Tinus Nortje Eiendomme proef April 2017.jpg

Snykant

Die vakbond Solidariteit het ʼn reusevergoeding namens twee van sy lede in die Dept. van Korrektiewe Dienste (DKD) bekom nadat hulle oor die hoof gesien is vir betrekkings weens die DKD se regstellende aksie-beleid. Mnre. Marren en Twala het elkeen bykans R 200 000 as vergoeding ontvang weens onregmatige diskriminasie teen hulle. Hierdie reusebedrag is meer as die norm en Solidariteit is verheug oor die sukses. Nie een van die twee het die kortlys vir die poste gehaal waarvoor hulle aansoek gedoen het nie, ten spyte van die feit dat hulle die mees geskikte kandidate vir die vakante poste was.

In 'n mediaverklaring sê VF Plus-leier, Pieter Groenewald: “Die ANC-regering sloer opsetlik en vir eie politieke gewin met grondhervorming. ʼn Bewys hiervan is dat daar in byna 20 jaar steeds eise is wat nog nie afgehandel is nie. Dit is vir die ANC belangrik dat sy president moet rondgaan en vir die mense sê hulle kan nie grond kry nie want die witmense het dit gesteel en daarom moet dit eers onteien word sonder vergoeding. Dit is ʼn gevaarlike politieke speletjie want dit plaas voedselsekerheid en sekuriteit op die spel. Dit is maklik om te sê wittes besit 80 % van grond in Suid-Afrika. Die minister moet sê of dit waar is. Ek vra reeds sedert 2004 vir ʼn oudit oor grondbesit. In 2015 het die ANC in sy eie beleidsdokumente gesê die tweede fase van die oudit sal beskikbaar wees teen September 2015. Hierdie tweede fase is baie belangrik, want dit sal die ras en geslag van grondeienaars aantoon. Nou is ons reeds in 2017. Waarom word dit nie bekend gemaak nie? Die antwoord is dat dit die ANC pas. Die regering kan nou aan mense sê die beloftes wat oor grond gemaak is, sal nagekom word sodra die struikelblokke uit die weg geruim is. Die regering moet nou die grond in sy besit aan die mense gee. Tot nou toe is net 1 uit elke 10 titelaktes van grond wat deur grondhervorming oorgedra is, aan die nuwe eienaars oorhandig. 90% van die titelaktes is by die regering en besit die staat steeds die grond. Waarom dra die regering nie die titelaktes aan die nuwe eienaars oor nie? Dit word nie gedoen nie omdat dit die ANC se politieke agenda pas. Die minister het gesê hy het van Zimbabwe geleer om grond nie net te gryp nie en dat dit wettiglik gedoen sal word. Maar die ANC is tans besig om grondgryp deur die staat te wettig. Die regulasies wat die Waardeerder Generaal (WG) hieroor gepubliseer het, maak dit duidelik dat eienaars minder as die markwaarde, en selfs tot net die helfte daarvan, kan kry. Ek wil aan die mense van Suid-Afrika sê om na hierdie regulasies te kyk. Hulle moenie dink dit is net landbougrond wat ter sprake is nie. Dit raak alle eiendom in Suid-Afrika. As die nuwe Onteieningswet in plek is, gaan die regulasies van die WG op almal se eiendom van toepassing wees. Dit sluit ook ontroerende eiendom in. Hierdie regulasies is die rooi vlag wat vir grondeienaars sê om wakker te skrik en hul besware teen die wet in te dien,” aldus Groenewald.

In 'n boek The lie of Apartheid and other true stories from South Africa deur Arthur Kemp en reeds in 1988 gepubliseer, word verstommende feite gegee oor wat die destydse blanke regering gedoen het om Suid-Afrika as 'n staat te ontwikkel en spesifiek hoeveel gespandeer is op die ontwikkeling van swart mense. Dit geld veral ontwikkeling van onderwys, hospitale, sportgeriewe, infrastruktuur, ens. vir swartmense. Dan word daar nog nie eens gepraat van die miljarde wat ingesteek is in die ontwikkeling van swart tuislande nie. Vir meer besonderhede oor die boek, kiek hier. Die feite in die boek sal natuurlik betwis word, maar die vraag is of dit verkeerd bewys kan word. Die boek toon die infame leuen van sg. kriminalisering van sg. apartheid, wat in elk geval 'n wanbegrip is.

