Orastad 2

Glybanier

-►Gruwelike en Godskreiende rassistiese dubbele standaarde -►Plaasmoorde is terreur en nie bloot misdaad nie – AfriForum -►Opstand teen plaasterreur: Landswye vloedgolf -►Dave Miller vinnigste 100tal in T20 krieket – vanaf net 35 balle -►WP Curriebekerkampioene 2017 – steeds die beste SA rugbyreeks -►Nuwe boek “The President’s Keepers” onthul Zuma as “gangster” -►Groot vragmotor ploeg in Swart Maandag-optog in

Die Dept. van Handel en Nywerheid het die gedeeltelike heropening van die gewilde Vervaardigingsmededingendheid Bevorderingsprogram (in Engels afgekort as MCEP) aangekondig. Die program het ten doel om die vervaardigingsektor as ‘n sleutelbedryf vir ekonomiese groei, te bevorder en bestaan nou uit ‘n leningskomponent van R1 miljard, wat verdeelis in ‘n lenings- en skenkingskomponent. Vroeër is die MCEP in Oktober 2015 gestaak weens ‘n gebrek aan fondse by die Nasionale Tesourie en dit nadat sowat R4,1 miljard van die oorspronklike begrote R7,2 miljard aan 1 153 entiteite bestee is. Die program, wat hoofsaaklik deur die IDC geïmplementeer word, stel hoë grade van swart ekonomiese bemagtiging as vereiste en is nie toeganklik vir ‘n blanke entrepreneur op sy/haar eie nie. Vir meer besonderhede, besoek www.dti.gov.za.

Op die jaarlikse Volksblad Sportsterre-dinee is Wayde van Niekerk aangewys as Sportster van die Jaar, Lood de Jager as Sportman van die Jaar, Karla Mostert as Sportvrou van die Jaar en Louzanne Coetzee as Sportster met Gestremdheid van die Jaar. 

Creamer Media berig dat die WNNR (CSIR in Engels) ‘n nuwe vingerdruk-skanderingstelsel vir gebruik op misdaadtonele ontwikkel het en wat funksioneer deur sg. hoëspoed, grootvolume optiese koherente tomografie (OKT). Dit vervang die omslagtige poeierkwasmetode wat tans deur die SAPD en ander wetstoepassers gebruik word. Die nuwe stelsel skandeer vingerafdrukke sonder dat fisies kontak gemaak word en dan korreleer dit onmiddellik digitaal met vingerafdruk-inligting op ‘n databasis. Die nuwe stelsel, wat drie-dimensioneel opereer, kan ook in talle ander toepassings gebruik word, bv. deur die Dept van Binnelandse Sake, in private sekuriteitsbeheer, ens. Die stelsel pas in ‘n groterige kartondoos in en is maklik vervoerbaar. Vir meer besonderhede, volg hierdie skakel.

Die eerste van ’n reeks veiligheidsberade wat die SAPD in samewerking met Vrystaat Landbou in die Vrystaat hou, het op 21 September 2016 by Bobbiespark in Bloemfontein afgeskop. Die berade het ten doel die bevordering van landelike veiligheid in die provinsie. ’n Veiligheidsberaad van hierdie aard is reeds verlede jaar te Bothaville aangebied, terwyl ’n beraad oor veediefstal verlede maand te Harrismith gehou is. Die hooffokus van die berade is om landelike veiligheidskwessies openlik te bespreek, terwyl samewerking binne die raamwerk van die Landelike Beveiligings Plan (LBP) teen misdaad ook hoog op die agenda is.  Van die besprekingspunte wat tydens die beraad te Bloemfontein uitgelig is, sluit in: Aksieplanne en inoefeninge van landelike veiligheidsinisiatiewe / Profielbepalings van plase en die vloei van inligting / Landelike veiligheidsvergaderings en die belangrikheid van bywoning deur alle rolspelers / Gebrekkige mannekrag en toerusting soos bv. voertuie by veral landelike Polisiestasies / Vertrouensverhoudinge tussen boere en die SAPD / Misdaadvoorkomingsoperasies. Nog twee berade word vir die jaar beplan, met die ander vroeg volgende jaar. Vir meer inligting, skakel Tommie Esterhuyse by 082 782 0668. 

