ditsem website banner no 1 2017

Glybanier

-►Nog twee plaasaanvalle: Potch en Hoopstad -►Trump weier om ooreenkoms met Iran te sertifiseer -►R800 miljoen van Transnet-pensioenfonds deur Guptas gegaps -►Krieket: Proteas maak maalvleis van Bangladesjies -►Oostenryk nasionalistiese party met 31 jarige leier wen verkiesing -►Zuma 283 aanklagte: NVG gooi jakkalsdraaie -►Zuma-hofsaak: Schabir Shaik bereid om vir staat getuig -►Curriebeker: Haaie, Bulle, Leeus en WP maak halfeindstryd -►Tennis: Federer en Sharapova bo in twee Chinese toernooi -►OBK pensioenfondse van R1,3 miljard: Gigaba loods ondersoek

Snelnuusbaan

In Hong Kong, een van die mees internasionale en digsbevolkte gebiede in die wêreld en wat in 1997 deur Brittanje aan Kommunisties-Chinese beheer oorgegee is ná 150 jaar van Britse administrasie, vind tans oorkokende betogings ten gunste van demokratiese vryhede plaas. 'n Konstante stryd, wat sporadies in geweld oorslaan, woed tussen die Chinese regering en plaaslike pro-demokratiese groeperinge oor 'n owerheid in Hong Kong wat een van die twee kante simpatiek gesind kan wees.

Verlede week het betogers 'n mensestroom van 5 km lank gemonster, maar tot dusver het die Chinese regering daarin geslaag om hul ystergreep te behou.Dit is egter duidelik dat die Chinese regering in Hong Kong met 'n yslike probleem sit.

Hong Kong met 'n oppervlakte van 1 104 km2 en 'n bevolking van nagenoeg 7,2 miljoen, is een van die mees digsbevolkte gebiede in die wêreld – nagenoeg 6 300 mense per km2. Dit is een van die sterkste finansiële sentra in die wêreld met wat beskou word as een van die bevolkings met die hoogste intelligensie-koëffisiënt ter wêreld. Sowat 93% van 'n andersins besonder kosmopolitiese bevolking is Han Chinese.

Die gebied word beskou as en van die rykste stede in die wêreld met meer Rolls Royce motors per persoon as enige ander streek op die aardbol. Hong Kong het ook die grootste aantal wolkekrabbers in die wêreld – meer as 7 000 geboue het 14 verdiepings of meer.

Die Koerdiese volk in die Midde Ooste streef al vir eeue om as 'n volk in eie reg erken te word en hul eie grondgebied te bekom vir onafhanklikwording. Hierdie oorwegend Christen-mense het egter al baie gely ter wille van hul eie identiteit, veral onder Moslem-beheerde regerings in Irak, Sirië en Turkye, waar hul rondswerf en telkens deur koloniaal-vasgestelde grense benadeel word. Desondanks bly die strewe na volwaardige selfbeskikking onwrikbaar.

Op 25 September 2017 het sg. Koerdistan in Irak ondanks heftige teenkanting 'n referendum oor onafhanklikheid gehou en na berig word was 93% van die stemme uitgebring ten gunste van onafhanklikheid. Die uitslag van die referendum is deur die Irakese regering verwerp. Die Koerdiese strewe word gelei deur die Koerdistan Demokratiese Party, die Patriotiese Unie van Koerdistan en die Koerdistan Islamitiese Unie, wat onderskeidelik 28, 18 en 10 setels in die Koerdistan Streeksparlement het.

Ingrypende veranderinge vir die motornywerheid is voorspel by 'n konferensie van die Vereniging vir Motor Nywerheidswerkswinkels oftewel Motor Industry Workshop Association (MIWA), wat op 27 September 2017 gehou is. Verskillende sprekers by die konferensie het verstommende scenario’s voorgehou van hoe die motornywerheid oor die volgende 10 jaar daaruit kan sien.

