. Die diere is volgens hom toe op 'n voertuig by 'n drukgang op 'n nabygeleë plaas gelaai. Die Polisie volg nog leidrade op.

Op inisiatief van Jannie Roux, 'n raadslid van Orania en sakeman, word twee Christelike naweekkampe vir Orania-inwoners gereël by die Amanzi Lodge & Wildreservaat, 15 km vanaf Brandfort. Die eerste kamp is vir manne die naweek van 20-22 Oktober 2017 en die tweede vir dames die naweek van 3-5 November. Die doel van die kampe is om die Christelike grondslag van inwoners van Orania te versterk by die gefokusde kampe, aangebied deur die interkerklike Woord-in-Aksie bediening, wat soortgelyke geleenthede al vir jare landswyd aanbied. Roux sê die grondslag van Orania is God-Drieënig en hy wil graag met die kampe help om hierdie grondslag te versterk. 60 x plekke is per kamp beskikbaar @ R550 per persoon, met die totale koste vir die mannekamp reeds betaal en kan manne vir wie dit finansieël dit moeilik is, dit gratis meemaak. Die koste sluit in verblyf, etes en vervoer. Roux sê besighede en instansies wat finansieël wil bydra tot die koste vir die dameskamp, is welkom om met hom te skakel. Hy neem in elk geval verantwoordelikheid vir die koste van die dameskamp. Vervoer per bus word nog gereël, maar indien mense met private vervoer kan help, sal dit waardeer word. Belangstellendes kan Jannie Roux kontak by 082 573 4575 of Hierdie e-posadres word van Spambotte beskerm. Jy moet JavaScript ontsper om dit te lees..
Uit 'n geskrewe antwoord op ʼn Parlementêre vraag van die VF Plus sê die Minister van Verdediging en Militêre Veterane Nosiviwe Mapisa-Nqakula dat daar in 2016 altesame 417 voorvalle van diefstal (272) en inbrake (145) by verskillende eenhede van die SA Nasionale Weermag (SANW) plaasgevind het. In reaksie hierop sê dr. Pieter Groenewald van die VF Plus: “Die plundering van bates van die SANW, insluitend wapens en ammunisie, terwyl daar byna geen suksesvolle vervolging is nie, is skokkend en dui op ʼn verval in die bevelstruktuur in die SANW. “Tot dusver was daar net 14 gevalle van suksesvolle vervolging, waarvan 11 vir diefstal en drie vir inbraak was, terwyl nie 'n enkele persoon suksesvol vervolg is vir die diefstal van wapens nie. ʼn Wye verskeidenheid items is gesteel, maar veral kommerwekkend is die groot voorkoms van die diefstal van wapens en ammunisie. Die diefstal van rekenaartoerusting kom ook wyd voor, maar letterlik alles word gestroop waarop diewe hul hande kan lê - van kos, batterye, petrol, drank, kontant, fietse, tuintoerusting tot kampeertoerusting, klere, motoronderdele, uniforms en dokumente.”
Volgens wat die Sunday Times berig, was twee voormalige tronkvoëls Gayton McKenzie en Kenny Kunene, deel van 'n SA regeringsafvaardiging wat met instemming van pres. Jacob Zuma Moskou verlede maand besoek het om met die Russiese maatskappy Rosgeo 'n olie- en gaskontrak van R5 miljard te onderhandel. McKenzie is 'n voormalige langtermyn gevangene, wat na sy ontslag na bewering gerehabiliteer is en sy eie politieke party, die Patriotic Alliance, gestig het, terwyl Kunene, ook met 'n tronkrekord, tans 'n flambojante nagklubeienaar is. McKenzie en Kunene vorm skynbaar die SEB segment van die onderhandeling met Rosgeo oor die ontginning van olie en aardgas aan die Suid-Kaapse kus. Ook in de afvaardiging na Moskou was Minister van Staatsveililgheid David Mahlobo en die voorsitter van die SA Sentrale Energiefonds Luvo Makasi

Plaasaanvalle met hul kenmerkende doodslag, ernstige beserings en diep trauma duur onverpoosd voort met in die Vrystaat die 53ste plaasaanval vanjaar toe Johnny Muller van die plaas Kimberley in die Frankfort distrik Sondagnag, 24 September 2017, in die kop en in die nek geskiet is en ernstig verwond is. Hy en sy vrou en twee kinders het teruggekom nadat hulle by vriende op die dorp geëet het en hy buite die huis deur twee aanvallers oorval is.