Bennie van Zyl, hoofbestuurder van TLU SA, het tydens ‘n inligtingsbespreking op Orania daarop gewys hoe aantreklik sommige Oos-Europese lande dit vir Suid-Afrikaanse boere maak om daar met boerderye te begin. Afgesien van die aansporings wat Georgië bied en wat al talle SA boere gelok het, subsidieer Bulgarye SA boererybeleggings met tot 70%, m.a.w. ‘n boer word vergoed met 70% kapitale waarde van enige belegging wat hy in boerdery in Bulgarye maak. In Rusland is die subsidiesyfer selfs tot 80%. Dit is omdat die kundigheid en produksievermoë van SA boere, veral Afrikaners, besef en gerespekteer word. Van Zyl het in antwoord op ‘n vraag ook gesê dat SA onlangs weer ‘n netto uitvoerder van kos geword het. Die ironie van die situasie in die land is egter dat 40% van die bevolking nie kan bekostig om substansieel kos te koop nie. Derhalwe spel ‘n honger massa in SA ‘n rewolusionêre gevaar. 

Die Appèlhof in Bloemfontein het bevind dat daar geen redelike gronde bestaan dat ‘n appèl van SABC uitvoerende hoof Hlaudi Motsoeneng teen ‘n Hooggeregshofuitspraak dat hy onbevoeg vir sy pos is, kan slaag nie. Dit lyk dus of die stormagtige loopbaan van Motsoeneng by die SABC tot ‘n einde gekom het en dat moontlik ‘n nuwe bedeling vir die nasionale uitsaaier kan aanbreek. Die DA dring intussen aan op die onmiddellike ontslag van Motsoeneng, hoewel jongste berigte dit wil hê dat aan ‘n plan gewerk word om Motsoeneng tdelik heraan te stel, veral met Minister van Kommunikasie Faith Muthambe steeds in haar pos. Blykbaar is die SABC-raad verdeel oor verdere indiensname van Motsoeneng.

Akademia, as die Afrikaanse universiteit deur Solidariteit gestig, is in die proses om nuwe studiesentrums te Bloemfontein, Paarl en George te vestig met die oog op implementering begin 2017. Dit kom naas die hoofkampus te Centurion en bestaande sentrums in Gauteng en te Kaapstad, wat die totale aantal sentrums vir 2017 op 11 te staan bring. Studente by Akademia studeer d.m.v. kontaksessies in hoëtegnologie-sentrums, met lesings regstreeks aangebied en danksy optiese veselnetwerke sien, hoor en kommunikeer studente en dosente in tot ses studiesentrums tegelyk met mekaar. Piet le Roux, akademiese hoof van Akademia sê: “Ons studente moet die beste uit die wêreld na Afrikaans bring, maar ook die beste uit Afrikaans na die wêreld neem.” Akademia aanvaar tans inskrywings vir die volgende programme in 2017: B.Com Ondernemingsbestuur / B.Com Bestuursrekeningkunde / B.Com Ekonomie en Regte / B.Com Finansiële Beplanning / Gevorderde Diploma in Projekbestuur / Hoër sertifikaat in Rekeningkunde / Hoër sertifikaat in Kantooradministrasie. Vir meer inligting, besoek www.akademia.ac.za

 