Die belangrikste verandering wat voorsien word, is dat voertuie met binnebrandenjins grootliks vervang gaan word deur hibriede of elektriese voertuie, wat a.g.v. ekonomie van skaal drasties goedkoper gaan word. Die onderhoudskoste van nuwe energiemotors gaan waarskynlik minstens 10% goedkoper wees, terwyl 'n elektriese motor 20 onderdele het teenoor die 2 000 van 'n binnebrandenjin.

Voorts gaan bv. in die VSA openbare vervoer, o.a. a.g.v. die Uber konsep, sodanig ontwikkel en goedkoper word, dat 'n gesin sowat $5 000 oftewel R68 000 per jaar gaan spaar deur nie 'n private voertuig aan te hou nie, terwyl teen 2030 die verkope van nuwe motors in die VSA na vooruitskatting met 70% gaan daal. Strukturele veranderinge in die motornywerheid kan 'n impak hê op verbruikerspatrone oor 'n veel wyer front as net die nywerheid self.

Volgens die navorsingsfirma GFK South Africa het die verkope van slimfone in die eerste ses maande van vanjaar met 17% gestyg, terwyl die verkope van tablette met 40% geval het. Terselfdertyd het in hierdie tydperk die verkope van gewone selfone met 23% gedaal.

Die verkope van slimfone maak sowat 64% uit van die verkope van alle selfone, terwyl “gewone” selfone 38% van verkope verteenwoordig. In 2016 was die verhouding 58% slimfone en 42% selfone.

In die eerste helfte van die jaar het die verkope van skootrekenaars nie gegroei nie en is 295 000 eenhede verkoop. Dit volg op 'n daling van 20% in 2016.

Terwyl SA Airways 'n bodemlose put is waarin miljarde rand belastingbetalergeld al vir jare gegooi word om die lugdiens operasioneel te hou, word die plaaslike private lugmaatskappy Comair met sy lugdiens kulula.com jaarliks hoogs winsgewend bedryf. Sedert 1999 het die regering reeds 'n totale reddingsboei van R14,4 miljard vir die SAA opgedok, terwyl Minister van Finansies Malusi Gigaba tans op soek is na 'n verdere R10 miljard, waarvan R3 miljard pas uit die nasionale begroting gehaal is.

In teenstelling daarmee het Comair vir kulula.com pas weer 'n wins van R197 miljoen vir die jongste finansiële jaar aangekondig – 'n styging van 54% op die vorige jaar. Dit blyk dat Comair die enigste lugmaatskappy ter wêreld is wat vir 71 agtereenvolgende jare 'n bedryfswins getoon het.

Dit wil dus in alle opsigte voorkom asof die probleem met SAA eenvoudig 'n bestuursprobleem is – dit is die jokkie en nie die perd nie.

In antwoord op 'n Parlementêre vraag van die VF Plus het Minister van Finansies, Malusi Gigaba gesê die wet maak nie voorsiening vir die beskerming van die Staatsdienspensioenfonds (SPF) onder die jurisdiksie van die Beregter van Pensioenfondse nie. In reaksie hierop sê die VF Plus in 'n mediaverklaring: “Die minister se kort en sinnelose antwoord moet gelees word teen die agtergrond van die druk wat geplaas word op dr. Dan Matjila, uitvoerende hoof van die Openbare Beleggingskorporasie (OBK), om die SPF se fondse te belê in staatsbeheerde entiteite en sodoende die SPF-beursie oop te maak vir verdere stroping.

“Op 14 Junie vanjaar het die Adjunk-president op ʼn mondelinge vraag in die Parlement geantwoord dat dit ʼn sinvolle idee sou wees om die SPF onder die beskerming van die Beregter te plaas. Dis is duidelik dat die minister nie sy siening deel nie.”