Nadat die gesin aangehou is en van 'n vuurwapen en ander besitting beroof is, het die aanvallers met Muller se bakkie ontvlug. Laasgenoemde is steeds in die intensiewe eenheid van 'n hospitaal in Bloemfontein.

Intussen is twee verdagtes aangekeer i.v.m. die gru-aanval verlede maand op die bejaarde Cooks-egpaar naby Potchefstroom, wat in die aanval kaal uitgetrek en aangerand is en met kookwater en warm olie gebrand is. Twee selfone, 'n rewolwer, 'n diamant- en pêrelring en ongeveer R300 kontant is tydens die voorval geroof.

Cyril Cooks, seun van die egpaar vertel: “Die aanvallers het water gekook, olie op die stoof warm gemaak en my pa daarmee gebrand. Hulle het o.m. die olie op sy gesig en rug uitgegiet en dit het diep blase gebrand. Hulle het ook plastiek gesmelt en dit oor my ma se borste en maag gedrup.” Cooks snr. is later in die hospitaal aan sy beserings oorlede.

Voorts is dr. Mariëtte Emslie, wat verlede week saam met haar man en dogter op 'n plaas naby Ellisras oorval is, steeds in die hospitaal met veelvuldige wonde. Haar lewer het geskeur toe die aanvallers haar geskiet het. Haar man, dr. Werner Emslie is in die aanval doodgeskiet. Hul dogter Barbara, wat agt onderskeidings in Matriek gehad het, is so in die aanval getraumatiseer dat sy sukkel met haar studies op universiteit.

Op die jongste uitgawe van die ranglys van die Wêreld Ekonomiese Forum (WEF), wat die politieke, ekonomiese en maatskaplike stand in lande monitor, het Suid-Afrika geval van 47ste posisie uit 137 lande na die 61ste plek. In kommentaar hierop sê adv. Anton Alberts van die VF Plus in 'n mediaverklaring: “Dit is insiggewend dat die WEF nie doekies omdraai nie en dit uitspel dat korrupsie, misdaad, diefstal, die onstabiliteit van die regering, hoë belasting, burokratiese rompslomp en ʼn swak werksetiek in die arbeidsmag die redes vir SA se ekonomiese kreeftegang is.

“Meer kommerwekkend is die feit dat basiese onderwys en gesondheid, waar die grootste deel van die land se begroting veral aan onderwys bestee word, as feitlik van die swakte in die wêreld gereken word en op nommer 121 uit die 137 lande geplaas word. Die enigste fasette waar Suid-Afrika wel vooruitgang toon, soos die grootte, gesofistikeerdheid en innovasie van die sake-omgewing, is die dele waar die privaatsektor die bydraes lewer en presteer ten spyte van die ANC-regering se swak beleid en gedurige inmenging.

“Die feit dat Rwanda, ʼn Afrika-land wat enkele jare voor Suid-Afrika se oorgang na demokrasie in ʼn burgeroorlog vernietig is, Suid-Afrika op die ranglys verby gesteek het, is ʼn goeie aanduiding van hoe sleg die ANC die land bestuur.”

Volgens inligting in die Vrystaatse Wetgewer verskaf deur die LUR vir Ekonomiese Ontwikkeling, Toerisme, Omgewingsake en Kleinsake Ontwikkeling, dr. Benny Malakoane, is nog ‘n maatskappy genaamd Etsho deur die Vrystaatse Ontwikkelingskorporasie aangestel om vir die omstrede Vrede Suiwelprojek van die Guptas ‘n “omkeerstrategie” te implementeer teen ‘n koste van R32,5 miljoen oor ‘n driejaartydperk.

Daarby bestee die Vrystaatse Dept. van Landbou 'n verdere R20 miljoen per jaar in die projek. Dit blyk dat die suiwelprojek tans R450 000 per maand inkomste genereer, teenoor 'n maandelikse uitgawe van R1,5 miljoen.

Dit kom nadat die Vrystaatse regering reeds R184 miljoen in die projek, oorspronklik genaamd Estina, belê het, R30 miljoen waarvan gebruik is om vir die veelbesproke Gupta-troue by Sun City te betaal.  

Bladsy 1 van 14

Ora betonwerke proef Sept 2017

Artistia Food

Renosterberg lodge