Volgens Hans Britz, DA-raadslid en eens finansiële hoof van Mangaung Metro Munisipaliteit, beloop die uitstaande dienstegeld verskuldig aan die metro sowat R4 miljard – met geen aanduiding dat vordering met invordering gemaak word nie. Terselfdertyd beloop die onbetaalde rekening van die metro by Bloem Water as die waterverskaffer aan die munisipaliteit sowat R350 miljoen. Inmiddels, volgens Britz, soos aangehaal in Volksblad, staan 'n multimiljoenrand ontwikkeling – die grootste nóg in Bloemfontein – wat in die Bram Fischer Lughawegebied beplan word en duisende werksgeleenthede moet skep, doodstil. Geen verstaanbare kommentaar oor hierdie toedrag van sake kon nog van enige senior ampsdraer van die metro verkry word nie.

Volgens erkenning van 'n woordvoerder van die Vrystaatse Dept. van Openbare Werke en Infrastruktuur is reeds sowat R36 miljoen vrugteloos gespandeer om die ou Ramkraaltronkgebou in Batho, Bloemfontein voor te berei vir omskepping in 'n nuwe gebou vir die Vrystaatse Wetgewer. Verbeteringe op die perseel is gevandaliseer, terwyl miljoene tevergeefs op konsultante en beplanners bestee is. Volgens die woordvoerder moet honderde miljoene rand nog deur die Vrystaatse regering bekom word om die nuwe gebou tot stand te bring. Hy weerlê gerugte onder regerings- en sakelui dat die uitgawes tot nou reeds meer as R150 miljoen beloop. Die provinsiale regering werk nou saam met verskeie vennote om geld vir die bouery bymekaar te maak. Dié besluit om die gebou by Ramkraal te bou, staan steeds, aldus die woordvoerder.

Die SA Raad van kerke (SARK) het 'n verslag van hul eie oor staatskaping vrygestel, wat grootliks dieselfde lyn volg as die verslag van die voormalige OB Thuli Madonsela verlede jaar. By die bekendstellingsgeleentheid in Soweto het die sekretaris-generaal van die SARK, biskop Malusi Mpumlwana, o.m. gesê (in Afrikaans vertaal): Ons het nou vasgestel dit wat na chaos en onstabiliteit in ons regering lyk, is eintlik 'n sistemiese ontwerp van waansin wat ons regeringsomgewing siek maak – 'n chaotiese ontwerp. Ons doen 'n beroep op die ANC as die regerende party om selfondersoek in te stel en dié maner van regeer stop te sit voordat dit te laat is. In die versigtige ontleding van ons verslag word tendense uitgelig van onvanpaste beheer oor staatstelsels deur 'n magselite wat draai om die president wat die staat se bates stelselmatig opsuig.”

Die potensiële skadelikheid van die voorgestelde Wetsontwerp op die Regulering van Landbougrondbesit word in 'n mediaverklaring deur die Solidariteit Navorsingsinstituut (SNI), soos volg uiteengesit: “Die omstrede wetsontwerp is 'n poging deur die regering om beheer oor die landbou te verkry d.m.v. ʼn reeks regulatoriese intervensies. Hierdie intervensies poog om onder andere die volgende in te stel: ʼn grondkommissie, ʼn register van landbougrondeienaarskap waarin ras, geslag en nasionaliteit aangedui moet word, ʼn verbod op die verkryging van landbougrond deur buitelanders, kategorieë van plafonne wat die besit van landbougrond beperk, en om sekere grondgedeeltes wat die aangewese plafonne oorskry as landbougrond vir hertoewysing te oormerk. Daar heers tans onsekerheid in die landboubedryf oor die presiese uitwerking van die wetsontwerp, maar dit sal waarskynlik skadelik vir die ekonomie wees. Solidariteit se aanbeveling is dat die wetsontwerp teruggehou moet word totdat ʼn deursigtige sosio-ekonomiese koste-voordeel-analise uitgevoer is en dit aan ʼn openbare ondersoek onderwerp word. ʼn Verdere problematiese aspek is dat dit moeilik is om die presiese ekonomiese impak te bepaal omdat daar onsekerheid bestaan oor die werklike aard van die genoemde plafonne.” Vir meer besonderhede, kontak Gerhard van Onselen by 079 522 5764 of Hierdie e-posadres word van Spambotte beskerm. Jy moet JavaScript ontsper om dit te lees..

Die Vereniging van Regslui vir Afrikaans (VRA) het 'n veldtog van stapel gestuur om te veg vir die gebruik van Afrikaans en al die ander inheemse tale in howe ten einde te voorkom dat slegs Engels gebruik word. Dit volg na die onlangse kennisgewing van regter-president Hlope aan die Kaapse Balieraad dat alle howe in die Wes-Kaap met onmiddellike effek slegs Engels as taal van rekord moet gebruik. Dit blyk daar was geen konsultasie met belanghebbende regslui soos die VRA nie en ook nie met die Afrikaanse gemeenskap nie. In effek beteken dit dat Afrikaans en die ander inheemse tale deur hierdie tipe besluite heeltemal uit die howe gedwing en word Engels in die kele van die publiek afgedruk. Inmiddels wat slegs die Wes-Kaap betref, verkies ʼn groot persentasie advokate by die Kaapse Balie verkies om eerder hul hofstukke in Afrikaans op te stel. Regslui wat die VRA in hul veldtog wil steun, kan die nodige vorm by www.vra.co.za voltooi. Vir meer besonderhede, kontak Tiaan van Dyk, voorsitter van die VRA, by 082 825 8876.