In die #FeesMustFall-veldtog het studente - meer as 95% swart en gekleurd - vandeesweek ‘n aantal universiteitskampusse d.m.v. gewelddadige betogings laat sluit. Studente - meer as 85% blank - wat normaalweg met klasse en toetse wil aangaan, is met geweld verhoed om dit te doen. In talle gevalle is toetslokale binnegestorm, toetsskrywende studente uitgejaag en vraestelle opgeskeur. Sodanige gevalle het o.a. voorgekom te Universiteit van Pretoria (UP), Wits, Universiteit van die Vrystaat (UV) en Universiteit van Stellenbosch (US). Die kampus van Wits is vir alle praktiese doeleindes in ‘n staat van militêre beleg, terwyl groot skade aan geboue en infrastruktuur aangerig is. Dieselfde geld die Mahikeng-kampus van die NWU, die KZN Universiteit te Pietermaritzburg en sommige universiteite vir tegnologie. By die UP is die Hatfield-kampus gesluit ondanks versekerings deur rektor prof. Cheryl de la Rey dat betogings en geweld nie geduld sou word nie. ANC sekretaris-generaal Gwede Mantashe het gesê dat as hy die Minister van Hoër Opvoeding was, sou hy die universiteite vir ses maande gesluit het en die koshuise vir ‘n verdere ses maande, sodat studente tot hul sinne kan kom. Inmiddels kan interessante, growwe maar op die punt af video-kommentaar van ‘n jong bruin inwoner van Touwsrivier by hierdie skakel op Facebook gesien word. Intussen blyk dit volgens onbevestigde syfers dat skade van sowat R500 miljoen reeds aan universiteitskampusse aangerig is, terwyl nagenoeg die helfte van alle eerstejaarstudente in SA druip.  

Wetgewing in die vorm van die Films en Publikasies Wysigingswet, of sg. Internet Sensorskap Konsepwet, dien tans in die Portefeuljekomitee vir Kommunikasie van die Parlement waarin voorsiening gemaak word dat vir alle praktiese doeleindes pornografie op die Internet gewettig en feitlik vrylik beskikbaar gestel kan word. In die voorgestelde bepalings word voorsiening gemaak dat instansies buite die bevoegdhede van die Onafhanklike Uitsaai-owerheid van SA(Okosa) materiaal op die Internet mag stroom (“stream”), dat beheer oor eksplisiete materiaal van seksuele aard feitlik afgeskaf word en dat ouderdomsbeheer ook feitlik opgehef word. Daar is voorts op spesifieke regspunte besware dat die konsepwetgewing ongrondwetlik is. Instansies soos MultiChoice, eNCA, eTV, Right2Know, Media Monitoring Africa, die SOS Coalition, SANEF, die Nasionale Vereniging vir Uitsaaiers, die SABC en selfs Google het almal in wisselende opsigte beswaar gemaak teen die voorgestelde wetgewing. Politieke partye soos o.a. die DA en VF Plus is ook hewiglik gekant teen die konsepwet. As sulks is dit een van die potensieel mees skadelike stukke wetgewing wat nog ooit in die SA Parlement gedien het en het dit die potensiaal om ‘n verwoestende effek op morele waardes en sedelike peil in die land te hê, veral wat kinders betref. Daar word gehoop dat die wetgewing nie die portefeuljestadium van die Parlement sal oorleef nie. Christelike groepe doen ‘n beroep op ernstige voorbidding teen hierdie konsepwetgewing. Vir meer besonderhede, volg hierdie skakel.       

Hierdie kategorie is tans onder konstruksie en sal binnekort beskikbaar wees.

Internasionale nuusagentskappe berig dat Noord-Korea pas sy vyfde kernbomtoets en grootste nog vir die land gedoen het, met ‘n registrasie van 5,3 op die aardskokskaal. Dit was waarskynlik ‘n 10-kiloton bom en feitlik net so kragtig as die destydse Hiroshima-bom. Die toets het ook diplomatieke en politieke skokgolwe uitgestuur, met veral Suid-Korea, Japan, ander Oosterse state en die VSA wat hoogs verontrus is. Die groot vraag natuurlik is waar hierdie ergste diktatoriële en mees geïsoleerde staat op die planeet die tegnologie en finansies vind om eksperimente op hierdie megaskaal te kan uitvoer. Die kerntoets volg ook kort op die G20 spitsberaad van wêreldleiers wat pas in China gehou is. Inmiddels het Noord-Korea tydens die beraad ook missieltoetse uitgevoer.

