ditsem website banner no 1 2017

Glybanier

-►11 000 Polisiebeamptes het nie bevoegdheid om vuurwapen te dra nie -►Hernude betogings op UV-kampusse verwag -►Reddersburg het nie water, maar inwoners kry rekeninge van R2 000 -►Vanderkloof en Hopetown ly swaar onder Eskom-beurtkrag a.g.v. bankrot munisipaliteite -►Ditsem Nuus webwerf www.ditsem.net handhaaf tans sowat 21 000 besoekers per maand -►Brian Dames skud Eskom-sakpatats uit -►Zuma verstewig staatskaping met greep op Energie, Staatsveiligheid en SABC -►Koerdiese selfbeskikking gewelddadig teengestaan deur Irak, Sirië en Iran -►Legendariese Juan Smith hang stewels finaal op -►19-jarige Wiaan Mulder vir Protea krieket gekies

Tragiek van sportkwotas

Die toepassing van rassekwotas het SA sport al ontsaglike skade berokken, soos dat ‘n blanke sportman of –vrou nie vir ‘n span gekies kan word nie, al is hy / sy op meriete die beste keuse. Ook weet ‘n sportpersoon van kleur dikwels dat hy / sy nie werklik die eer verdien om in ‘n span te speel nie.

Dit geld veral vir nasionale spanne. So gaan baie talentvolle sportlui verlore en groot getalle van hulle gaan dan inderdaad hul heil oorsee soek aan die hand van aanloklike finansiële aanbiedinge.

Nog ‘n tragiek is dat SA spanne dikwels die onderspit moet delf teen buitelandse spanne in gevalle waar hulle, indien hulle op vol meriete sterkte was, bo kon uitgekom het.

Dit is egter nie net op deelname vlak waar sport in die land benadeel word nie, maar ook op afrigters-, keurder- en administrateursvlak. So kom dikwels nie die beste mense in die uitvoerende posisies nie en word sodoende die sportstruktuur verder verswak.

Kwotas in sport is afgesien van die blote onregverdigheid daarvan, ook blatante rassediskriminasie, is dit strydig met die SA Grondwet en is dit strydig met die bepalings van alle internasionale sportkodes. Desondanks sportkodes kom die ANC-regering weg met feitlik moord en is die vraag hoe lank blanke sportgeesdriftiges nog genoeë gaan neem met hierdie skreiende onreg.

Een van die klassieke voorbeelde was die Krieket Wêreldbeker in Maart 2015 toe Minister van Sport Fikile Mbalula op die laaste nippertjie ingemeng het met ‘n wennende Proteaspan en aangedring het dat opvorm snelbouler Kyle Abbott (blank) vervang moet word met herstel-van-besering Vernon Philander vir die halfeindstryd teen Nieu-Zeeland – ‘ n wedstryd wat ‘n gedisoriënteerde Proteaspan met 4 paaltjies verloor het.

Die emosionele trauma wat dit vir die spelers veroorsaak het, het lank gevat om verwerk te word. Steeds loop die kwota spook sterk en hoe dit bv. al Springbokrugby gepootjie het en toetswedstryde gekos het, het nie verdere verduideliking nodig nie. Die ANC het reeds aangedui dat vir die Rugby Wêreldbeker in 2019 die helfte van die span gekleurd moet wees. Tans hang uitsluitsel oor Allister Coetzee as afrigter met sy swak rekord in die lig omdat Mbalula nie ‘n blanke kandidaat soos Johan Ackerman, Jake White of Franco Smith wil goedkeur nie.

Ook in ander sportsoorte en natuurlik ook op skole- en studentevlak bly die kwotadeuntjie dieselfde en steeds bly die vraag hoelank regdenkende Suid-Afrkaners nog met hierdie situasie gaan saamleef?

Gradeer die artikel
(0 stemme)

Lewer kommentaar

Vul al die vereiste velde in (*)

Meer in die kategorie:

Ora betonwerke proef Sept 2017

Artistia Food

Renosterberg lodge