Die SA Menseregtekommissie (MRK) het onlangs sy bevinding op die klag van haatspraak en aanhitsing tot rassehaat wat die Volksraad en die HNP op 21 Januarie 2016 teen pres. Jacob Zuma by dié instelling gelê het, bekendgemaak Die klag is aanhangig gemaak na aanleiding van Zuma se uitlating dat die blankes die grond van Suid-Afrika by die Swartes sou gesteel het. Na ‘n beredenering van 12 bladsye het die MRK o.m. bevind: “Upon an in-depth consideration, the Commission is satisfied that the statement is unlikely to cause the serious and significant hurt or harm to White persons as required by the law, and it is further unlikely to promote or propagate hatred. On this basis, the Commission is unable to find that the statement in question constitutes hate speech. In the circumstances of the current complaint, the Commission is unable to make a finding of a human rights violation, and will accordingly proceed to close its file herein.” Die Volksraad het gesamentlik teen die bevinding geappelleer, maar die MRK het gereageer dat dit weens werksdruk ‘n geruime tyd sal duur voordat die appèl oorweeg sal word.

Hordes het haar huis omsingel en aangedring dat sy na buite kom. Daar het hulle haar rondgestamp en -gepluk en met messe gedreig. Hulle het haar gedwing om hulle toegang tot haar bakkie te gee sodat hulle daaruit petrol kon tap om haar huis aan die brand te steek, d.w.s. petrol uit haar voertuig om haar huis af te brand. Uit vrees kon sy nie petrol uit haar bakkie kry nie, maar hulle het nogtans haar huis aan die brand gesteek en dit het tot op die grond afgebrand. Haar twee honde, budgies en voëls wat in die huis was, het ook doodgebrand. Sy het net met die klere aan haar lyf ontkom. Kyk 'n videogreep hier. Sover bekend, is nog niemand oor die voorval in hegtenis geneem nie, het geen ANC-regeringsleier haar besoek nie en word geen woord van rassehaat oor die voorval gerep nie. Die vraag is hoe lank gaan blankes / Afrikaners hierdie ergste rassediskriminasie in die wêreld en eintlik onverklaarde burgeroorlog teen hulle stilswyend en met gevoude hande betrag?

Bladsy 1 van 7

Tridor.jpg

Fabricia proef Maart web 2017.jpg

Die potensiële skadelikheid van die voorgestelde Wetsontwerp op die Regulering van Landbougrondbesit word in 'n... http://fb.me/6u2XvqRsc     https://www.facebook.com/KimPrint-General-Printers-990694727706008/?fref=ts … http://fb.me/38IJKAb0D     Franse Ope: Maria Sharapova nie gekeur nie; Roger Federer onttrek t.w.v. Wimbledon    Paarl Boys High sit Grey Bloemfontein ore aan en bly beste skoolrugbyspan in die land    Naspers betaal R5,6 miljard vir aandeel in Duitse aanlyn kosbestellingsdiens Delivery Hero    Discovery Health in 2016 eiesestyging van 10,4% tot R36,6 miljard, maar premie-inkomste R54 miljard    Die boek The Republic of Gupta – A Story of State Capture gooi meer lig op Guptas in SA en verhouding met Tabo Mbeki    Trump onder skoot van NWO oor vriendelikheid jeens Rusland, met Putin skynbaar ook anti-NWO       DAG 3 @afriforum in hof #GodsdiensInSkole hofsaak @solidariteit @fedsas1 @Jaco_Deacon @SolidariDirk #religioninschoolspic.twitter.com/yfnjwdDAVi    Mei uitgawe van Ditsem Nuus is uiteindelik hier!! Laai die PDF hieronder af, of gaan na ons webwerf... http://fb.me/8BUPW3t9P              Blitsbokke wen Sewes Wêreldkroon 2017!    Ditsem Nuus druk nou 5 000 koerante maandeliks plus aanlynpublikasie    Voorbidding gevra vir saak Christelikheid in skole – Mei 2017 in Suid-Gautengse hooggeregshof    Met oorwinning oor Haaie wys Kings hulle moet in Super-reeks bly    Venezuela in wanorde teen gevolge van “radical economic transformation”    Pro-EU Macron nuwe Franse president; nasionalistiese Le Pen uitgeknikker

ATKV