Na ses jaar van uitgerekte regsgedinge en talle vertragings is uiteindelik in die Noord-Gautengse hooggeregshof  ʼn skikking met Khulubuse Zuma bereik dat hy R23 miljoen skadevergoeding aan die Pamodzi- en Aurora-likwidateurs sal betaal. Die Bhana-familielede wat by die Aurora-vernietigingstog betrokke was, is daarenteen kragtens ’n hofbevel gesekwestreer. Dit bring hoop aan die nagenoeg 5 300 voormalige Aurora-werknemers wat nou uit die Zuma-skikking en verkoop van Bhana-bates ’n gedeelte van hulle uitstaande gelde kan terugkry. Zuma het reeds die eerste betaling van R5,5 miljoen gemaak en moet die volgende R16 miljoen in maandelikse paaiemente van R500 000 betaal en die laaste R2 miljoen in maandelikse paaiemente van R100 000 totdat die volle R23 miljoen vereffen is. Volgens Solidariteit, wat die regsgeding met volharding namens hul lede gedryf het in wat waarskynlik die skandaligste geval is in die SA myngeskiedenis, het die Aurora-vennote Zuma en Solly, Fazel en Zubeida Bhana en Yaseem Theba lig daarvan afgekom met dat hulle nagenoeg 5 300 werknemers en hul gesinne in armoede gedompel het en die Pamodzi-mynbates van nagenoeg R1,7 miljard gewetenloos geplunder het. Intussen blyk dit dat regskoste nog ‘n aansienlike hap uit die vergoedingsbedrag kan neem.  

Solidariteit het in ’n voorlegging aan die International Trade Administration Commission (ITAC) gestel dat die SA staalbedryf die risiko loop om inmekaar te tuimel indien voorsorgmaatreëls nie dringend getref word nie. Volgens Marius Croucamp van die Metaal- en Ingenieursbedryf by Solidariteit, word Chinese staal in China gesubsidieer, met die gevolg dat staal op grootskaal in SA gestort word, wat plaaslike staalprodusente onder geweldige druk plaas. Dit het al talle staalondernemings gedwing om hul deure te sluit, wat weer talle broodwinners sonder inkomste laat. So bv. het sowat 2 200 mense hul werk verloor toe Evraz Highveld Steel toegemaak het en ‘n verdere 13 000 toe Highveld Steel self te Witbank gesluit het. Die staalbedryf verskaf sowat 66% van alle werk in die Vaaldriehoek en sou ’n aanleg soos ArcelorMittal ook moet sluit, sou dit die plaaslike ekonomie waarskynlik op sy knieë bring. In 2015 alleen is in die SA staalbedryf sowat 11 000 werksverliese gely.

AfriForum het sy stortingsterreinouditverslag aan Minister van Omgewingsake Edna Molewa en haar topamptenare oorhandig, nadat hull vanjaar stortingsterreine geoudit het. Volgens toepaslike wetgewing en regulasies, onder meer die Wet op Nasionale Omgewingsbestuur: Vullis, 59 van 2008, moet ’n stortingsterrein aan bepaalde vereistes voldoen, aan die hand van welke vereistes die oudit gedoen is. Die bevindinge toon dat slegs 15 uit 83 van die stortingsterreine wat geoudit is, oftewel 18%, aan die minimum vereistes voldoen. Van die probleme wat geïdentifiseer is, sluit in onwettige mediese afval word op die terreine gestort, met die gevolg dat ondergrondse water besoedel word; families met kinders is woonagtig op sommige van die terreine; diere wat op stortingsterreine wei en van die afval vreet; dierkarkasse wat onwettig gestort word en swak rehabilitasie en kompaksie op terreine. Voorts is oudits ook gedoen op drie privaatbeheerde stortingsterreine en is bevind dat twee van hulle 100% aan die regulasies voldoen, terwyl die derde ’n persentasie van 76 behaal het - dit teenoor staatsbeheerde stortingsterreine wat ’n gemiddeld van 44,3% tydens die oudit behaal het. Vir meer besonderhede, kontak Chris Boshoff by 072 535 6130 of Hierdie e-posadres word van Spambotte beskerm. Jy moet JavaScript ontsper om dit te lees..