'n Herdenkingsgeleentheid ter viering van Hervorming 500 jaar gelede toe Marten Luther sy 95 Stellinge op 31 Maart 1517 teen die Wittenbergse Katedraal in Duitsland vasgeslaan het, vind plaas op 28 Oktober 2017 by die Reformasie Gedenkmuur in die distrik Theunissen. Die program, wat om 10:00 'n aanvang neem, bestaan o.a. uit 'n oorsig deur dr. Jann Schlebusch oor die aanloop tot die Hervorming, 'n profielskets van Marten Luther deur dr. Morné Diedericks, 'n evaluasie van die gevolge van die Hervorming tot en met Jan van Riebeeck deur ds. Hannes Noëth. Vir meer besonderhede kontak Helena by 071 933 9110 of Sharlene by 072 2180 356 of Hierdie e-posadres word van Spambotte beskerm. Jy moet JavaScript ontsper om dit te lees..
Leier van die DA Mmusi Maimane het aangekondig dat Kaapstadse burgemeester Patricia de Lille en 'n lid van die Kaapstadse Burgemeesterskomitee JP Smith tydelik uit alle DA-aktiwiteite geskors is. Hulle gaan egter normaalweg met hul amptelike pligte voort. Hul skorsing beïnvloed egter nie hul kandidatuur by enige verkiesing van DA-besture nie. Die skorsing is hangende 'n ondersoek wat skynbaar verband hou met 'n sekuriteitsheining en ander verbeterings wat by die private woning van De Lille aangebring is, hoewel in die media bespiegel word dat die dieperliggende rede gekoppel is aan faksiestryde binne die DA. Volgens die amptelike DA mediaverklaring doen die party ondersoek na die “politieke bestuurs- en regeringsituasie in die Stad van Kaapstad”. Hierdie skorsings volg op die debakel rondom die skorsing van Wes-Kaapse premier Helen Zille vroeër vanjaar en wat 'n ernstige skadu oor die DA gegooi het as 'n party met veelrassige harmonie. As gevolg daarvan was daar duidelike tekens van vervreemding van blankes jeens die DA.
Verlede naweek is Irma van Deventer (22) van Bethlehem in haar ouerhuis waar sy alleen was, deur 'n aanvaller met 'n mes verskeie kere in die kop, nek en een long gesteek. Haar hande is ook erg gesny toe sy die aanval probeer afweer het. Sy is geopereer nadat haar long platgeval het en is tans in 'n ernstige toestand in die waakeenheid van die Hoogland MediClinic in Bethlehem. Ten tye van die voorval was haar ouers oppad terug van Sasolburg waar hulle gekuier het. Irma het 'n ruit gehoor breek en haar broer Ruan gebel, wat die TLU Vrystaat Veiligheidsafdeling sowel as 'n veiligheidsmaatskappy geskakel het. Die aanvaller het haar met die mes oorval en gesteek, maar die reaksie van die veiligheidsinstansies was so vinnig dat die aanvaller nog in die huis aangetref en in 'n worsteling deur 'n veiligheidswag doodgeskiet is.

Groot skeptisisme heers oor die versekering wat Minister van Finansies Malusi Gigaba eergister gegee het dat die R1 800 miljard van die Openbare Beleggingskorporasie (OBK) veilig is en nie aangewend sal word om sinkende staatsbeheerde maatskappye te red nie. Dit volg op berigte in die Sondagmedia dat Gigaba en die Tesourie namens “hoër gesag” onbehoorlike druk uitgeoefen het op die uitvoerende hoof van die OBK dr. Dan Matjila om toegang tot die fondse van die OBK te kry.

Min besonderhede is bekend oor 'n “dringende” vergadering afgelope Woensdag wat Gigaba met die raad en bestuur van die OBK gehad het, maar op die mediakonferensie na die tyd het Matjila so mak soos 'n lammetjie voorgekom en ontken dat daar druk op hom uitgeoefen was. Dit is op hierdie mediakonferensie wat Gigaba sy versekering gegee het – 'n versekering wat deur ingeligte waarnemers bevraagteken word, veral in die lig van die “skoonmaakaksies” wat Gigaba al namens pres. Zuma uitgevoer het, soos bv. in die bestuur van die Tesourie besture van staatsbeheerde maatskappye.

Bladsy 1 van 12

Ora betonwerke proef Sept 2017

Artistia Food

Renosterberg lodge