Die nuustoneel in Suid-Afrika word tans ongelukkig oorstroom met slegte nuus en is dit letterlik asof die land uitmekaar wil val. Suid-Afrika, waarin God amptelik die afgelope 22 jaar geen plek het nie, was kennelik nog nooit in so ellendige toestand as tans nie.

Onder hierdie omstandighede kan verwag word dat die aasvoëls van die wêreld op die land gaan toesak. So is sekerlik die internasionale geldmag besig met hul inpalmingsplan, skuif die Chinese hul imperiale pionne reg, lek Moslem-ekstremiste hul lippe af en konkel groot en klein swendelaars optimaal.

Een voorbeeld is dat miljoene hektaar plaasgrond in die Vrystaat, Gauteng, Mpumalanga, KZN, die Noord-Kaap die Oos-Kaap en die Wes-Kaap tans onder opsie vir mynprospektering van verskillende maatskappye is – ‘n aaklige fisiese bedreiging vir die SA soos ons dit ken.

Dan praat ‘n mens nog nie van die miljoene werklose swartes ryp vir ‘n rewolusie nie.

In die prentjie is ook die Afrikaner met sy unieke posisie in SA. Talle gaan maar net hul gewone gang en “hoop dat dinge gaan verbeter”. Sommige het “joiners” en “hanskakies” geword en omhels die huidige bose bestel in die hoop dat dit hul redding gaan wees. Ander vlug landuit. Nog ander is moedeloos en die arms hang slap.

Dan is daar diegene wat die aanstormende duisternis beveg met watter wettige instrument hulle ookal kan vind. Voorbeelde hiervan is Solidariteit, AfriForum, Helpende Hand, Orania, die VF Plus, die HNP, die GKK, die FAK, die ATKV, die Afrikanerbond, ens. Op velerlei terreine laat hulle hul geld as die spreekwoordelike sout in die pot.

Dit is duidelik dat ook die Afrikaner in ‘n verbete terugvegpoging betrokke is. Uit ons beskeie hoek doen ons hiermee ‘n oproep dat hierdie terugvegpoging ten volle gesteun moet word en uitgebou word totdat ‘n klinkende oorwinning behaal is.

Hierdie land behoort nie aan die Bose en sy trawante nie – dit staan onder beslag van Jesus Christus en Sy koninkryk. Daarom sê ons: Kom ons verootmoedig ons voor die Almagtige sodat Hy ons land kan genees; kom ons as Afrikaners ontdek weer ons volkskap, want nie as individue nie maar slegs as kollektief kan ons dit maak; laat die Afrikaner / Boerevolk die politieke uitdaging aanvaar om steeds soewereine selfbeskikking op eie grondgebied na te streef.

Terwyl veel deesdae gesê word oor die mag, meesal korrup, wat pres. Jacob Zuma in SA uitoefen en in die proses die land laat gly in die rigting van ‘n diktatuur, is dit nodig om na wyer as bloot die persoon van Zuma te kyk.
SA huiwer tans in ‘n kritieke stadium tussen die twee pole van ‘n stabiele land en anargie en moet daar altyd gebid, gehoop en gewerk word dat die land na eersgenoemde pool sal swaai. Baie mense in die land, verteenwoordigend van alle rasse, deel hierdie strewe, maar daar moet nie ‘n illusie wees dat daar kragtige magte binnelands sowel as buitelands is wat hulle beywer vir die omverwerping van die bestaande samelewingsorde in SA nie.
Geoordeel op sy doen en late lyk dit of Zuma deel is van die radikale kant en dat dientengevolge hy deur kragtige magte, veral die gekonsentreerde internasionale geldmag wat na wêreldoorheersing streef, in die kussings gehou word.

Bladsy 34 van 35

Ora betonwerke proef Sept 2017

Artistia Food

Renosterberg lodge